SAN JUAN 1:14 - Enhlit Bible

¹⁴ Enlhit apanco alhta aptomjaclhac apvisay Appayvam. Apnactac alhta ningyesicsa. Ningvitac alhta gloria aptamila apanco. Eycaso actomja gloria aptamila apanco Ingyapam Apquitca apvamlha pac lhama, am colhno moc gloria actamila anco. Inlanoc alhta apvalhoc singamliyam najan aptomja nasoc anco.

SAN JUAN 1:14 Iomraidhean Croise

SALMOS 2:7

Eycaso actomja Dios appayvam yoyam olngacsic: —Aptomjac alhta seyanya coo: Lhip aptomja sictamongvoyam. Actimescasquic lhip acnim nac jay.

SALMOS 45:2

Aptamila apanco lhip, am elhno poc nipyesicsa ingnaymacoc. Inyispalhquic mataa lhip appayvam. Mayayo nac lhip ayinyema Dios Visqui ingac cotningvoyam nelha.

SALMOS 85:9

Naso, ningatoc anco apna Visqui ingac. Apquiltamjoc elvomsic tap aptomja apquilayo. Colhic sat ayaco apvisay ningyesicsa nincoo.

ISAÍAS 40:5

Cotalhcac sat gloria actemaclha apyimtalhnamo Dios Visqui ingac. Elvitac sat aplhamoclhojo enlhitaoc lhalhma anco. Eycaso appayvam Dios Visqui ingac — alhta aptomjac enlhit apquilpalhamaycam.

ISAÍAS 53:2

Visqui ingac apcasinancama apyitsomacpo yamit ayitcoc actictiyapma lhopactic acyamay, acyitna apquipmenaoc congno. Eycaso apmajayoclha Dios. Mepqui actamila napaat najan apyovoclhojo, mepqui ningyisponcama ningilaneyo apyovoclhojo.

ISAÍAS 7:14

Visqui ingac sat conyemac asoc monquinatquiscama: —Quip elaylhojo. Inlovsoc sat cotnejic quilvana mepqui ayitcoc. Cotimsic sat ayitca apquinavo. Cotnejic sat apvisay Emanuel (ningiltimem: Dios singilpalhavoy).

EZEQUIEL 37:27

Olhic sat coo nipyesicsa maa, otnejic sat enlhit ajancaoc, otnejic sat Dios Visqui apancaoc.

SAN MATEO 1:16

Jacob apquitca ilhnic nat José. José aptava alhta María. María ayitca alhta Jesús apvisay Cristo.

SAN LUCAS 2:11

Aptiyacmec lhac apquilvomquiscama tap quellhip, CRISTO Visqui ingac, natingma David apcaoclha.

SAN LUCAS 2:7

Aptiyacmec alhta ayitca siclha acvitay apquinavo. Inpilhtitquic alhta apava. Acpicanvocmo alhta actoycamcolha mocnatoscama. Am alhta acnaclha ma congne apnaycamcaclha maycaa.

SAN LUCAS 9:32

Tiyin alhta inquilnapac Pedro najan apquillhalhmaa. Yejemoc alhta apnalhaticja. Pilapcasquic alhta apquilvita apcapongmatem Jesús najan apcanit apquillhalhmaa.

SAN JUAN 1:1

Apnec nic nat siclhoc anco apvisay Appayvam. Apnec nic nat apnaclha Dios Ingyapam apvisay Appayvam. Apnoc nic nat poc apvisay Appayvam najan Dios Ingyapam.

SAN JUAN 11:40

Apcatingmavoc alhta Jesús: —Nocolvonquim nasa sictomjaclha alhta siyanya: Am sat ancoc coyascacmoc lhiya, cotac sat Dios gloria actemaclha apyimtalhnamo —alhta aptomjac.

SAN JUAN 14:6

Apcatingmavoc alhta Jesús: —Coo sictimem amay najan actomja nasoc anco najan acyimnatem ingnenyic. Am sat ancoc jeyotac coo enlhit, copvanquejec eyoclhac apnaclha coo Tata.

SAN JUAN 14:9

Apcatingmavoc alhta Jesús: —Felipe, acvoncaclhojo inyicje sicma nipyesicsa quellhip. ¿Am ya jeyicpilcac mocjam coo? Etac alhta lhip coo, apvitac alhta najan coo Tata. ¿Soctomja aptomja nac lhip seyanya: “Jinlhicmos nincoo Apyap?”

SAN JUAN 17:22

Almesquic alhta as enlhitaoc gloria sictamila ayinyema netin, simquescama alhta siclhoc anco lhip. Altamjoc yoyam eltimjic apquilpasmeyquiclha, acno nincoo lha ninpasmeyquiclha.

