SAN JUAN 10:28 - Enhlit Bible

²⁸ Olmesic sat acyimnatem apnenyaoc cotmongvoycamlha nelha. Melnatovasacpejec sat mataa. Acmiyovquic coo sicnatoscama. Copvanquejec enlhit jelnatamoc sicnatoscama.

SAN JUAN 10:28 Iomraidhean Croise

JOB 17:9

Melhnanmejec mataa enlhit appeyvomo, mepqui inlhojo apsilhnanomap apanco napato Dios.

SALMOS 31:5

Ima sat sicvanmoncama, etamilsic sat lhip. Lhip aptomja nasoc anco Visqui ingac. Lhip aptomja sevomquiscama tap.

SALMOS 37:28

Apquiltamjoc mataa Visqui nintemaclha acpeyvomo. Meyinyovejec sat mataa apquiltomja apquilinlhanyacmo, elmiyovacpoc sat. Enatovasacpoc sat apquilmapsomcaa, mepqui aptovana sat eltimjic.

PROVERBIOS 24:16

Aplingamcoc mataa acmasom enlhit appeyvomo, melvaticsejec sat apyiplovquiscama. Aplingamcoc mataa acmasom enlhit apmapsom, quilhvoc anco elvaticsic, memyovacpejec sat mataa.

PROVERBIOS 4:18

Apquiltemaclha enlhit apquilpeyvomo acyitsomalhca ayitsasquiscama olhma. Mopacmec siclho, yiplovcoc mataa ayitsay actamila anco.

ISAÍAS 27:3

Coo sicvisay Visqui, sictomja sictamilquiscama najan siyictinquiscama as uva avjac acnim anco najan alhtaa, meltovacsejec sat mataa cotnaja ingmoc.

ISAÍAS 45:17

Elvomsacpoc sat tap enlhitaoc Israel. Dios aptomja apquilvomquiscama tap cotmongvoycamlha nelha. Meltovasacpejec sat mataa. Colhejec sat alvinnamcaa cotmongvoycamlha nelha — alhta aptomjac Dios.

ISAÍAS 54:17

Paj lhama enlhit apquillanay apquilmaycam, yoyam elnatovasacpoc quellhip. Elnovsic sat quellhip moclhama apquiltomja apquilinmelhaycam. Coo sicmasma enlhit ajancaoc, opasmoc mataa acno siclhanma mepqui sicyeycajascaoc — alhta aptomjac Visqui ingac — nic nat aptomjac profeta.

ISAÍAS 55:3

Appaycaoc innac quellhip. Jelyota, elaylhojo sicpayvam yoyam coytic acyimnatem apnenyaoc. Ongillanac sat asoc monquinatquiscama sicmayjayoclha cotmongvoycamlha nelha. Opalhaquiscaclhac sat quellhip David apmolhama niptamin.

JEREMÍAS 23:4

Otingyasquisic sat apquilancam, yoyam eltamilquisic mataa. Melacyejec sat mataa sicnatoscama, melhnanmejec sat lhama. Naso coo sicpayvam sicvisay Dios.

JEREMÍAS 31:3

Ayinyictac coo mocjay — alhta aptomjac. Ayasicjavoc mataa quellhip cotningvoyam nelha, mepqui silvatescama aclhamoclhojo acnim.

JEREMÍAS 31:34

Coymalhquejec sat, yoyam eltamsacpoc ingmoc najan ningmolhama, elyicpilcojoc sat Dios. Elyiplovcasojoc sat Dios apyovoclhojo enlhitaoc, najan apquilvanyam, najan apquitcavoc. Omascocsic sat apquiltemaclha apquilsilhnanomap apanco, jelvoncamoc sat apquiltemaclha melyascalhma nano. Nasoc sicpayvam sicvisay Dios — alhta aptomjac.

JEREMÍAS 32:40

Olanac sat pacto ningmiyovmalhca nipyesicsa maa: Olhenic sat mepqui sicyeycajascaoc olmeyvoc mataa enlhit ajancaoc, otnesquisic aclhanma apquilvalhoc eltimjic selayo, mejelyinyovejec sat mataa coo.

