SAN JUAN 1:29 - Enhlit Bible

²⁹ Moc acnim alhta intomjac. Apvitac alhta Juan aplhingacmo Jesús. Aptomjac alhta Juan apquilanya enlhitaoc: —Quip elanojo. Aptomja sat apmascoscama melyascalhma enlhit lhalhma anco, malha nipquesic apquitcoc apquilmesomap enlhitaoc. Eyca as aptomja nipquesic apquitcoc Dios apmescama.

SAN JUAN 1:29 Iomraidhean Croise

ÉXODO 28:38

Coytic sat mataa placa nac jay payjoc payjaclha napaat Aarón. Naysicsa aplhanma Aarón apquiltemaclha apancaoc israelitas, najan apquilsayquinta ofrendas, ingyasicjiclhojoc sat mocjam Visqui ingac enlhitaoc najan ofrendas apancaoc, sicvita inlhojo placa de Aarón.

ISAÍAS 53:10

Apquiltamjoc alhta Dios Apyimtalhnamo elngamcojo acmasca apquilancam. Apyinyovquic alhta apyimnatem apanco, malha asoc macmescama Dios acyanmongam mongilyascalhma. Eleyoc sat mocjam aptovana niptamin. Etnejic sat mocjam apquilmilaneycaoc aclhamoclhojo acnim. Elngacsic sat apmayjayoclha Dios lhalhma anco.

ISAÍAS 53:11

Natamin aplingaycamco acyimtalhnama etac sat actamila yoyam copayjiclhac sat apvalhoc. Appeyvomo nac selancam. Avanjec alhta apyascamco. Eyascasingvomoc sat aplhamoclhojo enlhitaoc actemaclha acpeyvomo. Elngamcojoc sat acmasca, malha appatam acyimtalhnama ayinyema nintemaclha acmasom.

ISAÍAS 53:7

Innec alhta ayasquisa apyimpejic. Apjalhec alhta naysicsa aplingaycamco. Am alhta copayjam apatong, malha nipquesic apquitcoc yoyam ematong. Malha nipquesic naysicsa macyesiscama. Am alhta colngalhcac appayvam.

OSEAS 14:2

Elyanmonquis moc apquilvalhoc quellhip, eltime sat quellhip: Dios Apyimtalhnamo, jingilasicjiclhojo sat mocjam. Ontimjic sat ningilayo lhip, colhojoc sat asoc macmescama lhip — eltime sat elanic quellhip.

LEVÍTICO 10:17

—¿So actomja yi meltovamco nac quellhip yataay macmescama Dios payjoc lugar acponquinomalhca? Acvisay asoc actamila santísima, ayinyema apcanama Dios yoyam eltovamcoc quellhip. Colhic sat acmascosa melyascalhma enlhit.

ZACARÍAS 13:1

Aptomjac alhta mocjam Visqui ingac: Coytic sat tingma Jerusalén actiyapmaclha yingmin, actomja ayalhnascama meyascalhma najan apquilsilhnanomap apanco David aptovana niptamin najan apnaycam tingma Jerusalén.

NÚMEROS 18:1

Aptomjac nic nat Dios apcanya Aarón: Lhip najan apquitquic najan apnaymacoc levitas eltimjic apquilsilhnanomap apanco, acyitna inlhojo acmasom congne carpa apponquinomap. Moc amyaa: apvamlha lhip najan apquilvamlha apquitquic elsilhnanacpoc apanco napato Dios, acyitna inlhojo acmasom naysicsa apquiltimesaycam sacerdotes.

NÚMEROS 18:23

Apquilvamlha levitas eltimesam sat congne carpa apponquinomap, elsilhnanacpoc sat, apquilvita inlhojo acmasom. Comasquejec sat mataa siyanamaclha nac jay, elyiplovcasojoc sat enlhit najan aptovana. Mepqui amyip sat cotnejic mataa apquileyvam levitas.

NÚMEROS 21:9

Apquillanac nic nat quilaycmasquiscama acyeyva Moisés. Tava ápac nic nat allanomalhca. Apyipitcasquic nic nat navá yamit acvinatem. Innec nic nat acvomquisa tap enlhit actaclhama acyeyva. Aptomja apquilaneyo netin yamit.

