SAN JUAN 1:19 - Enhlit Bible

¹⁹ Eycaso actomja alhta Juan aplingascama amyaa. Apnam alhta judíos tingma Jerusalén. Apquilapajasquic alhta sacerdotes najan levitas apnaclha Juan. Apquiltomjac alhta apquilanya: —¿Soc enlhit lhip qui? —alhta apquiltomjac.

SAN JUAN 1:19 Iomraidhean Croise

SAN JUAN 1:7

Apvaac alhta aptomja apvitaycamco, yoyam elngacsic acvisay ayitsayolhma. Apquiltamjoc alhta yoyam eltimjic melyasquiyam enlhitaoc actemaclha aplhanma.

SAN JUAN 10:24

Apvocjingvoctac alhta judíos apquinmamcaclha Jesús. Apquiltomjac alhta apquilanya: —¿Soctomja apquilquitamsa nac ingvalhoc? Lhip ya anco Cristo, jingiltimnas siclho nincoo. Noyilhacpojo nasa lhip —alhta apquiltomjac.

SAN JUAN 10:31

Yejemoc alhta apquilma mataymong judíos. Apquililtamjoc alhta elajic Jesús.

SAN JUAN 11:19

Apquilvoctac alhta aplhamoclhojo judíos tingma ac Marta najan María. Apquililtamjoc alhta elpayesiclhac avalhoc quilvanaa. Ayinyemaclha apquitsepquic alhta inquilyalhing.

SAN JUAN 2:18

Apquilatingmavoc alhta judíos. Apquiltomjac alhta apquilanya Jesús: —¿Soc ayanem lhip ellanac as asoc? ¿Jalhco actema asoc monquinatquiscama pa jinlhicmocsic? —alhta apquiltomjac.

SAN JUAN 2:20

Apquiltomjac alhta judíos apquilanya Jesús: —Cuarenta y seis años nic nat apquillanomap as tingma apponquinomap. ¿Natqui acnim ya pa etnescasiclha lhip apjalhnancoc as tingma apponquinomap? —alhta apquiltomjac.

SAN JUAN 5:10

Apquiltomjac alhta judíos apquilanya aptamalviyam: —Acnim ningnayclha intomjac. Copvanquejec lhip esovm aptajanma acnim nac jay —alhta apquiltomjac.

SAN JUAN 5:15

Yejemoc alhta aplhinga enlhit. Apquiltimnasquiclhec alhta judíos apvisay Jesús aptomja aptamilquisquiyam.

SAN JUAN 5:16

Aptanovacpec alhta Jesús. Apquililtamjoc alhta elajic Jesús, ayinyemaclha apquilvita actemaclha aptamilquisquiyam acnim ningnayclha.

SAN JUAN 5:18

Inyangvocmec alhta apquillom enlhitaoc. Apquililtamjoc alhta elajic Jesús. Jave acvamlha ayinyema aptovascama acnim ningnayclha. Eyca ayinyema najan aplhanma aptomja apyap apanco Dios Ingyapam. Apquilanayquic alhta elhnesacpoc apanco Dios Ingyapam.

SAN JUAN 6:41

Apquilmalyevam alhta enlhitaoc, ayinyemaclha apquillinga Jesús appayvam: “Coo nac sicvisay nintom ayinyema netin” —alhta apquiltomjac.

SAN JUAN 6:52

Yejemoc alhta apquillova enlhitaoc. Apquilatingmacpec alhta poc nipyesicsa: —¿Jalhco sat etnejic jingilmesic apyovoclhojo apanco, yoyam ontovamcoc apjapitic? —alhta apquiltomjac.

SAN JUAN 7:1

Natamin alhta as asoc aplhinga Jesús. Aptiyasam alhta yoclhilhma Galilea. Am alhta eltamjoc elhic mocjam yoclhilhma Judea. Ayinyemaclha judíos alhta apquililtamjoc elajic Jesús.

SAN JUAN 7:11

Apquitamacpec alhta Jesús maa. Judíos alhta apquilquitamac. Apquiltomjac alhta apquilanya: —¿Co laa apnaclha as enlhit? —alhta apquiltomjac.

SAN JUAN 7:15

Pilapcasquic alhta judíos apquillinga apquiltimnaycam. Apquilpamejitsacpec alhta: —¿Jalhco ayinyema apyascamco Dios appayvam as enlhit? Mepqui mallhicmoscama alhta vaycajac —alhta apquiltomjac.

SAN JUAN 8:22

Apquilatingmavoc alhta judíos: —¿Pa ya ingyajacpoc apanco? Ayinyemaclha aplhena nac: Melvomejec sat quellhip yavamlha oyacsic —alhta apquiltomjac.

SAN JUAN 8:48

Apquilatingmavoc alhta judíos: —Naso nac ningillhena alhta nincoo: Lhip nac co Samaria. Meyascamcolhma nac lhip —alhta apquiltomjac.

SAN JUAN 8:52

Apquilatingmavoc alhta judíos: —Quilhvoc ningyasamcoc nincoo, meyascamcolhma nac lhip. Apquitsepmec nic nat Abraham. Apquilitsepmec nic nat profetas Dios apquillingascama. Lhip eyca aptomja singilanya: Apyiplovcasquic sat ancoc enlhit sicpayvam, mengyitsepejec sat cotmongvoycamlha nelha.

SAN JUAN 8:57

Apquilatingmavoc alhta judíos: —Am evocmoc mocjam lhip cincuenta años. ¿Apvitayo ya lhquip Abraham ningilyeyjamcaa nic nat? —alhta apquiltomjac.

LOS HECHOS 13:25

Lhama alhta acvocmo nelha aptiyascam (aptamjaycam) Juan. Aptomjac alhta apquilanya: “Inquillhenquic apquilvalhoc quellhip selanya Cristo. Jave coo. Aplhingacmec maa netamin lhama enlhit. Eyaponcanalhquic oljalhyovasquisic tiyayipeoc apác” —alhta aptomjac.

LOS HECHOS 19:4

Aptomjac alhta apquilanya Pablo: —Apyapascasamquic alhta inyicje yingmin Juan, yoyam cotnatsalhqueje apquilyanmonquiscama apquilvalhoc enlhitaoc. Nic alhta aptomjac Juan apquilanya enlhitaoc: “Noelyasquim nasa enlhit, yoyam eva netamin coo. Apvisay Jesús aptomja Cristo apanco” —nic alhta aptomjac.

DEUTERONOMIO 24:8

Apnec sat ancoc enlhit ningmasquem ayajem lepra, elyiplovcasojo sat apcanamaclha sacerdote levita. Elyiplovcasojo sat mataa siyanamaclha siclho coo, ayinyema Dios.

1 SAN JUAN 1:5

Ninlingasquic nincoo nipyesicsa quellhip actemaclha singillhicmoscama Jesucristo ninlingay nat nincoo. Eycaso amyaa nac jay: Dios aptomja ayitsayolhma. Am coyitnac apvalhoc yatescamalhma.