SAN JUAN 1:34 - Enhlit Bible

³⁴ Acvitac alhta coo. Aclingasquic coo apvisay aptomja Dios Apquitca —alhta aptomjac.

SAN JUAN 1:34 Iomraidhean Croise

SALMOS 2:7

Eycaso actomja Dios appayvam yoyam olngacsic: —Aptomjac alhta seyanya coo: Lhip aptomja sictamongvoyam. Actimescasquic lhip acnim nac jay.

SAN MATEO 11:27

‘Aptomjac alhta Jesús apquilanya: Elmesquic coo Tata aclhamoclhojo asoc sicmovan. Paj lhama apyascamco sicvisay Apquitca. Apvamlha coo Tata apyasamco. Paj lhama apyascamco apvisay coo Tata. Acvamlha coo sicyascamco apvisay coo Tata. Najan maa apquilyasamcoc sictomja silyascasingviyam apvisay coo Tata.

SAN MATEO 16:16

Apcatingmavoc alhta Simón Pedro: —Lhip nac Cristo, Dios apquilmilaneycaoc Apquitca —alhta aptomjac.

SAN MATEO 17:5

Pilapcasquic alhta ayajapvaa yipjopay alyinmom naysicsa appamejitquiscama Pedro. Intipquic alhta appayvam naysicsa yipjopay: —Eycaso sictamongvoyam siyasicjayo, elaylhojo sat appayvam —alhta intomjac amyaa.,

SAN MATEO 26:63

Apvanmaquic alhta Jesús. Am alhta ingyatingmavo. Aptomjac alhta apvisqui sacerdote apcanya Jesús: —Altamjoc coo, yoyam elhenic lhip napato Dios apquilmilaneycaoc. Jingiltimnas sat appayvam actomja nasoc anco: ¿Naso ya lhquip Cristo Dios Apquitca? —alhta aptomjac.

SAN MATEO 27:40

Apquilpalhimcasoc alhta: —Ingva. Lhip alhta apquiltamjoc etvacsic tingma apponquinomap, apcanya alhta elaniclhac poc natqui acnim. Ivomsacpojo apanco tap. Nasoc sat ancoc aptomja lhip Dios Apquitca, ityip sat asoc timyescama —alhta apquiltomjac.

SAN MATEO 27:43

Apquiljalhnec mataa, yoyam epasmoc Dios Ingyapam. Apcasicjavoc sat ancoc Dios Ingyapam, ingyane sat evomsic tap quilhvo. Ayinyemaclha aptomjac alhta mataa Jesús: “Coo nac Dios Apquitca” —alhta apquiltomjac apquilasmescama.

SAN MATEO 27:54

Lhama alhta apquilvita acyovjamcaa nalhpop capitán najan singilpilhtetemo apquiltamilquiscama Jesús. Apquilvitac alhta aclhamoclhojo asoc. Apquilacac alhta. Apquiltomjac alhta aplhenacpo Jesús: —Nasoc alhta Dios Apquitca as enlhit —alhta apquiltomjac.

SAN MATEO 3:17

Pilapcasquic alhta ayinyema netin lhama appayvam: —Lhip nac Sictamongvoyam siyasicjayo, acyispaquic lhip —alhta intomjac appayvam.

SAN MATEO 4:3

Yejemoc alhta acvaa acyipconma apnaclha Jesús. Intomjac alhta ayanya Jesús: —¿Naso ya lhquip Dios Apquitca? Ingyane sat cotniclha nintom as mataymong —alhta intomjac.

SAN MATEO 4:6

Intomjac alhta ayanya: —¿Naso ya lhquip Dios Apquitca? Ityim sat coning. Ityim sat coning. Ayinyemaclha acyitna actalhesomalhca: Dios sat elanic ángeles apquilasinancama, yoyam eltamilsic lhip. Elmoc sat tacja lhip, yoyam copalvotayc apmancoc mataymong —alhta intomjac.

SAN MATEO 8:29

Yejemoc alhta apquilpalhamamcaa: —¡Jesús, Dios Apquitca! ¿Soc pa jintimesquisic nincoo? ¿So aptingyangvaa yi? ¿Pa ya ingyascacsic ingyimpejic yicpintama actamongvomlha nelha acnim? —alhta apquiltomjac.

SAN MARCOS 1:1

Eycaso ayenmoclha tasic amyaa Jesucristo, Dios Apquitca.

SAN MARCOS 1:11

Inlingalhquic alhta lhama appayvam ayinyema netin: —Lhip nac sictamongvoyam siyasicjayo, acyispaquic lhip —alhta intomjac amyaa.

SAN LUCAS 1:35

Apcatingmavoc alhta ángel Dios apcasinancama: —Evayventac sat Espíritu Santo tacjalhit lhiya. Cajapvotac sat lhiya Visqui netin apmopvan malha yipjopay. Eponquinacpoc sat sicaa aptiyacmo sat. Eltamjacpoc sat Dios Apquitca.

SAN LUCAS 3:22

Apvayventamo alhta Espíritu Santo tacjaplhit Jesús. Malha valhaay intomjac. Ayinyema alhta netin appayvam: —Lhip nac sictamongvoyam siyasicjayo, acyispaquic lhip —alhta intomjac appayvam.