SAN MATEO 1:21

Cotimsic sat ayitca apquinavo. Iltime sat apvisay JESUS. Elvomsic sat tap apnaymacoc enlhitaoc. Elmascocsic sat melyascalhma enlhitaoc —alhta intomjac apvanmoncama.

SAN MATEO 20:28

Acvaac coo sicvisay Sictiyam Sictomja Enlhit, yoyam olanam enlhitaoc. Am oltamjoc jelanam enlhit malha visqui. Altamjoc oyinyoc sicyimnatem acyanmongam aplhamoclhojo enlhitaoc —alhta aptomjac.

SAN JUAN 1:35

Moc acnim alhta intomjac. Apnec alhta mocjam Juan maa najan apcanit apquillhalhmaa.

SAN JUAN 1:36

Apvitac alhta Juan aplhingacmo Jesús. Aptomjac alhta Juan apquilanya enlhitaoc: —Quip elanojo Nipquesic apquitcoc apquinyema Dios Ingyapam —alhta aptomjac.

SAN JUAN 1:43

Moc acnim alhta intomjac. Apquiltamjoc alhta Jesús emyaclhac yoclhilhma Galilea. Aptajanyavoc alhta Felipe. Aptomjac alhta apcanya: —Jeyiplaclha sat —alhta aptomjac.

SAN JUAN 2:1

Natqui acnim alhta intomjac. Alyimjapma alhta intomjac tingma Caná yoclhilhma Galilea. Innec alhta Jesús inquin maa.

SAN JUAN 3:16

Aptomjac alhta Jesús: ‘Avanjec anco acliclamo apvalhoc Dios enlhit lhalhma anco. Apcapajasquic alhta Apquitca apvamlha pac lhama, yoyam metvasacpejec sat moclhama aptomja melyasquiyam Apquitca. Colhic sat acyimnatem apnenyaoc cotmongvoycamlha nelha.

SAN JUAN 4:42

Apquiltomjac alhta apquilanya quilvana: —Quilhvo ningiltomja mongyasquiyam, jave ayinyema lhiya acpayvam. Ayinyema eyca ninlingay inganco appayvam apanco. Ningyasamcoc nincoo aptomja nasoc anco Cristo, apquilvomquiscama tap enlhit lhalhma anco.

SAN JUAN 6:51

Coo nac sicvisay nintom ayinyema netin. Aptovquic sat ancoc enlhit as nintom, mengyitsepejec sat cotmongvoycamlha nelha. Nintom sicmescama coo actomja sicyovoclhojo ajanco. Momyovalhcoyc co ajanco, yoyam colhic acyimnatem apnenyic enlhit lhalhma anco —alhta aptomjac.

LOS HECHOS 13:39

Colmascosalhcac sat melyascalhma quellhip ayinyema melyasquiyam Jesús. Am alhta colmascosalhca melyascalhma quellhip apquiltomja apquilvajaneycaoc apcanamaclha Moisés.

LOS HECHOS 8:32

Eycaso actomja alhta alyipsatomalhca vaycajac: Innec alhta acyantama malha nipquesic yoyam ematong. Apvanmaquic alhta malha nipquesic apquitcoc copayjeycam apatong naysicsa macyesescama.

1 CORINTIOS 15:3

Altimnasquic alhta quellhip tasic amyaa siclhoy emamyi alhta coo: Actemaclha apquitsepma alhta Cristo acyanmongam mongilyascalhma, acno aclhanma Dios appayvam actalhesomalhca.

2 CORINTIOS 5:21

Am coyitnac lhama meyascalhma Cristo. Dios aptomja appatimquiscama Cristo mongilyascalhma nincoo. Yoyam jingiltimesquisic ningilpeyvomo ayinyema ninpasmeyquiclha Cristo.

GALATAS 1:4

Apyinyovsomacpo apanco acyanmongam mongilyascalhma, ayinyema apmayjayoclha Dios Ingyapam. Aptomja singilvayclha ningiltomja ningileyvam naysicsa ayasomquilha as ningvamlha nac jay.

GALATAS 3:13

Apyinyovquic acyanmongam Cristo aptomja singilvayclha. Mongnatovasalhquejec sat ayinyema singanamaclha. Ayinyemaclha aptovasacpec alhta Cristo nincoo singyanmongam. Ayinyemaclha intomjac nic nat Dios appayvam actalhesomalhca: “Etvacsic sat Dios moclhama enlhit apyipitsomap netin yamit” —nic nat intomjac.

