SAN JUAN 10:3 - Enhlit Bible

³ Apvoctac sat ancoc apquilancam nipquesic, yejemoc sat ellicsic aptamilquiscama atong. Apquiljalhnoc apnatoscama actemaclha apquevoycam apvitip. Apquiltimec mataa apvisay moclhama apnatoscama. Apnalaclhec mataa apnatoscama tap apjalhtam.

SAN JUAN 10:3 Iomraidhean Croise

SALMOS 80:1

Lhip aptomja Apvisqui nipyesicsa enlhitaoc Israel, malha aptamilquiscama apnatoscama. Apnalaclhec nic nat lhip José apmolhama, malha apnalayclha apnatoscama. Apnec lhip netin nipyesicsa ángeles querubines. Quip ingyeylhojo, ilanojo sat lhip. Ingyimlimojo sat Efraín apmolhama,

ÉXODO 33:17

Aptomjac nic nat Dios apcanya Moisés: —Otnejic sat siclhalhma lhip. Naso siyasicjayo lhip najan sicyicpilquemo lhip apvisay — nic nat aptomjac Dios.

PROVERBIOS 27:23

Pac ongiltamilsic mataa ninatoscama nipquesic najan yataay, najan apquilyinatamaclha.

LOS CANTARES 8:13

¡Jeyane sat ongvaylhojo lhiya acpayvam, lhiya nac avisqui ayimjaclha ilhnamoc! ¡Apquiljalhnec ingnaymacoc elaylhojo lhiya acpayvam!

ISAÍAS 40:11

Eltamilsic sat apnatoscama malha quilancam nipquesic. Ingyaynic sat nipquesic apquitcoc. Epquinic sat apquinlhaclha. Etamilsojoc sat mataa enaliclha apyapmoc quilhva appaliyam apquitcoc.

ISAÍAS 42:16

Onaliclhac sat mepqui apataoc amay alhnancoc. Onaliclhac sat enlhit amay pac melvitayaclha. Omascocsic sat yatescamalhma. Cotniclhac sat ayitsayolhma. Opeyvasiclhac sat alvoyam congne, cotnejic acpeyvomo. Eycaso sicmovan otnejic as asoc. Osavojoc sat acyovoclhojo.

SAN JUAN 10:14

Coo sictimem apquilancam nipquesic aptamalma. Eyicpilcoc coo Tata, acyicpilcoc coo lha coo Tata. Acno coo lha, acyicpilcoc coo sicnatoscama. Elyicpilcoc coo lha sicnatoscama. Pac oyinyoc acyimnatem enquenyic acyanmongam sicnatoscama.

SAN JUAN 10:16

Apquilyancac mocjam poc nipquesic. Jave apquilyanca nac aso congne apjalhtam. Incaymalhquic onalovsingvoclha nipquesic. Elilyejiclhojoc sat sicpayvam. Acvamlha lhama sat cotniclha apquilyinatamaclha. Apvamlha pac lhama sat etnejic apquilancam nipquesic.

SAN JUAN 10:4

Apquilantipcasquic sat ancoc aplhamoclhojo apnatoscama, apquinimcasquic mataa amamyi, yoyam enaliclha. Apquilyiplovquic mataa apnatoscama, ayinyemaclha apquilyicpilcoc actemaclha apquevoycam apvitip.

SAN JUAN 10:9

Coo sictimem atong. Aptalhningvaac sat ancoc enlhit, evomsacpoc sat tap. Etnejic sat enlhit malha nipquesic. Etalhningvotac sat aplhancoc najan etyapvoclhac sat mataa. Etangvomoc sat mataa aptom.

SAN JUAN 6:37

Jelyotac sat moclhama enlhit aptomja selmescama Tata coo. Molantipsejec sat moclhama enlhit aptomja selyoycta.

SAN JUAN 6:45

Alhta intomjac apnatalhescama profetas Dios apquillingascama: “Dios Ingyapam sat ellhicmocsic aplhamoclhojo enlhitaoc” —nic nat intomjac vaycajac. Jeyotac sat moclhama enlhit apquiltomja apquiljalhenmo coo Tata najan apquiltomja apquilyasingvoyam.

