SAN JUAN 1:47 - Enhlit Bible

⁴⁷ Lhama alhta apvita Jesús aplhingacmo Natanael. Aptomjac alhta apcanya: —Quip elanojo, aplhingacmo nac maa israelita apanco mepqui apyinimseycam —alhta aptomjac.

SAN JUAN 1:47 Iomraidhean Croise

SALMOS 32:2

Apquilinyejemoc anco enlhit mepqui apsilhnanomap apanco, ayinyema Visqui ingac apyinyovquiscama. Aptomja colhanma apvalhoc actemaclha apyinimquiscama.

SALMOS 73:1

Nasoc anco, aptasi nac Dios nipyesicsa enlhitaoc Israel, nipyesicsa enlhitaoc apquilyanmonquiscama apquilvalhoc.

SAN JUAN 2:25

Coymalhquejec alhta Jesús colhic altimnasa actemaclha apvalhoc enlhit. Ayinyemaclha apyicpilcoc Jesús actemaclha apvalhoc moclhama enlhit.

SAN JUAN 4:16

Apcatingmavoc alhta Jesús, aptomja apcanya: —Ingva, coltimnasquiclha siclho atava. Covota sat mocjam —alhta aptomjac.

SAN JUAN 8:31

Aptomjac alhta Jesús apquilanya judíos quilhva apquiltimem melyasquiyam: —Apquilyiplovcasquic sat ancoc quellhip sicpayvam, eltimjic sat siltamsoycaoc.

SAN JUAN 8:39

Apquilatingmavoc alhta judíos: —Abraham nincoo ningilyeyjamcaa —alhta apquiltomjac. Apquiltomjac alhta apquiltamsoycaoc apquilanya Jesús: —Nasoc sat ancoc quellhip apquiltomja Abraham aptovana niptamin, elvajanamcoc sat actemaclha aptamjaycam.

ROMANOS 9:4

Eycaso enaymacoc apquiltomja Israel aptovana niptamin. Apquitquic nic nat aptomjac Dios. Yitnec nic nat nipyesicsa enaymacoc acvisay apmaclha Dios congne tingma apponquinomap. Apquillanac nic nat Dios asoc monquinatquiscama apmayjayoclha apanco actemaclha ningmiyovmalhquilha. Apquilmasquic nic nat singanamaclha Moisés. Yitnec nic nat mataa enaymacoc ninpayvam congne tingma apponquinomap. Apquilyasamcoc nic nat enaymacoc actemaclha aplhanma Dios actomja nasoc anco.

ROMANOS 9:6

Altimnasquic lhac quellhip apquiltemaclha enlhitaoc Israel apquiltomja apquilhamap. Am comascac mocjam Dios appayvam aplhanma ilhnic nat actomja nasoc anco. Am elanacpo enlhitaoc Israel apquiltomja Dios apquilyacyescama.

FILIPENSES 3:3

Nincoo eyca acyitna asoc monquinatquiscama ingyimpejic actomja nasoc anco. Ayinyemaclha ningilpayasoc nincoo Dios Ingyapam ayinyemaclha Espíritu apanco. Ningilacoc nincoo Cristo Jesús. Am ontingyac asoc apquiltemaclha apancaoc judíos.

1 SAN PEDRO 2:1

Etlhaoc sat quellhip aclhamoclhojo nintemaclha almasomcaa najan actemaclha ningyinimquiscama najan actemaclha anit ingilvalhoc najan actemaclha ningyasipquiscama najan actemaclha nintipquiscama apvisay ingmoc.

1 SAN PEDRO 2:22

Am coyitnac lhama meyascalhma Cristo, am najan coyitnac lhama apmopvan amyaa.

EL APOCALIPSIS 14:5

Am alhta colngalhcac mataa apquilmopvan amyaa as enlhitaoc. Am alhta elsilhnanacpoc napato Dios.