SAN MARCOS 13:22

Elilhyemoc sat enlhit apquiltimesomap apanco Cristo najan profeta apmopvancaa amyaa. Ellhicmocsic sat asoc monquinatquiscama najan tamjaycam sinpilapquiscama. Apquililtamjo inyicje elyinimsic Dios apquitquic apquilyacyesomap.

SAN LUCAS 23:46

Yejemoc alhta appametamcaa Jesús apyimnatesa appayvam: —Tata, ima sat ejangaoc. Lhip sat etamilsic —alhta aptomjac. Natamin appayvam alhta apquitsepa.

SAN JUAN 10:29

Apmeyjec coo Tata aptomja selmescama sicnatoscama, am elhnoc aplhamoclhojo enlhit. Copvanquejec enlhit elnatamoc, ayinyemaclha apquilmiyovquic coo Tata sicnatoscama.

SAN JUAN 11:25

Apcatingmavoc alhta Jesús: —Coo sictimem siclhaticjasquiyam najan sicyimnatescama apnenyaoc enlhitaoc. Apquitsepquic sat ancoc enlhit aptomja mejeyasquiyam coo, coyimnavomoc sat apnenyic.

SAN JUAN 14:19

Quilhvoc sat ovonquepoc coo. Mejelviticlhejec sat mocjam enlhit lhalhma anco. Quellhip eyca jelvitac sat mataa. Colhic sat acyimnatem apnenyaoc, ayinyemaclha cayjec coo enquenyic.

SAN JUAN 17:2

Eyasinaquic lhip otnejic sicyimtalhnamo nipyesicsa aplhamoclhojo enlhitaoc. Yoyam olmesic aclhamoclhojo asoc ayinyema lhip: Acvisay acyimnatem ingnenyic cotmongvoycamlha nelha. Ellhovac sat aplhamoclhojo enlhit selmescama lhip.

SAN JUAN 18:9

Invocmec alhta acvamlha aplhanmaclha Jesús: “Am alhta alhnanacmoc lhama enlhit selmescama alhta coo Tata.”

SAN JUAN 3:36

Am sat ancoc ongilyascacmoc Apquitca, colhic sat acyimnatem ingnenyaoc cotmongvoycamlha nelha. Am sat ancoc ongilyajaclhoc Apquitca, mongvityejec sat acyimnatem ingnenyaoc. Yimtilhec sat cotnejic acyanmongayclha ayinyema Dios Ingyapam.

SAN JUAN 4:14

Mejingajiclhejec sat mataa acnim ningiltomja ningyam yingmin ayinyema sicmescama coo. Eycaso yingmin sicmescama coo cotnejic sat actiyapmaclha mataa yingmin ingvalhoc ingac. Yoyam colhic sat acyimnatem ingnenyaoc cotmongvoycamlha nelha —alhta aptomjac.

SAN JUAN 5:24

‘Actomjac coo silanya quellhip: Naso, colhic sat acyimnatem apnenyic moclhama enlhit aptomja apjalhenmo sicpayvam najan aptomja meyasquiyam coo Tata aptomja seyapajascama. Metvasacpejec sat as enlhit, ayinyemaclha aptipquic naysicsa ningitsepmaclha, apvocmec acyimnatamaclha ingnenyic.

SAN JUAN 6:27

Noeltingya nasa quellhip nintom anco as nalhpop. Eltingya sat quellhip nintom actomja acyimnatescama ingnenyic cotmongvoycamlha nelha. Evanquic olmesic quellhip as nintom. Ayinyemaclha coo sicvisay Sictiyam Sictomja Enlhit. Dios Ingyapam aptomja selcajascama sictomja Apquitca —alhta aptomjac.

SAN JUAN 6:37

Jelyotac sat moclhama enlhit aptomja selmescama Tata coo. Molantipsejec sat moclhama enlhit aptomja selyoycta.

SAN JUAN 6:47

Actomjac coo silanya quellhip: Yitnec acyimnatem apnenyic enlhit aptomja mejeyasquiyam.

SAN JUAN 6:68

Apcatingmavoc alhta Simón Pedro: —Visqui, ¿soc enlhit ongyamejic nincoo? Apvamlha lhip inyitnac appayvam actema nac cotmongvoyam nelha acyimnatem ingnenyic.

