SAN JUAN 10:32 - Enhlit Bible

³² Aptomjac alhta Jesús apquilanya judíos: —Allhicmosqui inyicje quellhip aclhamoclhojo sictamjaycam altamila alinyema coo Tata. ¿Soctomja apquililtamjo nac jelajic? —alhta aptomjac.

SAN JUAN 10:32 Iomraidhean Croise

SALMOS 35:12

Eltimescasquic mataa sicmasom acyitna inlhojo actamilaycam evalhoc. Inyiplovcoc mataa acmayovsa evalhoc coo.

ECLESIASTÉS 4:4

Acvitac alhta mocjam: Ningvascapma ningiltamjaycam najan acma ningilnatam, actomja ayinyemayaclha singilyasipquiscama ingnaymacoc. Alhto inyicje as nintemaclha, acyitsomalhca ningilpatjetma alhcajayam.

JEREMÍAS 37:18

Aptomjac nic nat Jeremías apcanya apvisqui Sedequías: —¿So actomja yi? Sicmomalhca coo congne singilpilhtetomaclha. ¿Yitne ya sicsiclhnanomalhca ajanco napato apvisqui rey, najan napatavo apquilyimtalhnamo, najan napatavo enlhitaoc?

SAN MATEO 11:5

Innaclhec apataoc enlhit mepqui apataoc. Intamilaclhec apquillhingam enlhit apquilyateyaycam. Inquiltamilaclhec apyimpeoc actomjaycaoc lepra ningmasquem ningilyitapaycam. Apquillingaclhec amyaa mepqui apaycaoc. Apnalhaticjangvocmec apquilmasquingvaycmo alhta. Apquililtimnasacpec enlhit mepqui apquilnatam tasic amyaa.

SAN JUAN 10:25

Apcatingmavoc alhta Jesús: —Altimnasquic alhta inyicje sicvisay. Apquilyascacmec alhta quellhip. Actamjam coo ayinyema apvisay coo Tata. Coo sictamjaycam actomja acyascasingvoyam sicvisay.

SAN JUAN 10:31

Yejemoc alhta apquilma mataymong judíos. Apquililtamjoc alhta elajic Jesús.

SAN JUAN 10:33

Apquilatingmavoc alhta judíos: —Am ongiltamjoc ongilajic lhip actamila inlhojo aptamjaycam. Eyca ayinyemaclha aptipsamcaa lhip apvisay Dios Ingyapam. Enlhit apanco nac lhip, aptimesacpo inyicje apanco Dios —alhta apquiltomjac.

SAN JUAN 10:37

Am sat ancoc ollanac coo Tata aptamjaycam, jelyasquim sat coo.

SAN JUAN 5:36

Emcasquic coo Tata sictamjaycam seyanya openacsojo. Eyca as sictamjaycam actomja actamila aclingascama sicvisay, colhno aplhanma alhta Juan. Inlingasquic mataa amyaa sictamjaycam actomja naso siyinyema coo Tata aptomja seyapajascama.

LOS HECHOS 10:38

Apquilyasamcoc quellhip aplhenacpo Jesús co Nazaret. Dios Ingyapam apcatsisquiscama alhta najan apmescama apmopvan ayinyema Espíritu Santo. Apquillanac alhta mataa Jesús aptamjaycam actamila naysicsa aptiyascam. Apquiltamilquiscacmec alhta aplhamoclhojo actovascama yavey. Ayinyemaclha aptomja mataa aplhalhma Dios Ingyapam.

LOS HECHOS 2:22

“Quellhip enlhitaoc Israel, elaylhojo sicpayvam. Pac olhenic Jesús co Nazaret. Apcasinaquic alhta Dios Ingyapam. Apquiltamjoc alhta etnejic apmopvan aptamjaycam najan aptamjaycam sinpilapquiscama najan asoc monquinatquiscama nipyesicsa quellhip. Eycaso apquilyasamcoc quellhip aptomjaclha Dios Ingyapam.

1 SAN JUAN 3:12

Monlhoyc sat nincoo aptemaclha ilhnic nat Caín apcajayclha apyalhing. Apyiplovcasquic nic nat actemaclha somquic quilyicjamo. ¿Soctomja apcajayclha ilhnic nat apyalhing? Ayinyema ilhnic nat aptemaclha apanco apmapsom. Apyalhing eyca aptomja ilhnic nat appeyvomo.