SAN JUAN 17:24

‘Tata, altamjoc coo jelhojoc lhama as enlhitaoc selmescama alhta lhip. Elvitangvomoc sat gloria ajanco simquescama alhta lhip. Eyasicjavoc nat lhip siclhoc anco, yicpintama yoyam collanalhcac as nalhpop.

SAN JUAN 18:37

Aptomjac alhta mocjam Pilato: —¿Naso ya aptomja lhip Apvisqui? —alhta aptomjac. Apcatingmavoc alhta Jesús: —Naso coo sictomja Visqui. Acvaac coo aso nalhpop ayinyema sictiyam alhta sictomja enlhit. Altamjoc olngacsic amyaa actomja nasoc anco. Apquiljalhnoc mataa sicpayvam enlhit apquiltomja apquilyajayquiclho amyaa actomja nasoc anco —alhta aptomjac.

SAN JUAN 2:11

Siclhoc anco alhta aptomjac Jesús aptamjaycam sinpilapquiscama tingma Caná yoclhilhma Galilea. Aplhicmosquic alhta Jesús actemaclha gloria mayayo apanco. Am alhta elyascacmoc apquiltamsoycaoc aptomja Cristo.

SAN JUAN 3:16

Aptomjac alhta Jesús: ‘Avanjec anco acliclamo apvalhoc Dios enlhit lhalhma anco. Apcapajasquic alhta Apquitca apvamlha pac lhama, yoyam metvasacpejec sat moclhama aptomja melyasquiyam Apquitca. Colhic sat acyimnatem apnenyaoc cotmongvoycamlha nelha.

SAN JUAN 3:18

‘Metvasacpejec sat enlhit aptomja meyasquiyam Dios Apquitca. Aptovasacpe nac enlhit aptomja apyasquiyam Dios Apquitca. Ayinyemaclha apyascacmec apvisay Dios Ingyapam Apquitca aptomja apvamlha pac lhama.

SAN JUAN 6:51

Coo nac sicvisay nintom ayinyema netin. Aptovquic sat ancoc enlhit as nintom, mengyitsepejec sat cotmongvoycamlha nelha. Nintom sicmescama coo actomja sicyovoclhojo ajanco. Momyovalhcoyc co ajanco, yoyam colhic acyimnatem apnenyic enlhit lhalhma anco —alhta aptomjac.

SAN JUAN 8:32

Elyasingvomoc sat quellhip actomja nasoc anco. Actomja nasoc anco ayinyema ningmiyovmalhquilha —alhta aptomjac.

LOS HECHOS 13:33

Nincoo ningiltomja apquitquic niptamin ningilyeyjamcaa. Invocmec nelha aplhanmaclha Dios Ingyapam. Aplhaticjascacmec alhta Jesús. Yitnec vaycajac actalhesomalhca segundo salmo: “Lhip aptomja sictamongvoyam. Quilhvoc sicvita lhip acnim nac jay” —nic nat intomjac vaycajac.

ROMANOS 8:3

Am alhta covanac jingilvomsic tap singanamaclha Moisés. Ayinyemaclha nintemaclha inganco actomja ayinmelhaycam. Apvanquic alhta Dios jingilvomsic tap: Apcapajasquic alhta Apquitca ningyesicsa naysicsa ningyiplovquiscama mongilyascalhma. Aptomjaclhec alhta enlhit apanco, ningno nincoo. Apmascosquic alhta Cristo acmovan mongilyascalhma. Ayinyemaclha am eyiplovcasac mataa mongilyascalhma.

ROMANOS 9:5

Enaymacoc apquiltomja aptovana niptamin ningilyeyjamcaa apquilictingam apmamyi. Apvaac alhta Cristo aptomjayclho enlhit apanco nipyesicsa enaymacoc judíos. Cristo aptomja Visqui, malha Dios tacjalhit aclhamoclhojo asoc. Pac ontimjic mataa ningayo cotmongvoycamlha nelha. Amén.

1 CORINTIOS 15:47

Enlhit siclhoc anco apquinyema as nalhpop, yelpa ilhnic nat apquillanomap. Alhayi apvitamap alhta enlhit apquinyema netin, aptomja Visqui ingac.

2 CORINTIOS 12:9

Aptomjac alhta seyanya Visqui ingac: “Innoc acvamlha siyasicjayo lhip, coymalhquejec mocjam. Invitalhquic mataa acyiviy sicmovan naysicsa mepqui lha apmopvan enlhit” —alhta aptomjac Visqui ingac. Altamjoc olhenic mataa sictemaclha mepqui sicmovan ajanco yoyam colhic evalhoc Cristo apmopvan apanco.

GALATAS 4:4

Invocmec alhta acnim yoyam ingyapajacsic as nalhpop Apquitca Dios Ingyapam. Intimcasquic alhta inquin. Apcanyacpec alhta Dios Apquitca elyejiclhojo singanamaclha najan eyiplovsic apquiltemaclha judíos.

