SAN JUAN 10:1 - Enhlit Bible

¹ Actomjac coo silanya quellhip: Naso, am sat ancoc etalhningvoctac enlhit atong nipquesic aplhancoc. Apcaplhinquic sat ancoc apjalhtam, eyca as aptomja apminyilhma.

SAN JUAN 10:1 Iomraidhean Croise

JEREMÍAS 14:15

Coo sicvisay Dios Visqui apancaoc, olhenic sat apquiltemaclha profetas apquillingascama sicvisay mepqui silapajascama coo. Yitnec apquillingascama amyaa mepqui apquilimpocjay, mepqui mayic ataoc as yoclhilhma. Eticyoc sat profetas naysicsa apquilimpocjay cotnaja ingmoc najan naysicsa mayic ataoc.

JEREMÍAS 23:21

Aptomjac mocjam Visqui ingac: Jave silapajascama coo as profetas, mepqui silasinancama. Apquilpecjasquic alhta ellingacsic coo sicvisay.

JEREMÍAS 23:32

Ongvinmelham sat as profetas apquillingascama amyaa, malha acvitay apquilvanmoncama. Apquiltomja eyca apquilsilhnanoncama enlhit ajancaoc. Jave silasinancama as profetas, colapvanquejec elyascasingvomoc enlhitaoc. Eycaso sicpayvam sicvisay Visqui apancaoc — alhta aptomjac.

JOEL 2:9

Apquilaplhinquic netin tingma, apquilyiplayclho mataymong tingma apjalhtam. Apquilantalhnec mataa atong ayitcoc tingma.

SAN MATEO 7:15

Aptomjac alhta mocjam Jesús: ‘Elavojo quellhip apquilsoycam apquilmopvancaa amyaa apquilpalhavoy nipyesicsa quellhip. Apquilyitsomacpo apanco inyicje nipquesic. Eyca malha asoc navjac aclom apquiltemaclha apancaoc.

SAN JUAN 10:7

Yejemoc alhta apquiltimnasamcaa mocjam Jesús: —Actomjac coo silanya quellhip: Coo sictimem malha nipquesic aplhancoc atong.

SAN JUAN 3:3

Apcatingmavoc alhta Jesús: —Actomjac coo siyanya lhip: “Naso, am sat ancoc etyacmoc mocjam enlhit ayinyema Dios Ingyapam, metangvomejec sat Dios apquilnancascama” —alhta aptomjac.

ROMANOS 10:15

Am sat ancoc elapajasacpoc soycam amyaa, ¿apvancaa ya elpayecsic amyaa? Intomjac nic nat Dios appayvam actalhesomalhca: “Inpayjeclhec ingvalhoc ningvita soycam amyaa apquiltomja apquillingascama tasic amyaa” —nic nat intomjac.

ROMANOS 16:18

Am colhenac mataa apquilvalhoc as enlhitaoc yoyam elanam Jesucristo Visqui ingac. Inlhenquic mataa acvamlha apquilvalhoc nintom yoyam elyipcanmojo. Apquiltamilsam mataa apquilpayvam as enlhitaoc yoyam elvajansic ingilyalhinga apquiltomja apquiltamilcasomacpo apanco.

TITO 1:11

Incaymalhquic elacsic lhip as ingilyalhinga yoyam elvanma. Apquilsilhnanaquic mataa aplhamoclhojo apquilmolhama ayinyema apquillhicmoscama apquilmopvan amyaa. Apquililtamjoc mataa ellhamasiclha solyayem acyanmongvoyam.

HEBREOS 5:4

Paj lhama enlhit apmopvan etnesacpoc apanco Dios apquilancam. Apvamlha Dios aptomja aptimesquiscama apquimja apmamyi. Apno ilhnic nat Dios apquilancam apvisay Aarón.

1 SAN PEDRO 1:10

Inquilquitamquic nic nat mataa apquilvalhoc profetas Dios apquillingascama yoyam elvita ningilvomsomalhquilha tap. Apquillhenquic nic nat mataa Dios apcaycaoc actemaclha apquillhoy quellhip quilhvo nac jay.

2 SAN PEDRO 2:1

Altamjoc elyasingvoclhojo mocjam quellhip. Apnam nic nat mataa nipyesicsa enlhitaoc Israel profetas apquilmopvancaa amyaa. Najan nipyesicsa quellhip lha, elvitac sat apquillhicmoscama apquilmopvancaa amyaa. Elyilhacpojoc sat ellhicmocsic amyaa singillhinganimquiscama. “Metnaja singvomquiscama tap Visqui ingac” —sat eltimjic mataa ellhicmocsic. Cotlapsic sat elnatovasacpoc as enlhitaoc.

2 SAN PEDRO 2:3

Eyca as enlhitaoc eltingyamcoc sat mataa quellhip solyayem apancaoc ayinyema apquilmopvancaa amyaa. Inlhenalhquic nano yoyam elyicpilcacpoc enlhitaoc apquiltema nac lha. Nasoc anco, covac sat acnim yoyam elnatovasacpoc.

1 SAN JUAN 4:1

Quellhip silasicjayo. Elyasquim sat quellhip apquilpayvam napocja enlhit. Noelquinatquis nasa ayinyemayaclha mayasinancama. Nasoc lhaja ayinyema Dios Espíritu apanco, jave lhaja. Ayinyemaclha apnam lhalhma anco aplhamoclhojo apquilmopvancaa amyaa. Apquillhenquic mataa ayinyema Dios apcasinancama.