1 TIMOTEO 2:6

Apyinyovquic apanco acyimnatem apnenyic Jesucristo acyanmongam ningilvomsomalhca tap. Aplhenquic nic nat Dios acnim yoyam sat elvomsic tap aplhamoclhojo enlhitaoc.

TITO 2:14

Apyinyovsomacpo apanco yoyam ematong singyanmongam nincoo. Yoyam jingilvomsic tap naysicsa asoc almasomcaa. Yoyam ongiltimjic ningilalhnayo mepqui ningmasom. Yoyam ongiltimjic apquitquic yoyam ongilyiplovcasojoc actemaclha actamila.

HEBREOS 1:3

Apquitca aptomja malha laneyo intalhamavo yoyam ongvita gloria ayitsayolhma apanco Dios. Innoc moc aptemaclha Apquitca najan aptemaclha Dios. Acmovan innac appayvam Apquitca, aptomja apcanama aclhamoclhojo asoc netin najan nalhpop. Apquitca ayinyema yoyam colmascosalhca mongilyascalhma. Quilhvoc apna netin apnaclha Dios apyimtalhnamo, napocja actamilaclha.

HEBREOS 2:17

Incaymalhquic alhta Jesús etniclhac enlhit apanco apno apquilyalhinga. Yoyam etnejic apquimlaycmo nipyesicsa. Yoyam najan etnejic Dios apquilancam apyimtalhnamo. Yoyam emascocsic melyascalhma enlhitaoc.

HEBREOS 9:28

Acno alhta aptemaclha Cristo: Acvamlha lhama alhta apmesomap apanco actemaclha macmescama Dios yoyam emascocsic melyascalhma aplhamoclhojo enlhitaoc. Evotac sat mocjam Cristo, jave yoyam emascocsic mongilyascalhma, eyca yoyam jingilvomsic tap ningiltomja ningiljalhanma.

1 SAN PEDRO 1:19

Eyca acyanmongam asoc acmamnave acvisay Jesucristo em pac. Apyinyovacpec alhta apanco Cristo yoyam ematong, malha ningmescama Dios nipquesic apquitcoc aptamila najan apjalhnancoc.

1 SAN PEDRO 2:24

Appatmeclhec alhta apanco Cristo mongilyascalhma. Apyipitsacpec alhta asoc timyescama acyiplomo appatam mongilyascalhma. Ingilvatescasquic alhta mongilyascalhma yoyam ongiltimjic ningilpeyvomo naysicsa ningileyvam. Innec alhta alyimsasa apyimpejic yoyam eltamalvomoc quellhip.

1 SAN PEDRO 3:18

Ayinyemaclha Cristo aplingamco alhta apmatnam acyanmongam mongilyascalhma nincoo. Apvamlha lhama apmatnam, paj moc yoyam ematong mocjam. Appeyvomo apanco alhta Cristo. Apmatnec alhta singyanmongam ningiltomja ningilmasomcaa yoyam jingnalaclha apnaclha Dios. Apquitsepquic alhta apyovoclhojo. Espíritu Santo aptomja apyimnatescama apjangaoc Cristo.

1 SAN JUAN 2:2

Apyinyovacpec Jesucristo aptomja macmescama Dios acyanmongam mongilyascalhma. Jave acvamlha acyanmongam mongilyascalhma nincoo. Najan lha acyanmongam melyascalhma enlhitaoc lhalhma anco.

1 SAN JUAN 3:5

Apquilyasamcoc quellhip, apvaac nat Jesucristo yoyam emascocsic mongilyascalhma. Am nat coyitnac lhama meyascalhma Jesús.

1 SAN JUAN 4:10

Eycaso actemaclha anco ningasicjayo: Am ongilasicjac nat nincoo Dios. Dios eyca aptomja singasicjayo siclhoc anco. Apcapajasquic nat Apquitca yoyam emascocsic mongilyascalhma.