LOS HECHOS 7:59

Apyinjacpec alhta mataymong Esteban naysicsa apquilmalhnancama. —Visqui Jesús, ima sat ejangaoc —alhta aptomjac.

ROMANOS 5:17

Lhama enlhit nic nat ayinyemayaclha siclho ningitsepma actomja acmovan. Colhic sat ningmovan nincoo ayinyema lhama enlhit apvisay Jesucristo. Ayinyemaclha ningillhocac nincoo Dios singaycaoc aptomja singiltimesquiscama ningilpeyvomo actemaclha singmescama nasa.

ROMANOS 5:2

Ingvanquic ongilyoclhojo Dios yoyam ongillhovac singaycaoc. Eycaso ayinyema mongyasquiyam Jesucristo. Yitnec nincoo quilhvo Dios singaycaoc. Inpayjeclhec nincoo ingvalhoc, ayinyemaclha acyitna aljalhneycam ingvalhoc yoyam ongilpasmoc sat gloria aptemaclha apyimtalhnamo Dios.

ROMANOS 5:21

Acmovan innac mongilyascalhma. Avanquic mataa colnapoc aplhamoclhojo enlhitaoc apquilyiplovquiscama actemaclha mongilyascalhma. Acmovan najan innac Dios singasicjayo. Actomja singiltimesquiscama ningilpeyvomo napato Dios. Actomja singmescama acyimnatem ingnenyaoc cotmongvoycamlha nelha ayinyema Jesucristo Visqui ingac.

ROMANOS 5:9

Quilhvo eyca innec sintimesa ningilpeyvomo napato Dios ayinyema apquitsepma Cristo singyanmongam nincoo. Ningyasamcoc nincoo yoyam ongilmiyovalhcac sat ayinyema Cristo, acvaa sat acnim apyanmongsayclha Dios apquiltemaclha enlhitaoc.

ROMANOS 6:23

Ningyiplovcasquic sat ancoc mongilyascalhma coyiplovjoc sat ningitsepma. Dios eyca aptomja singmescama nasa acyimnatem ingnenyaoc cotmongvoycamlha nelha ninpasmeyquiclha Jesucristo Visqui ingac.

ROMANOS 8:1

Nasoc anco, mongiltovasalhquejec sat ningiltomja ninpasmeyquiclha Cristo Jesús. Mongilyiplovsejec mocjam nintemaclha inganco. Ongilyiplovsic sat mataa actemaclha ayinyema Espíritu apanco Dios.

ROMANOS 8:29

Ingilyicpilcoc nincoo Dios siclhoc anco aptomja singilyacyescama. Apquiltamjoc Dios yoyam onlhojoc nincoo Apquitca. Apquiltamjoc yoyam etnejic Apquitca apvaneycaoc apmamyi, malha apjapquininga nipyesicsa aplhamoclhojo apquilyalhinga.

DEUTERONOMIO 33:3

Apcasicjavoc Dios apnaymacoc enlhit, aptomja apquilmasma apquilponquinomap. Apquiltomja apquilayo naysicsa apquiljalhenmo appayvam singanamaclha.

FILIPENSES 1:6

Acyasamcoc coo actomja nasoc anco: Visqui ingac aptomja apquenmo apquilvalhoc apquiltemaclha actamila. Epenacsojoc sat najan apquiltemaclha actamila acvocmo acnim apvoyctamlha Jesucristo.

2 TESALONICENSES 2:13

Quellhip ingilyalhinga apquiltomja apquilasicjamacpo ayinyema Visqui ingac. Ningilinlhanacmec mataa nincoo nintimem gracias Dios Ingyapam naysicsa ningilmalhnesquiscama quellhip. Ayinyemaclha Dios aptomja apquilyacyescama quellhip siclhoc anco apquilantipquiscama aclhamoclhojo asoc. Apquiltamjoc yoyam elvomsacpoc tap quellhip ayinyema Espíritu apanco Dios aptomja apponquinquiscama quellhip. Najan ayinyema actomja nasoc anco apquiltomja apquilyiplovquiscama quellhip.

