SAN JUAN 1:12 - Enhlit Bible

¹² Apquilmec alhta tacja moclhama enlhit aptomja melyasquiyam. Apquilasinaquic alhta eltimjic Dios apquitquic.

SAN JUAN 1:12 Iomraidhean Croise

2 SAMUEL 7:24

Apquiltamjoc lhip yoyam comasquejec mataa ningilvisay Israel, lhip enlhit apancaoc cotmongvoycamlha nelha. Lhip aptomja Dios Apyimtalhnamo.

ISAÍAS 56:5

Olmesic sat actamila anco, melvitay inlhojo apquitquic eunucos yamquilvana. Colhic sat actalhesa apquilvisay congne tingma apponquinomap, actalhesomalhca congne napocja tingma. Ellhocac sat apquilvisay alhnancoc, comascosalhquejec sat mataa cotmongvoycamlha nelha.

JEREMÍAS 3:19

Aptomjac alhta mocjam Visqui ingac: Quellhip israelitas, altamjoc alhta inyicje colhic ayaco quellhip, elhnam sat quellhip lhama yoclhilhma actamila anco, am colhno moc yoclhilhma as nalhpop. Jeltimjic sat jelanic: Tata coo — sat eltimjic. Mejelyinyovejec sat mataa quellhip.

OSEAS 1:10

Ellhamiclhac nanoc sat apquilmolhama Israel, mongmovan ongilyipsitic. Comascoc sat apquilpayvam: Metnaja enaymacoc quellhip — sat cotnejic. Etnejic sat Dios Apyimtalhnamo: Quellhip nac eyitquic, sicvisay Dios momasquingvoyam — sat etnejic.

SAN MATEO 10:40

‘Aptomjac alhta mocjam Jesús: Apquilmacpec sat ancoc tacja quellhip, eyca as enlhit aptomja semam tacja coo. Acmalhquic sat ancoc tacja coo, eyca as enlhit aptomja apmam tacja coo Tata aptomja seyapajascama.

SAN MATEO 12:21

Elaylhic sat enlhit lhalhma anco apquilnancascama apanco —nic nat intomjac appayvam.

SAN MATEO 18:5

Apmec sat ancoc tacja sicaa apno as ayinyema aplhanma sicvisay eyca as enlhit aptomja semam tacja coo —alhta aptomjac.

SAN JUAN 1:11

Apvaac alhta as nalhpop actomja apanco. Am alhta emacpoc tacja nipyesicsa apnaymacoc.

SAN JUAN 1:7

Apvaac alhta aptomja apvitaycamco, yoyam elngacsic acvisay ayitsayolhma. Apquiltamjoc alhta yoyam eltimjic melyasquiyam enlhitaoc actemaclha aplhanma.

SAN JUAN 11:52

Jave acvamlha acyanmongam enlhitaoc judíos. Eyca najan yoyam ingyansiclhac Jesús aplhamoclhojo Dios apquitquic apquilhpaneycam lhalhma anco.

SAN JUAN 2:23

Lhama alhta apna Jesús tingma Jerusalén. Caya alhta intomjac apquiltimem pascua. Apquilvitac alhta aptamjaycam sinpilapquiscama. Am alhta elyascacmoc apvisay Jesús aplhamoclhojo enlhit.

SAN JUAN 20:31

Innatalhesalhqui inyicje asoc sinpilapquiscama as vaycajac, yoyam melyascamejec quellhip Jesús aptomja Cristo Dios Apquitca. Colhic sat acyimnatem apnenyaoc quellhip apquiltomja melyasquiyam apvisay apanco.

SAN JUAN 3:18

‘Metvasacpejec sat enlhit aptomja meyasquiyam Dios Apquitca. Aptovasacpe nac enlhit aptomja apyasquiyam Dios Apquitca. Ayinyemaclha apyascacmec apvisay Dios Ingyapam Apquitca aptomja apvamlha pac lhama.

LOS HECHOS 3:16

Eyca apvisay Jesús ayinyema meyasquiyam as enlhit. Apyimnavocmec alhta. Apquilvitac quellhip najan apquilyicpilcoc as enlhit. Meyasquiyam Jesús intamilquiscacmoc as enlhit napatavo quellhip.

ROMANOS 8:14

Apquilvamlha aptomja apnalayclha Espíritu apanco Dios, eycaso apquiltomja Dios apquitquic.

ROMANOS 8:16

Espíritu apanco Dios aptomja apyascasingviyam ingvalhoc ningiltomja nasoc anco Dios apquitquic.

ROMANOS 8:19

Avanjec apquililjalhanma aplhamoclhojo enlhitaoc, inquililjalhnec najan aclhamoclhojo asoc apquillanay nic nat Dios, yoyam covac sat acnim yoyam elvitacpoc Dios apquitquic.

GALATAS 3:26

Quellhip apquiltomja Dios apquitquic apquilpasmeyquiclha Jesucristo ayinyema melyasquiyam.

GALATAS 4:6

Cotnatsalhquejec sat ningiltomja Dios apquitquic. Ayinyemaclha appiquinquic Dios ingvalhoc Espíritu apanco Apquitca. Intomjac mataa ingilvalhoc ayinyema Espíritu apanco: “Tata” —intomjac mataa.

COLOSENSES 2:6

Eycaso sicpayvam silanya quellhip: Apquilyanmoncasquic alhta apquilvalhoc quellhip yoyam eltimjic apvisqui Jesucristo. Ellhnasojo sat quellhip aptemaclha Jesucristo.

2 SAN PEDRO 1:4

Ingillhicmosquic alhta Dios asoc alyiviy najan asoc altamila yoyam colvac sat. Ningilvatsamquic sat ancoc nintamongvaycmolhma as ningvamlha nac jay, ongilinmalhingvoclhac sat aptemaclha Dios.

1 SAN JUAN 3:1

Quip elanojo actemaclha singasicjayo Dios Ingyapam. Ingiltimescasquic ningilvisay Dios apquitquic. Nasoc ningiltomja Dios apquitquic. Eycaso ayinyema mejingilyicpilquem enlhit metnaja Dios apquitquic. Ayinyemaclha am elyicpilcac mocjam Dios Ingyapam.

1 SAN JUAN 3:10

Melquinatsacpejec sat enlhit ningyesicsa apquiltomja Dios apquitquic najan poc apquiltomja somquic quilyicjamo ayitquic. Am sat ancoc ongilyiplovcasac actemaclha acpeyvomo. Am sat ancoc ongilasicjac ingilyalhing, am najan ongiltomjac Dios apquitquic.

1 SAN JUAN 3:2

Quip elyalhinga silasicjayo. Quilhvo nac jay ningiltomja nincoo Dios apquitquic. Am onlhicmosalhcac mocjam yoyam ontimjic sat nincoo. Ningyasamcoc eyca nincoo, apvoctac sat ancoc Jesucristo, onlhojoc sat aptemaclha. Ongvitac sat apyovoclhojo apanco aptemaclha Jesucristo.

1 SAN JUAN 3:23

Eycaso actomja singanamaclha Dios: Apquiltamjoc mongilyascomoc nincoo apvisay Jesucristo Dios Apquitca. Apquiltamjoc ongilasicjalhcojo nincoo ningyesicsa, acno actemaclha singanamaclha ontimjic.