EL APOCALIPSIS 1:5

Altamjoc yoyam ellhovac quellhip apcaycaoc ayinyema Jesucristo. Aptomja aplingascama amyaa appeyvomo mepqui apyeycajascaoc aplhanma. Aptomja aplhaticjangviyam apmamyi nipyesicsa apquilmasquingvaycmo. Aptomja Apvisqui tacjaplhit apquilviscaa lhalhma anco as nalhpop. Cristo aptomja singasicjayo, aptomja apmascoscama mongilyascalhma ayinyema apquitsepma singyanmongam.

EL APOCALIPSIS 12:11

Apmeleyjac ingilyalhinga, am colhnoc yavey Satanás. Apquilyimnatem ingilyalhinga ayinyema apquitsepma Nipquesic Apquitcoc najan ayinyema apquillingascama amyaa ayinyema Dios. Am alhta elmiyavac acyimnatem apnenyaoc acvocmo yoyam eticyo.

EL APOCALIPSIS 13:8

Elpayicsojoc sat asoc navjac aclom aplhamoclhojo enlhitaoc apquileyvam as nalhpop. Melpayicsoyc sat enlhitaoc acyitna acnatalhesomalhca apquilvisay vaycajac acvisay acyimnatem ingnenyic. Innatalhesalhquic nic nat apquilvisay amamyi apquilantipquiscama Dios as nalhpop. Nipquesic Apquitcoc apmatnam vaycajac apanco, acyitna apquilvisay enlhit acyimnatem apnenyaoc.

EL APOCALIPSIS 14:1

Acvitac alhta mocjam. Apyancac alhta Nipquesic Apquitcoc netin inquilhe acvinatem acvisay Sión. Apnam alhta enlhitaoc nipyava, malha ciento cuarenta y cuatro mil enlhitaoc. Yitnec alhta alcajasomalhca payjaclha napataa as enlhitaoc. Apvisay apanco Apquilyap najan apvisay apanco Nipquesic Apquitcoc alhta intomjac alcajasomalhca.

EL APOCALIPSIS 14:10

Elvitac sat as enlhitaoc actemaclha Dios aplom. Elmesacpoc sat malha ingjaycoc aclaneyo Dios aplom yoyam elyinamcoc. Ellingamcojoc sat acmasca napatavo ángeles najan napato Nipquesic Apquitcoc. Ellingamcojoc sat acmasca naysicsa talha macpalhaquiscama azufre acpayesayclha talha.

EL APOCALIPSIS 14:4

Am alhta elanoc quilvana as enlhitaoc, paj najan apquilyipitcaycam quilvana. Malha mepqui apnatamcaa as enlhitaoc. Apquilyiplaclhec mataa apyasaclha Nipquesic Apquitcoc. Apyinyovquic alhta acyanmongam Dios yoyam elvomsacpoc tap as enlhitaoc. Malha asoc amamyi macmescama Dios najan macmescama Nipquesic Apquitcoc alhta as enlhitaoc.

EL APOCALIPSIS 15:3

Apquilminaycmasquic alhta ningminaycmascama ayinyema Moisés aptomja Dios apquilancam. Najan ningminaycmascama ayinyema Nipquesic Apquitcoc: Alyiviy anco lhip aptamjaycam najan actomja sinpilapquiscama. Lhip Visqui ingac Dios aptomja apyimtalhnamo. Acpeyvomo lhip amay pac najan actomja nasoc anco. Lhip aptomja Apvisqui lhalhma anco.

EL APOCALIPSIS 17:14

Elnapacpoc sat Nipquesic Apquitcoc. Am colhoyc sat apyimpeoc, apyimnatem apanco Nipquesic Apquitcoc. Ayinyemaclha aptomja Apvisqui tacjaplhit aplhamoclhojo apquilviscaa. Aptomja apyimtalhnamo tacjaplhit aplhamoclhojo apquilyimtalhnamo. Apquillhalhmaa apquiltomja Dios apquilyacyescama najan apquiltomja apquilanyomap ayinyema Dios najan apquiltomja melvatseycaoc melyasquiyam —alhta aptomjac ángel.

EL APOCALIPSIS 19:7

Ingva, ongilitsovacsojo najan colpayjiclha ingvalhoc, ongiltimjic sat ningayo Dios. Quilhvoc invaac malha alyimjapma Nipquesic Apquitcoc. Inpenasquic quilhvo apponcanma.

