SAN JUAN 10:21 - Enhlit Bible

²¹ Apquiltomjac alhta poc enlhitaoc: —Am cotnemac appayvam enlhit meyascamcolhma actema nac lha. ¿Avanqui ya somquic quilyicjamo colyapitsiclha apataoc enlhit mepqui apataoc? —alhta apquiltomjac.

SAN JUAN 10:21 Iomraidhean Croise

SALMOS 146:8

Aptomja apnesayclha apataoc enlhit mepqui apataoc. Aptomja aptamilquisquiyam enlhit apsilhnanomap apanco. Aptomja apquilasicjayo enlhit apquilpeyvomo.

SALMOS 94:9

Singillanay Dios acyiplomo ingjaycaoc. ¿Mepqui ya apjaycaoc Dios Visqui ingac? Singillanay Dios acyiplomo ingataoc. ¿Mepqui ya apataoc Dios Visqui ingac?

ÉXODO 4:11

Aptomjac nic nat Dios Apyimtalhnamo apcanya: —¿Soc alanescama apatong enlhit yoyam elyatam? ¿So aptimesquiscama mepqui appayvam enlhit najan mepqui apaycaoc najan mepqui apataoc? ¿Soc acnesayclha apataoc enlhit? ¿Naso ya coo sicvisay ayinyema sictimesquiscama? — nic nat aptomjac.

ÉXODO 8:19

Apquiltomjac nic nat apquilyojolhma apquilanya apvisqui faraón: —Eycaso ayinyema Dios, malha sinlhicmoscama apopejic — nic nat apquiltomjac. Am nic nat cotamilam apvalhoc apvisqui faraón. Am nic nat elyajaclhoc actemaclha apcanama Dios Apyimtalhnamo.

PROVERBIOS 20:12

Ingilmasquic nincoo Dios ingjaycaoc, yoyam ongilaylhojo, najan ingataoc yoyam ongilanojo.

SAN MATEO 11:5

Innaclhec apataoc enlhit mepqui apataoc. Intamilaclhec apquillhingam enlhit apquilyateyaycam. Inquiltamilaclhec apyimpeoc actomjaycaoc lepra ningmasquem ningilyitapaycam. Apquillingaclhec amyaa mepqui apaycaoc. Apnalhaticjangvocmec apquilmasquingvaycmo alhta. Apquililtimnasacpec enlhit mepqui apquilnatam tasic amyaa.

SAN MATEO 4:24

Inlingalhquic alhta apvisay yoclhilhma Siria. Apquilnalantac alhta apnaclha Jesús aplhamoclhojo aptemaclha acmasca apyimpeoc najan enlhit actovascama somquic quilyicjamo najan apsicjangviyam najan apquilyelcomap. Apquiltamilquiscacmec alhta Jesús.

SAN JUAN 10:22

Apquiltomjacpec alhta caya dedicación tingma Jerusalén, ningiltimem “apquilmalhnesquiscama Ingyapam tingma apponquinomap.” Eyquey alhta intomjac (piyam alhta).

SAN JUAN 9:6

Natamin appamejitquiscama alhta Jesús apquilpotsam apyamanong nalhpop. Apquillanac alhta yelpa apyamanong. Apquiltilhnasamquic alhta apataoc as enlhit.