JOSUÉ 9:1 - Enhlit Bible

¹ Inlingalhuqic nic nat amyaa apquilyimnatem apanco enlhitaoc Israel. Apquillingac nic nat apquilviscaa, najan amorreos, najan cananeos, najan ferezeos, najan heveos, najan jebuseos. (Apquileyvec nic nat as apquilviscaa vatsam, payjoc actalhningvamlha acnim. Najan payjoc inquilhe alvinatem, najan payjoc amyip acvanyam, najan nicja yingmin acvanyam Mediterráneo acvaycmo yoclhilhma Líbano.)

JOSUÉ 9:1 Iomraidhean Croise

2 SAMUEL 24:7

Apquilvocmec nic nat apquilyilhanmomaclha Tiro najan tingma apancaoc heveos najan cananeos. Apquilvocmec nic nat nipiyam yoclhilhma Judá, tingma Beerseba.

ÉXODO 23:23

Malha apvisqui etnejic sat ángel siyasinancama enaliclha quellhip apquilaoclha amorreos, najan hititas najan ferezeos, najan cananeos, najan heveos, najan jebuseos. Omascoscomoc sat apyovoclhojo enlhitaoc maa.

ÉXODO 23:31

Eycaso cotnejic sat acyovoclhojo yoclhilhma apquilvoycamlha quellhip. Ayenmo Yingmin Acyilhvasem (Mar Rojo) acvaycmo Yingmin Filisteos (mar de los filisteos). Moc nicja ayenmo yoclhilhma actamopeycaoc acvaycmo vatsam Eufrates. Coo sat conyemac apquilmopvan elantipsic quellhip cotnaja ingmoc.

ÉXODO 3:17

Intomjac alhta mocjam appayvam: Onalovsingvoclhac sat quellhip yoclhilhma Egipto. Olyinyovsic sat actemaclha apquillingaycamco. Onalaclhac sat apcaoclha enlhitaoc cananeo najan enlhitaoc heteo najan amorreo najan ferezeo najan heveo najan enlhitaoc jebuseo, yoclhilhma acyitnamaclha leche najan apquimjaclha yovjan — sat itne elanic.

ÉXODO 34:11

Elyiplovquis sat quilhvo nac jay siyanamaclha quellhip. Olantipsic sat napatavo quellhip actomja apquilaoclha amorreos, cananeos, hititas, ferezeos, heveos najan jebuseos.

NÚMEROS 13:29

Ningvitac alhta Amalec apmolhama yoclhilhma Néguev. Apquileyvec alhta yoclhilhma nitnoc inquilhe Heteo apmolhama najan Jebuseo apmolhama najan Amorreo apmolhama. Apquileyvec alhta Canaán apmolhama nicja yingmin acvanyam najan yoclhilhma nicja vatsam — nic nat apquiltomjac.

NÚMEROS 34:6

Nicja yoclhilhma payjoc actalhningvamlha acnim acvisay yingmin Mediterráneo.

DEUTERONOMIO 1:7

Elsavojo apquilnatam quellhip, elyas sat inquilhe apquileyvomaclha amorreos najan yoclhilhma nipyava maa: yoclhilhma Arabá acma inquilha, najan amyip acvanyam maa, najan acvisay Néguev, najan nicja yingmin acvanyam, najan apquileyvomaclha cananeos, najan inquilhe Líbano acvaycmo vatsam acyivey Eufrates.

DEUTERONOMIO 3:25

Nomyov nasa lhip ovomjoc tap vatsam Jordán. Altamjo inyicje otac yoclhilhma actamila anco najan inquilhe Líbano — alhta actomjac coo.

DEUTERONOMIO 4:49

Acvaycmo ilhnic nat yoclhilhma Arabá, vatsam Jordán actiyapmaclha acnim. Acvaycmo ilhnic nat mocjam Mar Rojo, ningiltimem Yingmin Apac Acvanyam. Ningatoc maa inquilhe acvinatem acvisay Pisga.

DEUTERONOMIO 7:1

Aptomjac nic nat Moisés apquilanya: —Dios Visqui ingac enaliclhac sat quellhip yoclhilhma alhnancoc. Eltimjic sat apancaoc quellhip yoyam elhnam. Elantipsacpoc sat actomja apquilaoclha siete naciones enlhitaoc appintalhnama najan apquilyimnatem. Apquilvisay enlhitaoc hititas, najan gergeseos, najan amorreos, najan cananeos, najan ferezeos, najan heveos najan jebuseos.

JOSUÉ 1:15

acvocmo acnim apnayclha apnaymacoc. Colhojoc sat apnayclha quellhip ayinyema Dios. Eltimjic sat apancaoc yoclhilhma apmescama Dios. Natamin eltajojo sat mocjam quellhip actomjaclha yoclhilhma apancaoc. Ayinyema alhta Moisés, Dios apquilancam apmescama quellhip, jalip vatsam Jordán acpayjo actiyapmaclha acnim. Eltimjic sat quellhip apancaoc as yoclhilhma — nic nat aptomjac Josué.