SAN JUAN 1:18

Am nic nat etamacpoc Dios Ingyapam acvocmo ningvamlha nac jay. Apvamlha pac lhama Apquitca aptomja apyipitcayo Apyap, aptomja singillhicmoscama aptemaclha apanco Dios Ingyapam —alhta aptomjac Juan.

SAN JUAN 1:49

Aptomjac alhta mocjam Natanael: —Singillhicmoscama, lhip nac aptomja Dios Apquitca. Lhip aptomja enlhitaoc Israel Apvisqui apancaoc —alhta aptomjac.

SAN JUAN 10:30

Inlhama nincoo Tata najan coo —alhta aptomjac.

SAN JUAN 10:36

¿Soctomja apquilanya nac quellhip otipsic coo apvisay Dios Ingyapam? ¿Inlhoyqui laa siclhena lhac: Coo sictimem Dios Apquitca? Eponquincasquic coo Tata. Eyapajasquic coo as nalhpop.

SAN JUAN 11:27

Intomjac alhta Marta: —Eje, Visqui. Moyascacmoc coo lhip aptomja Cristo Dios Apquitca, yoyam evac as nalhpop —alhta intomjac.

SAN JUAN 19:7

Apquilatingmavoc alhta enlhitaoc: —Yitnec nincoo singanamaclha. Inpeyvoc aclhanma singanamaclha ematong as enlhit. Ayinyemaclha aptimesacpec apanco Dios Apquitca —alhta apquiltomjac.

SAN JUAN 20:28

Apcatingmavoc alhta Tomás: —Visqui ajac nac lhip najan Dios ajac —alhta aptomjac.

SAN JUAN 20:31

Innatalhesalhqui inyicje asoc sinpilapquiscama as vaycajac, yoyam melyascamejec quellhip Jesús aptomja Cristo Dios Apquitca. Colhic sat acyimnatem apnenyaoc quellhip apquiltomja melyasquiyam apvisay apanco.

SAN JUAN 6:69

Mongilyascacmoc nincoo, ningyasamcoc najan aptomja lhip Cristo, Dios apponquinomap —alhta aptomjac.

2 CORINTIOS 1:19

Apvaac alhta Cristo Jesús Dios Apquitca. Am alhta etnajac mataa anit aplhanma: “Eje” acyipitcayo “paj”. Eycaso ningillhicmoscama alhta nipyesicsa quellhip, siclhalhma ingyalhing Silvano najan ingyalhing Timoteo. Ayinyemaclha Cristo aptomja nasoc anco apquinyema Dios.

HEBREOS 7:3

Am colhenalhcac apvisay apyap najan acvisay inquin najan apquilvisay apquilyeyjamcaa. Am najan colhenalhcac aptiyaycamlha najan apquitsepmaclha. Apyitsomacpo Dios Apquitca Melquisedec aptomja Dios apquilancam cotmongvoycamlha nelha.

1 SAN JUAN 2:23

Mongiltomja Ingyapam apquitquic naysicsa ninganem colhic acyascacmo Apquitca. Eyca ninlhenquic sat ancoc apvisay Apquitca, ongiltimjic sat Ingyapam apquitquic.

1 SAN JUAN 3:8

Ningilvajanamquic sat ancoc actemaclha nintamongvaycmolhma, ongiltimjic sat ninpasmeyquiclha somquic quilyicjamo. Somquic quilyicjamo actomja ayinyemayaclha siclhoc anco mongilyascalhma. Eycaso ayinyema apvoya nat Dios Apquitca, yoyam etvasquisic actamjaycam somquic quilyicjamo.

1 SAN JUAN 4:9

Ingillhicmosquic nat Dios actemaclha singasicjayo. Ayinyemaclha apcapajasquic nat as nalhpop Apquitca apvamlha pac lhama. Apquiltamjoc jingilmesic acyimnatem ingnenyic.

1 SAN JUAN 5:20

Ningyasamcoc najan: Apvaac nat Dios Apquitca yoyam jingilyascasingvomoc nincoo. Apquiltamjoc ongilyicpilcangvomoc Dios aptomja nasoc anco. Ningilpasmec mataa aptomja nasoc anco apvisay Jesucristo Dios Apquitca. Eyca as apvisay Dios aptomja nasoc anco najan apvisay apyimnatescama ingnenyaoc cotmongvoycamlha nelha.

2 SAN JUAN 1:9

Apyitnocjasquic sat ancoc enlhit actemaclha singillhicmoscama Cristo, eyca as metnaja apyipitcayo Dios. Apquilinlhanacmec sat ancoc actemaclha singillhicmoscama Cristo, eyca as aptomja apyipitcayo Dios Ingyapam najan Apquitca.

EL APOCALIPSIS 2:18

‘Aptomjac alhta mocjam seyanya coo: Italhosquis sat lhip yoyam elyipsitic soycam amyaa aptomja apquimja apmamyi Jesucristo apmolhama apnaycam tingma Tiatira: “Eycaso appayvam Dios Apquitca, aptomja malha talha alayvom apataoc najan aptomja malha oro alyinmom apmancoc: