SAN JUAN 1:4 - Enhlit Bible

⁴ Acyimnatem apnenyic nic nat innac maa. Ayinyema ilhnic nat acyimnatem ingnenyaoc. Eyca as acyimnatem apnenyic apquilsascasquic alhta olhma enlhitaoc.

SAN JUAN 1:4 Iomraidhean Croise

SALMOS 49:6

Ayajamalhco apquilvalhoc ayinyema acyivey solyayem apancaoc. Apquilyimtalhnesacpec mataa apanco ayinyema cascama apquilnatam.

SALMOS 84:11

Dios Visqui ingac aptomja apquitsasquiscama'lhma najan sintamilquiscama (ningyilhanmom). Visqui ingac aptomja apcasicjayo najan apcayo apquiltomja apquiltamilcasomacpo apanco. Am emyavac mataa asoc altamila.

ISAÍAS 42:16

Onaliclhac sat mepqui apataoc amay alhnancoc. Onaliclhac sat enlhit amay pac melvitayaclha. Omascocsic sat yatescamalhma. Cotniclhac sat ayitsayolhma. Opeyvasiclhac sat alvoyam congne, cotnejic acpeyvomo. Eycaso sicmovan otnejic as asoc. Osavojoc sat acyovoclhojo.

MALAQUÍAS 4:2

Quellhip apquiltomjac selayo, elvitac sat sictemaclha sicpeyvomo, malha ayitsasquiscama acnim, actomja sintamilquisquiyam. Copayjiclhac sat apquilvalhoc quellhip, colhojoc sat alnilhtingayclha vayqui ayitcoc.

SAN MATEO 4:16

Apquilvitac ayitsayolhma acvanyam enlhitaoc apnaycam yatesaclhilhma. Apquilvitac ayitsayolhma enlhitaoc apnaycam ayajapvoy pisquisca actemaclha ningitsepma —ilhnic nat intomjac appayvam.

SAN LUCAS 2:32

Aptomja malha ayitsayolhma, yoyam colsasquisalhma enlhit metnaja judíos. Yoyam elacpojoc enlhitaoc Israel, lhip enlhit apancaoc —alhta aptomjac Simeón.

SAN JUAN 11:25

Apcatingmavoc alhta Jesús: —Coo sictimem siclhaticjasquiyam najan sicyimnatescama apnenyaoc enlhitaoc. Apquitsepquic sat ancoc enlhit aptomja mejeyasquiyam coo, coyimnavomoc sat apnenyic.

SAN JUAN 12:35

Aptomjac alhta Jesús apquilanya: —Am covanco apnaycamo lhama quellhip ayitsayolhma. Ayitsayolhma innac mocjam quellhip, eltiyasam sat quellhip. Lha eyqui nasa covac yatesaclhilhma. Aptiyasam sat ancoc enlhit yatescamalhma, meyasamquejec sat apyasaclha (elhnanmoc sat).

SAN JUAN 12:46

Coo sictimem ayitsayolhma. Acvaac coo as nalhpop, yoyam melhnam yatescamalhma enlhit apquiltomja mejelyasquiyam.

SAN JUAN 14:6

Apcatingmavoc alhta Jesús: —Coo sictimem amay najan actomja nasoc anco najan acyimnatem ingnenyic. Am sat ancoc jeyotac coo enlhit, copvanquejec eyoclhac apnaclha coo Tata.

SAN JUAN 3:19

Invaac ayitsayolhma nipyesicsa enlhit lhalhma anco. Ayinyemaclha apquilasicjavoc yatescamalhma, colhno ayitsayolhma. Ayinyemaclha apquilyiplovcasquic asoc almasomcaa.

SAN JUAN 5:21

Apnalhaticjascacmec coo Tata enlhit apquilmasquingvaycmo. Apquilyimnatescasquic apnenyaoc. Acno coo lha, evanquic olyimnaticsic apnenyaoc enlhitaoc siltamjoclha olmesic.