JOSUÉ 1:4

Ayenmo sat cotnejic yoclhilhma actamopeycaoc acvocmo inquilhe Líbano najan acvocmo vatsam acyivey Eufrates. Acyovoclhojo apquilaoclha enlhitaoc heteos acvocmo yingmin acvanyam actalhningvamlha acnim. Cotnejic sat quellhip yoclhilhma apancaoc.

JOSUÉ 10:23

Apquilyajaclhoc nic nat israelitas. Apquilantipcasquic nic nat mataymong avalhoc apquilviscaa co Jerusalén, co Hebrón, co Jarmut, co Laquis, co Eglón.

JOSUÉ 11:17

Ayenmo inquilhe Halac, acyitnama payjoc Seir, acvaycmo Baal-gad yoclhilhma Líbano, payjoc acyitnama inquilhe Hermón. Apquilnapquic nic nat Josué apyovoclhojo apquilviscaa as yoclhilhma.

JOSUÉ 13:5

Incaymalhquic yoclhilhma apquileyvomaclha giblitas, najan yoclhilhma Líbano, payjoc actiyapmaclha acnim, ayenmo Baal-gad inquilhe Hermón, acvaycmo tingma Hamat.

JOSUÉ 15:12

Nelha intomjac yoclhilhma actalhningvamlha acnim yingmin acvanyam Mediterráneo. Eycaso navayc najan nicja yoclhilhma apancaoc tribu apquilmolhama Judá. Apquillhocac nic nat clanes apquilmolhama Judá.

JOSUÉ 22:4

Apsovjoc Dios Visqui ingac aplhanma mepqui apyeycajascaoc quilhvo nac jay. Mepqui amyaa apquilnapomacpilha nipyesicsa apnaymacoc apquilmolhama. Eltajiclha sat quellhip apquilinyemayaclha, yoclhilhma najan tingma apancaoc apmescama alhta siclho Moisés, apquillhoy quellhip vatsam Jordán, payjoc actiyapmaclha acnim.

JOSUÉ 22:7

Apquillhocac nic nat yoclhilhma apquilmolhama media tribu Manasés, payjoc yoclhilhma Basán. Apquillhocac nic nat poc apquilmolhama media tribu Manasés, payjoc vatsam Jordán actalhningvamlha acnim. Apquilmalhnescasquic nic nat Josué, apquilapajasa apnaymacoc eltajiclha yoclhilhma Basán.

JOSUÉ 23:4

Alyacyesquic alhta sicmaycam sicas, yoyam olyipsitic yoclhilhma sicmilasictem. Elhnam sat moclhama apquilmolhama tribu, ayenmo vatsam Jordán acvaycmo yingmin acvanyam Mediterráneo. Najan maa yoclhilhma melvoycamlha mocjam quellhip.

JOSUÉ 24:11

Apquilmilanquic alhta quellhip vatsam Jordán. Apquilvocmec alhta tingma Jericó. Apquilnapacpec alhta co Jericó, apquilvisay: amorreos, ferezeos, cananeos, hititas, gergeseos, heveos, jebuseos. Actimescasquic alhta apquilyimnatem quellhip.,

JOSUÉ 3:10

Aptomjac nic nat mocjam: Elyasamcojo quellhip. Dios Apyimtalhnamo apna nipyesicsa quellhip. Elantipsic sat yoclhilhma enlhitaoc cananeos apquilvocmo sat quellhip, najan enlhitaoc heteos, najan heveos, najan ferezeos, najan gergeseos, najan amorreos najan jebuseos.

JOSUÉ 3:17

Apquilsovquic nic nat sacerdotes yamit aysicsic. Apca'nam nic nat naysicsa vatsam acyamac'aclha. Apsovjacpoc nic nat enlhitaoc apquiltamac'a acyamac'aclha nalhit vatsam.

JOSUÉ 5:1

Apquillingac nic nat amyaa apquilviscaa enlhitaoc amorreos apquileyvam nicja vatsam acpayjo actalhningvamlha acnim. Apquillingac nic nat amyaa apquilviscaa cananeos apquileyvam nicja yingmin acvanyam. Apquillingac nic nat actemaclha Dios apyamascama yingmin vatsam Jordán napatavo enlhitaoc Israel. Apquiljalhtipilhquitquic nic nat aplhamoclhojo. Intiyacmec nic nat apquilvalhoc apquillinga amyaa. Inmasquec nic nat apquilyimnaa.

JOSUÉ 6:27

Aplhalhma ilhnic nat Josué Dios Apyimtalhnamo. Inlingalhquic nic nat apvisay Josué lhalhma anco.

JOSUÉ 9:7

Apquilatingmavoc nic nat enlhitaoc Israel: —Quitoc lhaja apquilinyemayaclha quellhip. ¿Co la actema, yoyam ongillana pacto actemaclha ningmiyovmalhca? — nic nat apquiltomjac.