ROMANOS 8:30

Ingilyacyesquic nincoo Dios siclhoc anco, aptomja singilanem malha singevoycam. Singilanem nincoo Dios siclhoc anco, aptomja najan singiltimesquiscama ningilpeyvomo. Ingiltimescasquic ningilpeyvomo Dios siclhoc anco, apquiltamjoc yoyam ongilpasmoc sat gloria aptemaclha apyimtalhnamo apanco.

1 CORINTIOS 16:9

Aplhamoc apnaycam enlhitaoc as tingma yoyam otnajam sat, yoyam colmoc apquilvalhoc tasic amyaa. Aplhamoc apnaycam yoyam eltimjic selinmelhaycam.

FILIPENSES 4:3

Lhip ingyalhing sictamjaycamo lhama. Actomjac coo siyanya lhip: Ipasim sat mataa as quilvanaa. Avanjec alhta mataa altamjaycam yoyam jelpasmoc naysicsa siltimnaycam tasic amyaa. Apnoc alhta ingyalhing Clemente najan poc siltamjaycamo lhama. Yitnec apquilvisay acnatalhesomalhca vaycajac acyitna apquilvisay enlhitaoc acyimnatem apnenyaoc.

COLOSENSES 4:3

Jingilmalhnesquis sat nincoo lha yoyam jingilanic Visqui ingac ongilpayecsic amyaa, malha yoyam jinglicsic atong Visqui ingac. Yoyam najan olngacsic amyaa acyilhomalhca actemaclha aplhenamap Cristo. Eycaso ayinyema sicma singilpilhtetomaclha.

2 TIMOTEO 2:19

Apquinimcasquic alhta Dios asoc monquinatquiscama acyimnatem, actomja malha mataymong avjac yoyam coyaninejec. Intomjac aclhanma asoc monquinatquiscama: “Apquilyicpilcoc Visqui ingac apquiltomja apmolhama”. Najan moc aclhanma: “Aplhamoclhojo Jesucristo apmolhama, noelvajaniclhojo nasa actemaclha acmasom” —alhta intomjac Dios appayvam.

1 SAN PEDRO 1:12

Apquilyasingvocmec nic nat profetas ayinyema apcanama Dios yoyam melvityejec ningilvomsomalhquilha tap. Nincoo eyca yoyam ongilvitac sat. Quellhip apquillinga as tasic amyaa ayinyema apquilingascama enlhitaoc apma apquilvalhoc Espíritu Santo apquinyema netin. Apquililtamjoc nic nat inyicje ángeles Dios apquilasinancama yoyam elyasamcojo tasic amyaa.

1 SAN JUAN 4:6

Nincoo eyca ningiltomja Dios apquitquic. Apquililjalhnoc mataa ninlhanma apquiltomja Dios apquitquic. Am eliljalhnoc mataa ninlhanma metnaja Dios apquitquic. Monginatsejec sat nincoo aptemaclha Espíritu apanco Dios aptomja nasoc anco najan actemaclha anco somquic quilyicjamo actomja acmovan amyaa.

3 SAN JUAN 1:14

Inlhenquic evalhoc ovotamojoc sat apnamcaclha yoyam ongilpamejitsalhcojo.

EL APOCALIPSIS 20:15

Am sat ancoc coyitnac apvisay actalhesomalhca vaycajac acyitna apquilvisay enlhit acyimnatem apnenyaoc, yiplovcoc apyinyovmap naysicsa talha acvanyam.

EL APOCALIPSIS 3:20

Quip ilanojo. Ayinmam coo nicja atong siyanya jelicsic atong. Aplingac sat ancoc enlhit sicpayvam, elicasquic sat ancoc atong, yejemoc sat olhic congne tingma pac. Otoc sat aptom, otoc sat lhama as enlhit.

EL APOCALIPSIS 7:17

Ayinyemaclha apyancac Nipquesic Apquitcoc acyitnaclha Visqui aptajanem. Etamilsic sat as enlhitaoc, malha apnatoscama nipquesic. Enalaclhac sat as enlhitaoc acyitnaclha yingmin actomja acyimnatescama ingnenyaoc. Dios sat elicsic apate yingmenic as enlhitaoc —alhta aptomjac apquimja apmamyi.