SAN JUAN 1:51 - Enhlit Bible

⁵¹ Aptomjac alhta mocjam Jesús: —Actomjac coo silanya quellhip: Naso, elvitangvomoc sat quellhip acyaptomalhca netin. Elvitangvomoc sat quellhip Dios ángeles apancaoc. Elmiyaclhac sat mataa netin najan elvayventac sat nalhpop tecjelhit sicvisay Sictiyam Sictomja Enlhit —alhta aptomjac.

SAN JUAN 1:51 Iomraidhean Croise

GÉNESIS 28:12

Invitac nic nat apvanmoncama actemaclha quiltameycaoc acvinatem. Inquinmec nic nat quiltameycaoc. Inticlhicvocmec nic nat navá netin. Invitac nic nat apvanmoncama actemaclha apquilyiplayquinta quiltameycaoc ángeles najan apquiltajemo.

EZEQUIEL 1:1

Coo sicvisay sacerdote Ezequiel, Buzi apquitca. Acnec alhta nicja vatsam Quebar, payjoc Babilonia. Acnec alhta nipyesicsa enaymacoc apquilmomap. Inyaptalhquic alhta netin, acvita sicvanmoncama Dios apna netin. Invocmec alhta cinco acnim, cuatro piltin najan treinta años. Moc acvisay cinco años aptomja apmomap apvisqui Joaquín., Apquilyacyesquic alhta Dios, aptimesquisa Ezequiel etnejic aplingascama.

ZACARÍAS 13:7

Eycaso appayvam ayinyema alhta Visqui ingac: ¡Sovo acvinatem cajic sat apquilancam nipquesic najan aplhalhma! ¡Ematong sat apquilancam, ingyilhpanic sat apnatoscama! ¡Olinmelham sat nipquesic apquitcavoc!

SAN MATEO 25:31

‘Aptomjac alhta mocjam Jesús: Ovotac sat coo mocjam sicvisay Sictiyam Sictomja Enlhit naysicsa gloria siyapongmatem ajanco. Sellhalhmaa sat ángeles silasinancama. Olhic sat netin Visqui aptajanem.

SAN MATEO 26:24

Ovonquepeclhac sat sicvisay Sictiyam Sictomja Enlhit acno siclhenamalhca vaycajac Dios appayvam actalhesomalhca. Enlhit layi aptomja apcanem, yoyam omalhca. Intasic alhta inyicje metyamoc as enlhit —alhta aptomjac Jesús.

SAN MATEO 3:16

Innec alhta acyapasquisa yingmin Jesús. Naysicsa aptiyapma nayingmin alhta Jesús acyaptalhco netin. Apvitac alhta Jesús apvayventamo Dios Espíritu. Malha valhaay alhta intomjac apvayventama tacjaplhit.

SAN MATEO 4:11

Yejemoc alhta acyamyiclho yavey. Apquilvaac alhta ángeles Dios apquilasinancama, yoyam elanam Jesús.

SAN MATEO 8:20

Apcatingmavoc alhta Jesús: —Alhanaoc innac maling. Alhanaoc innac nata. Am coyitnac sictiyanmaclha sicvisay Sictiyam Sictomja Enlhit —alhta aptomjac.

SAN MATEO 9:6

Coo sicvisay Sictiyam Sictomja Enlhit. Elyasingvomoc sat quellhip sicmovan omascocsic melyascalhma as nalhpop —alhta aptomjac. Yejemoc alhta aptomja Jesús apcanya meyimnatem: —Itnimiclha netin, ima aptajanma. Itajiclha tingma pac —alhta aptomjac.

SAN MARCOS 1:10

Lhama alhta aptepa nayingmin Jesús, apvita acyaptalhco netin. Apvayventamo alhta Espíritu Santo tacjaplhit, malha valhaay alhta intomjac.

SAN MARCOS 14:62

Yejemoc alhta apcatingmavo Jesús: —Coo nac. Elvitangvomoc sat sicvisay Sictiyam Sictomja Enlhit sicna actamilaclha Dios Ingyapam apyimnatem. Elvitac sat najan siyilhyacmo sat naysicsa yipjopay.

SAN LUCAS 2:13

Am alhta elpilapmacpoc apquilpasingvaa ángeles Dios apquilasinancama. Appintalhnama enlhit netin. Apquilacoc alhta Dios:

SAN LUCAS 2:9

Am alhta elpilapmacpoc apquiningvaa lhama ángel Dios apcasinancama. Incapongmatquic alhta nipyava gloria apanco Dios apcapongmatem. Apquilacac alhta quilancam nipquesic.

SAN LUCAS 22:43

Yejemoc alhta apvitacpo ángel Dios apcasinancama. Apquinyectamo netin, yoyam eyimnaticsojo apvalhoc Jesús.

