SAN JUAN 1:7 - Enhlit Bible

⁷ Apvaac alhta aptomja apvitaycamco, yoyam elngacsic acvisay ayitsayolhma. Apquiltamjoc alhta yoyam eltimjic melyasquiyam enlhitaoc actemaclha aplhanma.

SAN JUAN 1:7 Iomraidhean Croise

MALAQUÍAS 3:1

Aptomjac alhta Dios Apyimtalhnamo: Ongvapajacsic sat soycam amyaa. Jelanesquisic sat amay yoyam oyacsic. Cotlapsic sat ovota sicvisay Visqui Sicyimtalhnamo payjoc tingma pac apponquinomap. Quellhip apquiljalhanma nano. Apquilhyacmec soycam amyaa Dios apcasinancama pacto apquiljalhanma quellhip — alhta aptomjac Dios.

SAN JUAN 1:12

Apquilmec alhta tacja moclhama enlhit aptomja melyasquiyam. Apquilasinaquic alhta eltimjic Dios apquitquic.

SAN JUAN 1:15

Aplingasquic alhta Juan aplhena apvisay. Apyimnatasquic alhta appayvam: —Eyca as enlhit siclhena alhta, yoyam elhingmac netamin coo. Aptomja apyimtalhnamo, am olhnoc coo. Aptiyasam nic alhta apmamyi motyaycamlha coo.

SAN JUAN 1:19

Eycaso actomja alhta Juan aplingascama amyaa. Apnam alhta judíos tingma Jerusalén. Apquilapajasquic alhta sacerdotes najan levitas apnaclha Juan. Apquiltomjac alhta apquilanya: —¿Soc enlhit lhip qui? —alhta apquiltomjac.

SAN JUAN 1:36

Apvitac alhta Juan aplhingacmo Jesús. Aptomjac alhta Juan apquilanya enlhitaoc: —Quip elanojo Nipquesic apquitcoc apquinyema Dios Ingyapam —alhta aptomjac.

SAN JUAN 1:9

Apquilhyacme aptomja apquilsasquiscama olhma aptomja nasoc anco. Apquilsascasquic alhta olhma aplhamoclhojo enlhit.

LOS HECHOS 19:4

Aptomjac alhta apquilanya Pablo: —Apyapascasamquic alhta inyicje yingmin Juan, yoyam cotnatsalhqueje apquilyanmonquiscama apquilvalhoc enlhitaoc. Nic alhta aptomjac Juan apquilanya enlhitaoc: “Noelyasquim nasa enlhit, yoyam eva netamin coo. Apvisay Jesús aptomja Cristo apanco” —nic alhta aptomjac.

GALATAS 3:26

Quellhip apquiltomja Dios apquitquic apquilpasmeyquiclha Jesucristo ayinyema melyasquiyam.

EFESIOS 3:9

Eyasinaquic alhta yoyam olngacsic asoc acyilhomalhca. Ayinyemaclha appenasoc nic nat siclhoc anco aclhanma apvalhoc Dios. Apyilhascasquic nic nat appenescama aclhanma apvalhoc Dios aptomja apquilantipquiscama ilhnic nat aclhamoclhojo asoc.

1 TIMOTEO 2:4

Apquiltamjoc Dios yoyam elvomsacpoc tap aplhamoclhojo enlhitaoc. Apquiltamjoc yoyam elyasingvomoc actomja nasoc anco.

TITO 2:11

Ingillhicmosquic Dios aptemaclha singasicjayo yoyam elvomsacpoc tap aplhamoclhojo enlhitaoc lhalhma anco. Eycaso actomja ayimja amamyi yoyam ongilyiplovcasojo.

2 SAN PEDRO 3:9

Apquilanayquic napocja enlhitaoc: Yejemec mocjam comoc nelha aplhanmaclha Visqui ingac —apquiltomjac mataa. Paj inyicje. Ingiljalhnec nincoo Visqui ingac, ayinyemaclha apquiltamjoc siclho yoyam elyanmongsic apquilvalhoc aplhamoclhojo enlhitaoc yoyam metvasacpeje lhama enlhit.