EL APOCALIPSIS 19:9

Aptomjac alhta seyanya ángel: —Italhos: “Apquilinyejemoc enlhit apquiltomja apquilanyomap elpasmoc malha alyimjapma Nipquesic Apquitcoc” —alhta aptomjac seyanya. Aptomjac alhta mocjam seyanya ángel: —Eycaso appayvam ayinyema Dios actomja nasoc anco —alhta aptomjac.

EL APOCALIPSIS 21:14

Yitnec alhta acjalhtamomalhca avjac, doce alhta mataymong alyiviy. Yitnec alhta acnatalhesomalhca mataymong alyiviy apquilvisay doce apóstoles apquiltomja Nipquesic Apquitcoc apquiltamsoycaoc.

EL APOCALIPSIS 21:27

Cotlhejec sat mataa as tingma asoc acmasom. Metlhejec sat mataa enlhit apmapsom najan aptomja apmopvan amyaa. Elantilhic sat apquilvamlha acyitna acnatalhesomalhca apquilvisay vaycajac apanco Nipquesic Apquitcoc, acvisay vaycajac acyitna apquilvisay enlhit acyimnatem apnenyaoc.

EL APOCALIPSIS 21:9

Acvitac alhta siete ángeles apquilmaycam siete ingjaycoc allaneycamco siete altemaclha alasquiscama apyimpeoc enlhitaoc yoyam colvac sat actamongvomlha nelha. Aplhingacmec alhta lhama ángel, aptomjac alhta seyanya. —Ilhing jalip. Pac olhicmocsic Nipquesic Apquitcoc apponcanma, actomja quilhvoc aptava —alhta aptomjac seyanya.

EL APOCALIPSIS 5:6

Natamin acvitac alhta Nipquesic Apquitcoc malha apmatnam. Apyancac alhta acpayjo acyitnaclha Visqui aptajanem. Apyancac alhta naysicsa alyancaclha cuatro asoc najan apnamcaclha apquilimja apmamyi. Siete alhta apquipitaoc Nipquesic Apquitcoc najan siete apataoc. Eycaso alyitsomalhca siete espíritus apquilinyema Dios, apquiltomja apquilapajasomap lhalhma anco as nalhpop.

EL APOCALIPSIS 5:8

Lhama alhta apma vaycajac. Yejemoc alhta acnalhpolintamo nalhpop cuatro asoc alyanca maa. Apnalhpolintac alhta najan veinticuatro apquilimja apmamyi apyancaclha Nipquesic Apquitcoc. Yitnec alhta yatalhpong moclhama apquilimja apmamyi. Yitnec najan ingjaycoc oro alyinmom aclaneyo asoc masis. Eycaso acyitsomalhco actemaclha apquililmalhnancama ayinyema Dios apquilyacyescama.

EL APOCALIPSIS 6:1

Acvitac alhta mocjam. Apliquic alhta Nipquesic Apquitcoc lhama macyipitquiscama vaycajac. Intomjac alhta lhama asoc acyanca maa acyimnatesa acpayvam. Malha ayilhtingyovayam alhta intomjac: —Ilhing jalip —alhta intomjac acpayvam.

EL APOCALIPSIS 6:16

Apquililpalhamam alhta enlhitaoc apquilpamejitsa inquilhe najan mataymong alvinatem: —Jingilajap nincoo. Jingilpos sat nincoo napato aptomja apma netin Visqui aptajanem yoyam meyanmongsiclheje nintemaclha nincoo Nipquesic Apquitcoc.

EL APOCALIPSIS 7:14

Actomjac alhta coo siyatingmavo: —Visqui, lhip apyasamcoc —alhta actomjac coo. Aptomjac alhta seyanya mocjam: —Avanjec alhta apquillingaycamco acmasca apquilinyemayaclha as enlhitaoc. Apquilyimyesquic alhta apquilantalhnama em pac Nipquesic Apquitcoc. Apquilmopisaclhec alhta apquilantalhnama.

EL APOCALIPSIS 7:17

Ayinyemaclha apyancac Nipquesic Apquitcoc acyitnaclha Visqui aptajanem. Etamilsic sat as enlhitaoc, malha apnatoscama nipquesic. Enalaclhac sat as enlhitaoc acyitnaclha yingmin actomja acyimnatescama ingnenyaoc. Dios sat elicsic apate yingmenic as enlhitaoc —alhta aptomjac apquimja apmamyi.