SAN JUAN 10:36 - Enhlit Bible

³⁶ ¿Soctomja apquilanya nac quellhip otipsic coo apvisay Dios Ingyapam? ¿Inlhoyqui laa siclhena lhac: Coo sictimem Dios Apquitca? Eponquincasquic coo Tata. Eyapajasquic coo as nalhpop.

SAN JUAN 10:36 Iomraidhean Croise

SALMOS 2:2

Apcaneclhec mataa apquilviscaa as nalhpop. Apquilpamejitsacpec mataa yatapquilviscaa. Apquililtamjoc mataa elinmelham Visqui ingac yoyam elinmelham Dios apquilyacyescama.

ISAÍAS 42:1

Eycaso sicpayvam Dios: Quip elanojo. Eycaso aptomja selancam, aptomja sicmasma, aptomja sicyacyescama, aptomja siyasicjayo. Acpiquinquic apvalhoc Espíritu ajanco. Elngacsic sat actomja nasoc anco nipyesicsa enlhitaoc lhalhma anco.

ISAÍAS 42:3

Mengyintacsejec sat yammamoc acjalhem. Mesponsejec sat calevascama ayitlhinquiscama caspona. Melvaticsejec sat aplingascama amyaa actomja nasoc anco.

ISAÍAS 55:4

Actimescasquic alhta David yoyam etnejic aplingascama sicvisay nipyesicsa enlhitaoc. Yoyam etnejic apvisqui najan apyimtalhnamo nipyesicsa enlhitaoc lhalhma anco.

JEREMÍAS 1:5

Acponquincasquic alhta lhip metyaycamlha mocjam lhip. Inlhenquic alhta evalhoc lhip etnejic sat profeta aplingascama sicvisay nipyesicsa enlhitaoc lhalhma anco — alhta aptomjac Dios.

SAN MATEO 27:43

Apquiljalhnec mataa, yoyam epasmoc Dios Ingyapam. Apcasicjavoc sat ancoc Dios Ingyapam, ingyane sat evomsic tap quilhvo. Ayinyemaclha aptomjac alhta mataa Jesús: “Coo nac Dios Apquitca” —alhta apquiltomjac apquilasmescama.

SAN MATEO 27:54

Lhama alhta apquilvita acyovjamcaa nalhpop capitán najan singilpilhtetemo apquiltamilquiscama Jesús. Apquilvitac alhta aclhamoclhojo asoc. Apquilacac alhta. Apquiltomjac alhta aplhenacpo Jesús: —Nasoc alhta Dios Apquitca as enlhit —alhta apquiltomjac.

SAN LUCAS 1:35

Apcatingmavoc alhta ángel Dios apcasinancama: —Evayventac sat Espíritu Santo tacjalhit lhiya. Cajapvotac sat lhiya Visqui netin apmopvan malha yipjopay. Eponquinacpoc sat sicaa aptiyacmo sat. Eltamjacpoc sat Dios Apquitca.

SAN JUAN 10:35

Ningyasamcoc nincoo actemaclha Dios appayvam actalhesomalhca. Mongvanquejec ontimesquisic acmovan amyaa. Apquiltomjacpec nic nat ancoc enlhitaoc apquilvisay diosaoc ingilyap apquiltomja apquiljalhenmo Dios appayvam.

SAN JUAN 17:18

Lhip alhta aptomja seyapajascama nipyesicsa enlhitaoc lhalhma anco. Acno coo lha, alapajasquic as enlhitaoc nipyesicsa enlhitaoc lhalhma anco.

SAN JUAN 17:21

Altamjoc eltimjic lhama apquilpasmeyquiclha as enlhitaoc, acno lhip Tata aptomja seyipitcayo najan coo lha sictomja sicyipitcayo lhip. Yoyam ongiltimjic nincoo lha ninpasmeyquiclha as enlhitaoc. Elyicpilcangvomoc sat enlhitaoc lhalhma anco, aptomja seyapajascama lhip.

SAN JUAN 17:8

Altimnasquic alhta mataa lhip appayvam simquescama coo. Inquilmec alhta apquilvalhoc lhip appayvam. Apquilyasingvocmec alhta as enlhitaoc siyinyema coo lhip. Am alhta elyascacmoc as enlhitaoc, lhip aptomja seyapajascama.