SAN LUCAS 22:69

Coo sicvisay Sictiyam Sictomja Enlhit. Jelvitac sat olhic napocja acyinatamaclha Dios Apyimnatem —alhta aptomjac.

SAN LUCAS 24:4

Inquiltamjam alhta avalhoc quilvanaa. Pilapcasquic alhta alvita apcanit enlhit apcanvaa. Alyinmomo alhta apquilantalhnama.

SAN LUCAS 3:21

Yicpintama apmomap Juan apsovjacpoc alhta enlhit apquilyapascasamco yingmin. Innec alhta acyapasquisa yingmin Jesús. Naysicsa apquilmalhnancama acyaptalhco netin.

SAN JUAN 1:50

Apcatingmavoc alhta Jesús: —¿Am ya lhquip eyascacmoc ayinyema siclhena lhac: Sicvita lhac apna lhip coning higo yamit? Etac sat lhip asoc alyiviy, colhno aso —alhta aptomjac.

SAN JUAN 10:1

Actomjac coo silanya quellhip: Naso, am sat ancoc etalhningvoctac enlhit atong nipquesic aplhancoc. Apcaplhinquic sat ancoc apjalhtam, eyca as aptomja apminyilhma.

SAN JUAN 10:7

Yejemoc alhta apquiltimnasamcaa mocjam Jesús: —Actomjac coo silanya quellhip: Coo sictimem malha nipquesic aplhancoc atong.

SAN JUAN 13:16

Actomjac coo silanya quellhip: Naso, apyimtalhnamo nac apvisqui, am elhno apquilancam. Apyimtalhnamo najan apcapajascama, am elhno apcapajasomap.

SAN JUAN 13:38

Apcatingmavoc alhta Jesús: —¿Naso ya pa eyinyoc lhip apyimnatem seyanmongam coo? Actomjac coo siyanya lhip: Naso, yicpintama copayo tataa, natqui sat etnejic lhip: Moyasamcoc coo as enlhit —alhta aptomjac

SAN JUAN 14:12

Actomjac coo silanya quellhip: Naso, am sat ancoc jeyascacmoc enlhit, elhnasojoc sat actemaclha sictamjaycam. Ellanac sat najan asoc alyiviy, am colhno aso. Ayinyemaclha omyaclhac sat apnaclha coo Tata.

SAN JUAN 16:20

Actomjac coo silanya quellhip: Naso, elyipcalhic sat quellhip. Elinlhanmam sat najan quellhip. Eyca elitsovacsojoc sat enlhitaoc lhalhma anco. Naso, colyitnocjojoc sat apquilvalhoc quellhip. Comascoc sat eyca acyitnocjayo apquilvalhoc. Colpayjiclhac sat apquilvalhoc quellhip.

SAN JUAN 16:23

‘Invocmec sat ancoc acnim, mejelmalhnamejec sat lhama asoc. Actomjac coo silanya quellhip: Naso, apquililmalhnaquic sat ancoc quellhip asoc coo Tata, actemaclha apquillhanma sicvisay, elmesacpoc sat quellhip.

SAN JUAN 21:18

Aptomjac alhta Jesús: —Actomjac co siyanya lhip: Naso, apcalacpec lhip apanco aptemaclha apquitcoc alhta. Aptiyasam alhta lhip apmayjayoclha apanco etyisam. Apvanacmec sat ancoc lhip, elyasiclhac sat netin apmeoc lhip. Poc enlhit sat ingyalacsic lhip. Colhic sat acyantamaclho lhip coyoycamlha eyacsic —alhta aptomjac.

SAN JUAN 3:3

Apcatingmavoc alhta Jesús: —Actomjac coo siyanya lhip: “Naso, am sat ancoc etyacmoc mocjam enlhit ayinyema Dios Ingyapam, metangvomejec sat Dios apquilnancascama” —alhta aptomjac.

SAN JUAN 3:5

Apcatingmavoc alhta Jesús: —Actomjac coo siyanya lhip: “Naso, am sat ancoc etyacmoc mocjam enlhit ayinyema yingmin najan Espíritu Santo, metangvomejec sat Dios apquilnancascama.

SAN JUAN 5:19

Aptomjac alhta Jesús apquillhicmosa enlhitaoc: —Actomjac coo silanya quellhip: Movanquejec otnajam elhapco sicvisay Dios Apquitca. Acvajanamquic coo mataa sicvita actemaclha aptamjaycam Tata. Moclhama aptamjaycam coo Tata acnasoc coo lha sicvisay Apquitca.

SAN JUAN 5:27

Emcasquic sicmovan otnejic silyicpilquemo enlhitaoc, ayinyemaclha coo sicvisay Sictiyam Sictomja Enlhit.

SAN JUAN 6:26

Apcatingmavoc alhta Jesús: —Actomjac coo silanya quellhip: Selquitamsama inyicje quellhip, ayinyemaclha apquiltovcamco alhta nintom. Apquilyipcanacmec alhta. Am eyca colhenac apquilvalhoc asoc sinpilapquiscama sillanay alhta.

