SAN JUAN 1:45 - Enhlit Bible

⁴⁵ Yejemoc alhta apquitama Felipe Natanael. Aptomjac alhta apcanya: —Ningvitac lhac nincoo enlhit aplhanma ilhnic nat Moisés singanamaclha actalhesomalhca. Najan apquillhanma ilhnic nat apnatalhescama profetas Dios apquillingascama. Apvisay Jesús, José apquitca, tingma pac Nazaret —alhta aptomjac.

SAN JUAN 1:45 Iomraidhean Croise

GÉNESIS 22:18

Olpasmoc sat mataa aplhamoclhojo enlhitaoc lhalhma anco, ayinyema apquilyajayquiclho lhip sicpayvam”— nic nat intomjac Dios Apyimtalhnamo appayvam.

GÉNESIS 3:15

Otnesquisic sat nimisma ayinmelhmaclha quilvana. Otnesquisic sat nimisma ayitcaoc ayinmelhaclha quilvana atovana. Quilvana atavin etcamoc sat lhiya apcatic. Cotaclhic sat lhiya appajac quilvana atavin— nic nat aptomjac.

GÉNESIS 49:10

Copvanquejec lhama enlhit eyinyovsic apmaycam apmic memong yayem vajic. Evac sat actomja apancoc apanco memong yayem vajic. Elyejiclhojoc sat aplhamoclhojo enlhitaoc.

ISAÍAS 4:2

Incovac sat acnim, yoyam etingyasquisic mocjam cotlaycaoc acyilhna Visqui ingac. Elvitac sat mocjam ayimjaclha ninganma israelitas apquilaymomap, acyitsomalhca apquilnatanma enlhit najan mayayoclha. Colhojoc sat cotlaycaoc acyilhna apquilnatanma enlhit najan mayayoclha.

ISAÍAS 53:2

Visqui ingac apcasinancama apyitsomacpo yamit ayitcoc actictiyapma lhopactic acyamay, acyitna apquipmenaoc congno. Eycaso apmajayoclha Dios. Mepqui actamila napaat najan apyovoclhojo, mepqui ningyisponcama ningilaneyo apyovoclhojo.

ISAÍAS 7:14

Visqui ingac sat conyemac asoc monquinatquiscama: —Quip elaylhojo. Inlovsoc sat cotnejic quilvana mepqui ayitcoc. Cotimsic sat ayitca apquinavo. Cotnejic sat apvisay Emanuel (ningiltimem: Dios singilpalhavoy).

ISAÍAS 9:6

Aptiyacmec lhama sicaa apquinavo aptomja Dios singmescama. Eyquima aptomja apyimtalhnamo apanco. Apvisay Apmopvan Simpilapquiscama. Moc apvisay Singyascasingviyam. Moc apvisay Dios Apyimtalhnamo. Moc apvisay Dios Netin. Moc apvisay Apquilvinsayclho olhma.

MIQUEAS 5:2

Tingma Belén yoclhilhma Efrata, apquitcoc as tingma nipyesicsa apquilmolhama Judá. Ingyinyemac sat maa apvisqui apancaoc Israel. Apvisay aptavin niptamin apquilyeyjamcaa nanoc nat.

ZACARÍAS 6:12

Itne sat ingyanic maa: Eycaso appayvam Visqui ingac apyimtalhnamo: enlhit apvisay Retoño (apvisay David aptavin niptamin) etacpoc sat nipyesicsa maa, ellanac sat tingma apponquinomap.

ZACARÍAS 9:9

¡Colpayjiclha apquilvalhoc quellhip tingma Sión! ¡Elminaycmas sat naycisa apquilitsovascama, quellhip co Jerusalén! Apquilhyacme Visqui ingac appeyvomo najan apyimnatem. Mepqui ayajamalhco apvalhoc, yamelyeyjaycoc ayitcoc apquinamtem.