SAN JUAN 5:26

Apmopvan innac coo Tata elmesic acyimnatem apnenyaoc enlhitaoc. Najan emcasquic coo lha sicmovan, yoyam olmesic acyimnatem apnenyaoc enlhitaoc.

SAN JUAN 8:12

Yejemoc alhta apquiltimnasamcaa mocjam Jesús: —Coo sictimem siyitsasquiscamalhma enlhit lhalhma anco. Seyiploycam sat ancoc enlhit, colhic sat ayitsayolhma. Colhic sat acyimnatem apnenyic ayinyema ayitsayolhma. Metyisamejec sat mataa acyinatesaclhilhma.

SAN JUAN 9:5

Coo sicvisay ayitsayolhma lhalhma anco naysicsa sictamjaycam as nalhpop —alhta aptomjac.

LOS HECHOS 26:23

“Incaymalhquic elngamcojoc sat acmasca Cristo. Natamin apquitsepma elhaticjangvomoc sat apmamyi nipyesicsa apquilmasquingvaycmo. Elngacsic sat amyaa ayitsayolhma nipyesicsa innaymacoc najan nipyesicsa enlhitaoc lhalhma anco” —alhta aptomjac Pablo.

1 CORINTIOS 15:45

Yitnec actalhesomalhca Dios appayvam: “Enlhit apquillanomap apmamyi ilhnic nat Adán. Apvanmoncama ilhnic nat innac” —nic nat intomjac. Apvanmoncama ayinyema Dios alhta innac poc Adán apvisay Cristo, aptomja apyimnatescama ingnenyaoc.

EFESIOS 5:14

Eycaso actomja aclhanmaclha: Ilhaticja sat lhip aptomja aptiyanma. Ilhaticja sat nipyesicsa apquilmasquingvaycmo. Etac sat lhip ayitsayolhma ayinyema Cristo —nic nat intomjac.

COLOSENSES 3:4

Cristo aptomja apyimnatescama ingnenyaoc. Apvoctac sat ancoc mocjam yoyam ongvitac sat. Elvitacpoc sat quellhip lha apquilpasmeyquiclha Cristo aptemaclha apyimtalhnamo.

1 SAN JUAN 1:1

Ningiltalhescasquic quellhip actemaclha aplhenamap siclhoc ayenmoclha nic nat, apvisay Apyimnatescama ingnenyic. Ninlingac nat nincoo appayvam. Ningvitac nat nincoo apyovoclhojo. Ningilanoc nat nincoo. Ningilpatningvocmoc nat nincoo.

1 SAN JUAN 1:2

Apvitacpec nat apvaa. Ningvitac nat nincoo. Ninlingasquic nincoo nipyesicsa quellhip apvisay Apyimnatescama ingnenyic. Apnec nic nat apnaclha Ingyapam netin. Apvitacpec nat apvaa.

1 SAN JUAN 5:11

Eycaso aplhanma Dios yoyam colhejec acyascacmo: Singmescama acyimnatem ingnenyic cotmongvoycamlha nelha ayinyema Apquitca.

EL APOCALIPSIS 22:1

Elhicmosquic alhta ángel lhama vatsam. Ayalhnayo alhta yingmin actomja acyimnatescama ingnenyic. Malha alhta memonganyi ningvitangvoyacmo tap. Intipquic alhta acyitnaclha Dios aptajanem najan Nipquesic Apquitcoc aptajanem.

EL APOCALIPSIS 22:16

—Coo sicvisay Jesús. Ayapajasquic coo ángel siyasinancama yoyam elngacsic as amyaa nipyesicsa quellhip najan aplhamoclhojo Jesucristo apmolhama. Coo sicvisay ayinyemayaclha aclhamoclhojo asoc najan sicvisay apvisqui David aptavin niptamin. Coo sicvisay apyova apyiviy aptomja apcapongmatem.