SAN JUAN 6:32

Apcatingmavoc alhta Jesús: —Actomjac coo silanya quellhip: Naso, jave ayinyema Moisés apquilmescama nintom actomja nasoc anco ayinyema netin. Coo eyca Tata aptomja apquilmescama quellhip nintom actomja nasoc anco ayinyema netin.

SAN JUAN 6:47

Actomjac coo silanya quellhip: Yitnec acyimnatem apnenyic enlhit aptomja mejeyasquiyam.

SAN JUAN 6:53

Apcatingmavoc alhta Jesús: —Actomjac coo silanya quellhip: Naso, am sat ancoc eltovcamcoc quellhip ejepitic sicvisay Sictiyam Sictomja Enlhit. Am sat ancoc elyinamcoc quellhip ema ajac, colhejec sat acyimnatem apnenyaoc.

SAN JUAN 8:34

Aptomjac alhta Jesús apquilanya: —Actomjac coo silanya quellhip: Naso, moclhama enlhit apquillanay melyascalhma aptomja apmomap, mongilyascalhma acmam.

SAN JUAN 8:51

Actomjac coo silanya quellhip: Naso, apyiplovcasquic sat ancoc enlhit coo sicpayvam, mengyitsepejec sat mataa cotmongvoycamlha nelha —alhta aptomjac.

SAN JUAN 8:58

Aptomjac alhta Jesús apquilanya: —Actomjac coo silanya quellhip: Naso, sictiyascam nat coo, metyaycamlha nic nat Abraham —alhta aptomjac.

LOS HECHOS 10:11

Yejemoc alhta apvita acyaptomalhca netin. Invayventac alhta nalhpop malha manta apyiviy malmaycaoc nipvayc.

LOS HECHOS 7:56

Aptomjac alhta apquilanya Esteban: —Quip elanojo. Acvitac coo acmayjeyquiclha netin. Acvitac najan Jesús apvisay Aptiyam Aptomja Enlhit. Apquinmamcaa napocja acyimnatamaclha Dios Ingyapam —alhta aptomjac.

2 TESALONICENSES 1:7

Apquiltamjoc Dios yoyam casilhtangvomoc apquillingaycamco acmasca quellhip acno nincoo lha acvocmo sat apvoyctamlha Visqui ingac Jesús. Ingyinyemac sat netin Jesús malha naysicsa alayvom talha. Angeles apquilyimtalhnamo sat apquillhalhmaa.

2 TESALONICENSES 1:9

Enatovasacpoc sat cotmongvoycamlha nelha acyanmongayclha apquiltemaclha apanco. Mocjay sat colhic alhacjangvocmo yoyam melviticlhejec mocjam Visqui ingac najan melvityejec mocjam aptemaclha apyimtalhnamo najan apmopvan apanco.

1 TIMOTEO 3:16

Nasoc anco acyiviy actomja acyilhomalhca actemaclha mongyasquiyam: Apvaac nat Jesucristo aptomja enlhit apanco. Innec nat actimesa appeyvomo ayinyema Espíritu apanco Dios. Apquilvitac nat ángeles Dios apquilasinancama. Inlingasalhquic nat apvisay nipyesicsa enlhitaoc lhalhma anco. Am nat elyascacmoc enlhitaoc as nalhpop. Innec nat acmiyasiclho netin yoyam colhic ayaco ayinyema Dios.

HEBREOS 1:14

Aplhamoclhojo ángeles apquiltomja Dios apquilancam mongvitay nincoo. Apquiltomja apquilapajasomap yoyam elpasmoc enlhitaoc, yoyam elvomsacpoc tap.

SAN JUDAS 1:14

Apnec nic nat Enoc. Siete ilhnic nat apvocmoc aptovana niptamin Adán. Aplhenquic nic nat Enoc Dios appayvam actemaclha apquillhenamap as enlhitaoc: “Quip elaylhojo. Apquilhyacme Visqui ingac najan apquillhalhmaa apquilmolhama, aplhamocma miles y miles.

EL APOCALIPSIS 19:11

Acvitac alhta acmayjeclho netin. Yejemoc alhta sicvita nolhing apmopoy. Aptomja apquinamtem apvisay alhta Appeyvomo najan Aptomja Nasoc Anco. Ayinyemaclha inpeyvoc anco actemaclha apyicpilquemo najan actemaclha apquilnapomap.

EL APOCALIPSIS 4:1

Natamin as asoc alyajam alhta: Acvitac alhta acmayja atong netin. Aclingac coo lhama appayvam sepamejitquiscama siclhoc alhta, malha trompeta ninpayvascama alhta intomjac. Intomjac alhta appayvam seyanya coo: “Ilhingma sat aso netin. Olhicmocsic sat lhip asoc yoyam colvac sat” —alhta intomjac siclingay.