JOSUÉ 9:9 - Enhlit Bible

⁹ Apquilatingmavoc nic nat: —Cat amay ningilinyemac nincoo. Ninlingac alhta amyaa Dios Visqui apancaoc quellhip. Amyaa alhta aptomjaclha Dios yoclhilhma Egipto.

JOSUÉ 9:9 Iomraidhean Croise

1 REYES 8:41

Ellingac sat lhip apvisay poc enlhitaoc moc yoclhilhma, aptemaclha apyimtalhnamo lhip najan actemaclha sintamilquiscama, malha appayescama apmic tecjinlhit. Elvac sat as enlhitaoc cotnaja aptemolhama enlhitaoc Israel. Elinyemac sat mocjay, moc yoclhilhma yoyam ellingac lhip apvisay. Elilmalhnac sat as congne tingma.

NEHEMÍAS 9:5

Apnam maa levitas: Josué, Cadmiel Binuy, Hasbnías, Serebías, Hodías, Sebanías najan Petaías, apquiltomja apquilanya: ¡Ingyaniclha netin quellhip! ¡Eltime sat apquilayo Dios Visqui ingac! ¡Mayayo nac Dios, ontimjic altamila nimpayvam najan ningilayo apvisay apanco apna netin! — nic nat apquiltomjac.

SALMOS 148:13

Eltime sat apquilayo quellhip aplhamoclhojo. Apvamlha Visqui ingac aptomja apyimtalhnamo. Paj poc maa netin najan as nalhpop aptomja apyimtalhnamo apanco.

SALMOS 72:19

Innec ayaco apvisay apanco cotmongvoycamlha nelha. Najan maa gloria apyimtalhnamo. Naso. Naso.

SALMOS 78:12

Aptamjaycam simpilapquiscama nic nat Dios napatavo apquilyeyjamcaa. Payjoc nic nat Zoán yoclhilhma Egipto.

SALMOS 83:18

Alyasingvomoc sat: Lhip aptomja Visqui apyimtalhnamo apvamlha pac lhama. Apvamlha lhip aptomja apyimtalhnamo apanco as nalhpop.

ÉXODO 15:14

Intomjac apquilpilhyinamam poc enlhitaoc apquillinga amyaa. Avanjec apquilay enlhitaoc filisteos apquiltomja apquilaoclha.

ÉXODO 9:16

Am alhta omascosac aptiyascam lhip. Etac sat sicmovan ajanco. Colngalhcac sat sicvisay lhalhma anco nipyesicsa enlhitaoc.

ISAÍAS 55:5

Elevam sat enlhitaoc quellhip melvitayaclha. Elvac sat metnaja apnaymacoc melvitaya mocjam quellhip. Eycaso ayinyema coo sicvisay Dios sictomja sicyimtalhnamo nipyesicsa enlhitaoc Israel. Innec alaco quellhip ayinyema coo sicvisay Dios — alhta aptomjac.

ISAÍAS 66:19

Olanac sat asoc monquinatquiscama nipyesicsa maa. Olapajacsic sat napocja apquinyajaycaoc nipyesicsa enlhitaoc co Tarsis najan co Fut najan co Lud najan co Mesec najan co Ros najan co Tubal najan co Javán najan nipyesicsa enlhitaoc apnaycam nicja yingmin. Am ellingayac mocjam sicvisay. Am elvitayac mocjam sictemaclha sicyimtalhnamo. Elpayecsic sat nipyesicsa enlhitaoc sictemaclha sicyimtalhnamo.

NÚMEROS 14:15

Ellingac sat amyaa actemaclha apquilmasquingvoyam as enlhitaoc ayinyema lhip. Sat eltimjic elhenacpoc lhip:

NÚMEROS 20:14

Apnam nic nat enlhitaoc Israel tingma Cades. Apcapajasquic nic nat Moisés soycam amyaa apnaclha apvisqui co Edom. Aptomjac nic nat apquilanya, colhic altimnasa apvisqui co Edom: —Lhip nac ingyipma. Ingyeylhojo amyaa ayinyema ningmolhama lhip: Apyasamcoc lhip ninlingaycamco acyimtalhnama nintamin alhta.

LOS HECHOS 8:7

Apquiltamilquiscacmec alhta aplhamoclhojo enlhit actovascama somquic quilyicjamo. Inquiliclhangvam alhta mataa alantepa somquic quilyicjamo. Apquiltamalvocmec alhta najan enlhit apquilyelcomap najan apquilyateyaycam.

DEUTERONOMIO 20:11

Apquilyajaclhoc sat ancoc cotnaja ingmoc mepqui apquilnapomacpilha, eltimjic sat apquilmomap nipyesicsa quellhip, yoyam eltimesam apquiltamjaycam acyimtalhnama.

DEUTERONOMIO 20:15

Elhnasojo sat quellhip moclhama tingma cotnaja ingmoc, apyitna inlhojo mocjay.

JOSUÉ 9:10

Najan amyaa aptimesquiscama Dios apcanit apquilviscaa nipyesicsa amorreos. Apnaycam moc nicja vatsam Jordán. Apvisay alhta apvisqui Sehón tingma Hesbón najan apvisqui Og yoclhilhma Basán, tingma pac alhta Astarot.

JOSUÉ 9:16

Invocmec nic nat natqui acnim. Apquilyasingvocmec nic nat israelitas apquiltemaclha gabaonitas, actomja ningato apquileyvomaclha.

JOSUÉ 9:17

Apquilquitamacpec nic nat gabaonitas. Apquilvocmec nic nat tingma apancaoc natqui acnim. Tingma apvisay nic nat Gabón, poc Cafira, poc Beerot, poc Quiriat-jearim.

JOSUÉ 9:24

Apquilatingmavoc nic nat napato Josué: —Ningilacac alhta nincoo onticyoc nipyesicsa quellhip. Ningyasamcoc alhta Dios Visqui apancaoc apcanama Moisés, yoyam ellhovamcoc quellhip yoclhilhma ningileyvomaclha, yoyam onticyoc ningyovoclhojo.