SAN JUAN 1:43 - Enhlit Bible

⁴³ Moc acnim alhta intomjac. Apquiltamjoc alhta Jesús emyaclhac yoclhilhma Galilea. Aptajanyavoc alhta Felipe. Aptomjac alhta apcanya: —Jeyiplaclha sat —alhta aptomjac.

SAN JUAN 1:43 Iomraidhean Croise

ISAÍAS 65:1

Eycaso sicpayvam sicvisay Dios: Altamjo inyicje opasmoc alhta enlhitaoc, am eyca jelilmalhnac yoyam opasmoc. Altamjo inyicje jeltingyac mataa enlhit, am eyca jeltingyac, yoyam ongvaylhojo. Actomjac alhta silanya: ¡Acnec coo así! — alhta actomjac coo.

SAN MATEO 10:3

Najan Felipe najan Bartolomé; najan Tomás; najan Mateo apmam tacja solyayem siclhoc anco; najan Alfeo apquitca apvisay Jacobo; najan Lebeo, moc apvisay Tadeo.

SAN MATEO 4:12

Lhama alhta aplinga amyaa Jesús acna acnescacmo Juan singilpilhtetomaclha. Yejemoc alhta apmiyaclho yoclhilhma Galilea.

SAN MATEO 8:22

Apcatingmavoc alhta Jesús: —Jeyiplom sat lhip. Ilane sat enlhit malha apjapaoc napato Dios Ingyapam elatongnic sat enlhit apquilitsepma —alhta aptomjac.

SAN MATEO 9:9

Aplhinquic alhta Jesús. Naysicsa aplhingam alhta apvitangveclho enlhit apvisay Mateo. Apnec alhta tingma almomalhquilha solyayem. Aptomjac alhta Jesús apcanya: —Itne sat siclhalhma —alhta aptomjac. Yejemoc alhta apquinmaclho netin. Apyiplaclhec alhta Jesús.

SAN LUCAS 19:10

Acvaac coo sicvisay Sictiyam Sictomja Enlhit, yoyam olquitmoc najan olvomsic tap apquiltomja apquillhinganyam —alhta aptomjac.

SAN JUAN 1:28

Eycaso actomjaclha alhta amyaa yoclhilhma Betábara, tap vatsam Jordán actiyapmaclha acnim. Apyapascasamquic alhta yingmin enlhitaoc Juan maa.

SAN JUAN 1:29

Moc acnim alhta intomjac. Apvitac alhta Juan aplhingacmo Jesús. Aptomjac alhta Juan apquilanya enlhitaoc: —Quip elanojo. Aptomja sat apmascoscama melyascalhma enlhit lhalhma anco, malha nipquesic apquitcoc apquilmesomap enlhitaoc. Eyca as aptomja nipquesic apquitcoc Dios apmescama.

SAN JUAN 1:35

Moc acnim alhta intomjac. Apnec alhta mocjam Juan maa najan apcanit apquillhalhmaa.

SAN JUAN 1:37

Apquillingac alhta apquillhalhmaa Juan appayvam. Apquilyiplaclhec alhta Jesús.

SAN JUAN 1:44

Co Betsaida alhta Felipe, tingma pac Andrés najan Pedro.

SAN JUAN 12:21

Apquilyoclhec alhta griegos apnaclha Felipe apquinyema tingma Betsaida yoclhilhma Galilea. Apquiltomjac alhta apquilanya: —Visqui, ningiltamjoc nincoo ongvita Jesús —alhta apquiltomjac.

SAN JUAN 14:8

Aptomjac alhta Felipe apcanya Jesús: —Visqui, jinlhicmos nincoo Apyap. Lhama sat cotnejic acvamlha aclhanma ingvalhoc —alhta aptomjac.

SAN JUAN 2:11

Siclhoc anco alhta aptomjac Jesús aptamjaycam sinpilapquiscama tingma Caná yoclhilhma Galilea. Aplhicmosquic alhta Jesús actemaclha gloria mayayo apanco. Am alhta elyascacmoc apquiltamsoycaoc aptomja Cristo.

SAN JUAN 6:5

Lhama alhta appaycacpo Jesús. Apvitac alhta aplhamoclhojo enlhit apquillhingacmo. Aptomjac alhta Jesús apcanya Felipe: —¿Jalhco sat ontingyangvomoc quilpasmongam, yoyam eltovamcoc enlhitaoc? —alhta aptomjac.

SAN JUAN 6:7

Apcatingmavoc alhta Felipe: —Ningyinyovquic sat ancoc doscientos solyayem ontingya quilpasmongam, memenmalhacpejec sat enlhitaoc. Moc napocja sat ellhovamcoc quilpasmongam —alhta aptomjac.

FILIPENSES 3:12

Am ovocmoc mocjam coo actomjaclha nelha. Am opensalhcac mocjam coo, moc ningiltimem: am omac mocjam actemaclha acpeyvomo. Actomjac coo malha sicyamascama yoyam opatjetic actemaclha acpeyvomo. Ayinyemaclha Cristo aptomja sepatjitma apmamyi.

1 SAN JUAN 4:19

Pac ongilasicjojo sat mataa Dios, ayinyemaclha singasicjayo ilhnic nat apmamyi.