1 TIMOTEO 1:16

Eycaso ayinyema seyimlayquiclho Dios. Elhicmosquic alhta Jesucristo emamyi actemaclha aljalhanma apvalhoc mepqui appecjescama. Apquiltamjoc alhta Jesucristo elhicmocsic enlhitaoc sictemaclha coo yoyam elyanmongsic apquilvalhoc. Yoyam najan coytic acyimnatem apnenyaoc cotmongvoycamlha nelha ayinyema melyasquiyam.

2 TIMOTEO 1:12

Eycaso ayinyema siclingaycamco acmasca quilhvo nac jay. Am eyca omancac naysicsa siclingaycamco acmasca. Acyasamcoc coo apna semasma, sictomja moyasquiyam. Yitnec apmopvan yoyam emyoc asoc siclhoy coo acvocmo acnim apvoyctamlha sat.

HEBREOS 7:25

Apvanquic mataa Jesús elvomsic tap apquiltomja apquilyoyquiclha apnaclha Dios, ayinyema apnalayclha Jesús. Ayinyemaclha Jesús aptomja apquilmilaneycaoc yoyam elmalhnesquisic mataa Dios yoyam epasmoc enlhitaoc.

1 SAN PEDRO 1:5

Dios aptomja apquiltamilquiscama quellhip ayinyema apmopvan apanco. Ayinyemaclha acyitna melyasquiyam quellhip. Apquiltamjoc yoyam elvomoc quellhip ningilvomsomalhquilha tap yoyam elvitac quellhip actamongvomlha nelha acnim.

1 SAN JUAN 1:2

Apvitacpec nat apvaa. Ningvitac nat nincoo. Ninlingasquic nincoo nipyesicsa quellhip apvisay Apyimnatescama ingnenyic. Apnec nic nat apnaclha Ingyapam netin. Apvitacpec nat apvaa.

1 SAN JUAN 2:19

Apquilvatsamquic sinpasmeyquiclha as enlhitaoc. Ayinyemaclha cotnaja alhta nintemolhama as enlhitaoc. Apquiltomjac alhta ancoc nintemolhama, mejingyamyiclhejec alhta. Eycaso ayinyema ningyascamco, am elanomacpo nintemolhama.

1 SAN JUAN 2:25

Aplhenquic nat Jesucristo jingilmesic acyimnatem ingnenyic cotmongvoycamlha nelha.

1 SAN JUAN 5:11

Eycaso aplhanma Dios yoyam colhejec acyascacmo: Singmescama acyimnatem ingnenyic cotmongvoycamlha nelha ayinyema Apquitca.

SAN JUDAS 1:1

Coo nac Judas sictomja Jesucristo apquilancam. Jacobo apyalhing nac coo. Actalhoscasquic as vaycajac actemaclha aclhanma evalhoc Dios apmolhama. Dios Ingyapam aptomja apquilasicjayo. Apquiltomja apquiltamilcasomap najan apquilanyomap yoyam eltimjic apquilpasmeyquiclha Jesucristo.

SAN JUDAS 1:21

Eltamilsacpojo apanco ayinyema singasicjayo Dios. Elalh sat acvocmo acnim yoyam ellhovac acyimnatem apnenyaoc cotmongvoycamlha nelha. Jingilmesic sat Jesucristo Visqui ingac ayinyema apcamliyam apanco.

SAN JUDAS 1:24

Dios aptomja apvamlha pac lhama. Aptomja singvomquiscama tap ayinyema Jesucristo Visqui ingac. Yitnec apmopvan Dios yoyam eltamilsic quellhip yoyam melsilhnanacpeje. Apvanquic Dios enaliclhac quellhip apnaclha mepqui apquilsilhnanomap acyiplom acpayjayclha apquilvalhoc. Ayinyemaclha Dios apna naysicsa ayitsayolhma. Innec ayaco Dios Ingyapam, aptomja apyimtalhnamo, acyitna apmopvan nanoc nic nat najan quilhvo nac jay najan cotmongvoycamlha nelha. Amén.

1 SAMUEL 2:9

Aptomja sintamilquiscama, ningiltomja inlhojo ningilpeyvomo. Am emyavac apquilmapsomcaa, apquilitsepmec mataa naysicsa yatescamalhma. Metnaja apquilyimnatem enlhit apquilyimtalhnesomacpo apanco.