SAN MATEO 10:3

Najan Felipe najan Bartolomé; najan Tomás; najan Mateo apmam tacja solyayem siclhoc anco; najan Alfeo apquitca apvisay Jacobo; najan Lebeo, moc apvisay Tadeo.

SAN MATEO 13:55

¿Jave ya José carpintero apquitca? ¿Jave ya María ayitca? ¿Jave ya apquilyalhinga apquilvisay Jacobo najan José najan Simón najan Judas?

SAN MATEO 2:23

Lhama alhta apvoclho maa. Apnaclhec alhta tingma Nazaret. Invocmec alhta nelha apquillhanma profetas Dios apquillingascama: —Iltamjacpoc sat apvisay nazareno —nic nat intomjac appayvam.

SAN MATEO 21:11

Apquiltamjoc alhta enlhitaoc: —Jesús nac, profeta Dios aplingascama. Tingma pac Nazaret yoclhilhma Galilea —alhta apquiltomjac.

SAN MARCOS 14:67

Lhama alhta acvita Pedro apquilhta talha. Inquilano alhta eyca acpamejitsa: —Lhip alhta najan aplhalhma Jesús co Nazaret —alhta intomjac.

SAN MARCOS 6:3

¿Jave ya carpintero alhta, María ayitca, najan apquilyalhinga Jacobo, najan José, najan Judas najan Simón? Najan apquilyalhinga tomja quilvanaa, ¿jave ya ningmolhama nac nincoo? —alhta apquiltomjac. Apquilnatjavoc alhta as enlhitaoc.

SAN LUCAS 18:37

Apquilatingmavoc alhta: —Jesús co Nazaret lhac apyeycaac apnaclha —alhta apquiltomjac.

SAN LUCAS 2:4

Aplhinquic alhta najan José. Tingma Nazaret alhta apquimpac, yoclhilhma Galilea. Apmiyaclhec alhta tingma Belén, David apcaoclha nano, yoclhilhma Judea. David aptavin niptamin alhta maa José.

SAN LUCAS 2:48

Pilapcasquic alhta acvitaclho ayitca. Intomjac alhta ayanya inquin: —Sictamongvoyam, ¿soctomja sintimesquisa nac aso? Quip ilanojo, intamjam nincoo ingilvalhoc lhip ninquitamac —alhta intomjac.

SAN LUCAS 24:27

Yejemoc alhta apquilhicmosa actemaclha ilhnic nat appayvam Moisés najan aclhamoclhojo profetas appayvam Dios apquillingascama. Apcajasoc alhta Jesús aplhena actemaclha aclhanma vaycajac aplhenamap.

SAN LUCAS 24:44

Aptomjac alhta apquilanya Jesús: —Eycaso sicpayvam siltimnascama alhta quellhip, sicmaclha alhta lhama quellhip. Yoyam alhta cotmongvomoc nelha aclhanmaclha vaycajac. Actemaclha selhanma Moisés apnatalhescama najan apnatalhescama profetas Dios apquillingascama najan vaycajac Salmos —alhta aptomjac.

SAN LUCAS 3:23

Apvocmec alhta treinta años Jesús apquenmo siclho apquillhicmoscama. Apcanyacpec alhta apquitca apanco José, Elí alhta apquitca.

SAN LUCAS 4:22

Inlhenalhquic alhta apmopvan. Pilapcasquic alhta anco aclingalhco apquiltimnaycam actamila. —¿Jave ya José apquitca lha? —alhta apquiltomjac apquilpamesma.

SAN JUAN 1:44

Co Betsaida alhta Felipe, tingma pac Andrés najan Pedro.

SAN JUAN 12:21

Apquilyoclhec alhta griegos apnaclha Felipe apquinyema tingma Betsaida yoclhilhma Galilea. Apquiltomjac alhta apquilanya: —Visqui, ningiltamjoc nincoo ongvita Jesús —alhta apquiltomjac.

SAN JUAN 14:8

Aptomjac alhta Felipe apcanya Jesús: —Visqui, jinlhicmos nincoo Apyap. Lhama sat cotnejic acvamlha aclhanma ingvalhoc —alhta aptomjac.