EFESIOS 3:8

Coo sictomja moyimtalhnamo, am olhnoc coo enaymacoc Dios apquilyacyescama. Seyimlaycmo alhta Dios. Eyasinaquic alhta yoyam olngacsic nipyesicsa enlhitaoc lhalhma anco actemaclha cotlaycaoc singaycaoc cotmongvoyam nelha ayinyema Cristo.

COLOSENSES 1:19

Apquiltamjoc nic nat Dios yoyam elhnasojoc aptemaclha Cristo.

COLOSENSES 2:3

Yitnec apnaclha Cristo aclhamoclhojo actemaclha ningyascamco najan actemaclha ningyasingvoyam, malha asoc acmamnave acposomalhca.

COLOSENSES 2:9

Innoc aptemaclha Cristo Dios. Ingillhicmosquic Cristo aptemaclha Dios.

1 TIMOTEO 3:16

Nasoc anco acyiviy actomja acyilhomalhca actemaclha mongyasquiyam: Apvaac nat Jesucristo aptomja enlhit apanco. Innec nat actimesa appeyvomo ayinyema Espíritu apanco Dios. Apquilvitac nat ángeles Dios apquilasinancama. Inlingasalhquic nat apvisay nipyesicsa enlhitaoc lhalhma anco. Am nat elyascacmoc enlhitaoc as nalhpop. Innec nat acmiyasiclho netin yoyam colhic ayaco ayinyema Dios.

HEBREOS 1:3

Apquitca aptomja malha laneyo intalhamavo yoyam ongvita gloria ayitsayolhma apanco Dios. Innoc moc aptemaclha Apquitca najan aptemaclha Dios. Acmovan innac appayvam Apquitca, aptomja apcanama aclhamoclhojo asoc netin najan nalhpop. Apquitca ayinyema yoyam colmascosalhca mongilyascalhma. Quilhvoc apna netin apnaclha Dios apyimtalhnamo, napocja actamilaclha.

HEBREOS 1:5

Am nic nat elhenacpoc ángel naysicsa aplhanma Dios: Lhip aptomja sictamongvoyam. Actimescasquic lhip sictamongvoyam acnim nac jay —nic nat aptomjac. Am nic nat elhenacpoc ángel naysicsa aplhanma Dios: Coo sat otnejic apyap. Sictamongvoyam sat otnejic coo —nic nat aptomjac.

HEBREOS 10:5

Apvaac alhta Cristo as nalhpop. Aptomjac alhta Cristo apcanya Dios: Am colcac apvalhoc lhip asoc acticyovam najan moc asoc macmescama lhip. Jellanescasquic lhip sicyovoclhojo.

HEBREOS 2:11

Aplhamoclhojo enlhitaoc apquilponquinomap apquiltomja Apquilyapam Dios. Najan Apquitca aptomja apponquinquiscama enlhitaoc aptomja Apyap Dios. Am alhta emancac Dios Apquitca etnejic apquilvisay apquilyalhinga.

HEBREOS 5:5

Apnoc alhta najan Cristo. Am alhta etnescasac apanco Dios apquilancam. Apvamlha Dios aptomja alhta aptimesquiscama apquilancam. Aptomjac alhta Dios apcanya Apquitca: Lhip aptomja Sictamongvoyam. Actimescasquic lhip Sictamongvoyam quilhvo nac jay —nic nat aptomjac Dios.

1 SAN JUAN 4:14

Ningvitac nat nincoo. Ninlingasquic nincoo as amyaa: Apcapajasquic nat Apquitca as nalhpop yoyam elvomsic tap enlhitaoc lhalhma anco.

1 SAN JUAN 4:9

Ingillhicmosquic nat Dios actemaclha singasicjayo. Ayinyemaclha apcapajasquic nat as nalhpop Apquitca apvamlha pac lhama. Apquiltamjoc jingilmesic acyimnatem ingnenyic.

2 SAN JUAN 1:7

Apquileyvec aplhamoclhojo apquilmopvancaa amyaa lhalhma anco. Apquilyascacmec mataa apvaa nat Jesucristo aptomjayclho enlhit apanco. Eycaso aptomja apmopvan amyaa aptomja apquinmelhaycam Cristo.

EL APOCALIPSIS 19:13

Ema alhta acyilhvasiscama aptalhnama. Apvisay apanco Dios Appayvam.

EL APOCALIPSIS 21:3

Aclingac alhta appayvam acyimnatem ayinyema Visqui aptajanem. Intomjac alhta: —Quip ilanojo Dios apma nipyesicsa enlhitaoc. Elhic sat mataa nipyesicsa eltimjic sat enlhit apancaoc. Eltimjic sat enlhitaoc Dios Visqui apancaoc.