SAN JUAN 19:7

Apquilatingmavoc alhta enlhitaoc: —Yitnec nincoo singanamaclha. Inpeyvoc aclhanma singanamaclha ematong as enlhit. Ayinyemaclha aptimesacpec apanco Dios Apquitca —alhta apquiltomjac.

SAN JUAN 20:28

Apcatingmavoc alhta Tomás: —Visqui ajac nac lhip najan Dios ajac —alhta aptomjac.

SAN JUAN 20:31

Innatalhesalhqui inyicje asoc sinpilapquiscama as vaycajac, yoyam melyascamejec quellhip Jesús aptomja Cristo Dios Apquitca. Colhic sat acyimnatem apnenyaoc quellhip apquiltomja melyasquiyam apvisay apanco.

SAN JUAN 3:17

Apcapajasquic alhta Dios Ingyapam Apquitca as nalhpop. Am eltamjoc eyanmongsiclha apquiltemaclha enlhit lhalhma anco. Apquiltemoc elvomsic tap enlhit lhalhma anco.

SAN JUAN 3:34

Enlhit apcapajasomap apquinyema Dios Ingyapam apquiltimnam mataa Dios appayvam. Ingmesquic nincoo Dios Ingyapam Espíritu Santo cotlaycaoc, mepqui apquilyipsateycaoc.

SAN JUAN 5:30

Aptomjac alhta mocjam Jesús: —Movanqueje coo otnajam elhapco. Elhicmosquic mataa coo Tata actemaclha yoyam oyicpilcojo. Inpeyvoc mataa sicyicpilquemo. Am oyiplovcasac mataa actomja sicmayjayoclha ajanco. Acyiplovcasquic mataa actomja apmayjayoclha coo Tata aptomja seyapajascama.

SAN JUAN 6:27

Noeltingya nasa quellhip nintom anco as nalhpop. Eltingya sat quellhip nintom actomja acyimnatescama ingnenyic cotmongvoycamlha nelha. Evanquic olmesic quellhip as nintom. Ayinyemaclha coo sicvisay Sictiyam Sictomja Enlhit. Dios Ingyapam aptomja selcajascama sictomja Apquitca —alhta aptomjac.

SAN JUAN 6:38

Netin coo ayinyemac. Motnejec coo sicmayjayo ajanco, sat eyca otnejic apmayjayoclha coo Tata aptomja seyapajascama.

SAN JUAN 6:57

Acyimnatem apnenyic innac coo Tata aptomja seyapajascama. Acyimnatem enquenyic coo lha innac ayinyema coo Tata. Elhojoc sat enlhit aptomja aptom ejepitic. Colhic sat acyimnatem apnenyic ayinyema coo.

SAN JUAN 6:69

Mongilyascacmoc nincoo, ningyasamcoc najan aptomja lhip Cristo, Dios apponquinomap —alhta aptomjac.

SAN JUAN 8:42

Aptomjac alhta mocjam Jesús: —Nasoc sat ancoc quellhip apquiltomja apquilyap Dios, jelasicjojoc sat coo lha. Ayinyemaclha acvaac coo, siyinyema Dios Ingyapam. Jave sicvoy ajanco, Dios apvamlha pac lhama aptomja seyapajascama.

ROMANOS 8:3

Am alhta covanac jingilvomsic tap singanamaclha Moisés. Ayinyemaclha nintemaclha inganco actomja ayinmelhaycam. Apvanquic alhta Dios jingilvomsic tap: Apcapajasquic alhta Apquitca ningyesicsa naysicsa ningyiplovquiscama mongilyascalhma. Aptomjaclhec alhta enlhit apanco, ningno nincoo. Apmascosquic alhta Cristo acmovan mongilyascalhma. Ayinyemaclha am eyiplovcasac mataa mongilyascalhma.

ROMANOS 9:5

Enaymacoc apquiltomja aptovana niptamin ningilyeyjamcaa apquilictingam apmamyi. Apvaac alhta Cristo aptomjayclho enlhit apanco nipyesicsa enaymacoc judíos. Cristo aptomja Visqui, malha Dios tacjalhit aclhamoclhojo asoc. Pac ontimjic mataa ningayo cotmongvoycamlha nelha. Amén.

GALATAS 4:4

Invocmec alhta acnim yoyam ingyapajacsic as nalhpop Apquitca Dios Ingyapam. Intimcasquic alhta inquin. Apcanyacpec alhta Dios Apquitca elyejiclhojo singanamaclha najan eyiplovsic apquiltemaclha judíos.