SAN JUAN 18:5

Apquilatingmavoc alhta singilpilhtetemo: —Jesús co Nazaret ninquitamac —alhta apquiltomjac. Apcatingmavoc alhta Jesús: —Coo nac aso —alhta aptomjac. Apcanvocmoc alhta lhama apquillhalhmaa Judas, aptomja apcanem yoyam emacpoc Jesús.

SAN JUAN 18:7

Yejemoc alhta apquilmalhna mocjam Jesús: —¿So apquiltingya yi? —alhta aptomjac. Apquilatingmavoc alhta: —Jesús co Nazaret ninquitamac —alhta apquiltomjac.

SAN JUAN 19:19

Apcanayquic alhta Pilato, yoyam elyipitsic netin asoc timyescama actalhesomalhca actomjaclha appayvam: “Jesús co Nazaret, judíos Apvisqui apancaoc” —alhta intomjac actalhesomalhca.

SAN JUAN 21:2

Eycaso actomja alhta aplhicmosomap: Apquilpasmec alhta Simón Pedro najan Tomás, moc apvisay Gemelo, najan Natanael apquinyema Caná de Galilea najan Zebedeo apquitquic apcanit najan mocjam poc apcanit apquiltamsoycaoc.

SAN JUAN 6:42

Apquiltomjac alhta enlhitaoc apquilanya: —¿Jave ya José apquitca as enlhit apvisay Jesús? Ningyicpilcoc nincoo apyap najan inquin. ¿Soctomja aplhena nac apquinyema netin? —alhta apquiltomjac.

SAN JUAN 6:5

Lhama alhta appaycacpo Jesús. Apvitac alhta aplhamoclhojo enlhit apquillhingacmo. Aptomjac alhta Jesús apcanya Felipe: —¿Jalhco sat ontingyangvomoc quilpasmongam, yoyam eltovamcoc enlhitaoc? —alhta aptomjac.

SAN JUAN 6:7

Apcatingmavoc alhta Felipe: —Ningyinyovquic sat ancoc doscientos solyayem ontingya quilpasmongam, memenmalhacpejec sat enlhitaoc. Moc napocja sat ellhovamcoc quilpasmongam —alhta aptomjac.

LOS HECHOS 10:38

Apquilyasamcoc quellhip aplhenacpo Jesús co Nazaret. Dios Ingyapam apcatsisquiscama alhta najan apmescama apmopvan ayinyema Espíritu Santo. Apquillanac alhta mataa Jesús aptamjaycam actamila naysicsa aptiyascam. Apquiltamilquiscacmec alhta aplhamoclhojo actovascama yavey. Ayinyemaclha aptomja mataa aplhalhma Dios Ingyapam.

LOS HECHOS 2:22

“Quellhip enlhitaoc Israel, elaylhojo sicpayvam. Pac olhenic Jesús co Nazaret. Apcasinaquic alhta Dios Ingyapam. Apquiltamjoc alhta etnejic apmopvan aptamjaycam najan aptamjaycam sinpilapquiscama najan asoc monquinatquiscama nipyesicsa quellhip. Eycaso apquilyasamcoc quellhip aptomjaclha Dios Ingyapam.

LOS HECHOS 22:8

Ayatingmavoc alhta coo: “Visqui, ¿soc lhip enlhit qui?” Aptomjac alhta seyanya: “Coo nac Jesús co Nazaret aptomja lhip seyamascam” —alhta aptomjac.

LOS HECHOS 26:9

“Inlhenquic nat evalhoc coo lha, yoyam otnesquisic apmapsom Jesús co Nazaret.

LOS HECHOS 3:6

Aptomjac alhta apcanya Pedro: —Am coyitnac coo solyayem. Moc asoc eyca inyitnac, sat omquesic lhip. Ayinyema actemaclha apmopvan Jesucristo co Nazaret. Itnimiclha netin, ityisam —alhta aptomjac.