JOSUÉ 7:2 - Enhlit Bible

² Apcapajasquic nic nat José napocja enlhit apnaycam tingma Jericó. Apquilanyacpec nic nat elpeyvojo tingma Haí. Payjoc tingma Betel nicja actiyapmaclha acnim. Ningatoc nic nat tingma Bet-avén. Apquilyilhacpoc nic nat elyasamcojo apquiltemaclha tingma Haí.

JOSUÉ 7:2 Iomraidhean Croise

GÉNESIS 12:8

Apmiyaclhec nic nat tap tingma Betel actiyapmaclha acnim. Apvoclhec nic nat inquilhe acvinatem. Apquillanac nic nat carpa appaclhanma. Apyitnec nic nat tingma Betel acpayjo actalhningvamlha acnim. Apyitnec nic nat tingma Hai acpayjo actiyapmaclha acnim. Apquillanac nic nat mocjam Abram apvatnamaclha yoyam epamejitsic Dios Apyimtalhnamo.

GÉNESIS 28:19

Apquiltimec nic nat as amyip acvisay Luz, ningiltimem ayimjaclha yamit acma acyilhna. Apquiltimec nic nat acvisay Jacob as amyip Betel, ningiltimem Dios tingma pac.

1 REYES 12:29

Appiquinquic nic nat lhama quilaycmasquiscama tingma Betel. Moc nic nat appiquenac tingma Dan, yoyam elpayicsojo mataa enlhitaoc.

NEHEMÍAS 11:31

Apquilnaclhec alhta apquilmolhama Benjamín payjoc Geba, Micmas, Aía, Betel, najan tingma nipyava maa.

PROVERBIOS 20:18

Ongilpamejitsalhcojoc mataa actemaclha plan, yavamlha ontimjic sat. Avanjec mataa apquilpamejitsomap actemaclha plan, elimpocjac sat cotnaja ingmoc.

PROVERBIOS 24:6

Apquilpamejitsacpec mataa enlhit, yavamlha elnapacpoc. Ayinyema eyca apquilyascamco apanco, eltimjic apquilyimnatem.

ISAÍAS 10:28

Elinyemac sat cotnaja ingmoc tingma Rimón, elvoclhac sat tingma Ajat, elmilanic sat tingma Migrón, eljalhyovacsic sat apquilnatam tingma Micmas.

JEREMÍAS 49:3

¡Quellhip co Hesbón, elyapcalhaoc quellhip ayinyema aptovasomap tingma Hai! ¡Coliclhangvom sat quellhiya quilvanaa co Raba! ¡Eltingya sat apava actemaclha acmayovsa apquilvalhoc! ¡Elticpam sat apnenyaoc! ¡Elinyajaoc sat malha ayanem! ¡Elyimsas apyimpeoc! Comalhcac sat quilaycmasquiscama Milcom, najan sacerdotes najan enlhit mayayo, colhic sat acnalaclho mocjay.

OSEAS 4:15

Quellhip enlhitaoc Israel, apquilsilhnanacpec apanco quellhip apquiltemaclha apquilanatama. Quellhip enlhitaoc Judá, noelvajanaoc nasa apquiltemaclha maa. Noeltingya nasa acyitnamaclha quilaycmasquiscama payjoc Gilgal najan netin inquilhe Bet-avén. Noellhen nasa apvisay Dios naysicsa apquilyimnatescama apquilpayvam.

SAN MATEO 10:16

Aptomjac alhta mocjam Jesús: —¡Quip elanojo quellhip! Pac olapajacsic quellhip malha nipquesic naysicsa asoc navjac aclom. Eltamilsojo sat apquilvalhoc eltimjic malha nimisma. Noelovquis nasa apquilvalhoc, eltime sat malha valhaay.

EFESIOS 5:15

Eltamilsacpojo apanco quellhip naysicsa apquileyvam. Noellhojo nasa enlhit melyascamco. Eltime sat quellhip apquilyascamco.

JOSUÉ 12:9

Eycaso apquilvisay nic nat apquilviscaa apquilmomap: apvisqui co Jericó, apvisqui co Haí ningatoc Betel.

JOSUÉ 18:12

Ayenmo vatsam Jordán payjoc nilhqueyja, acyascama tingma Jericó payjoc nilhqueyja, acyascama inquilhe alvinatem, payjoc actalhningvamlha acnim acvaycmo yoclhilhma actamopeycaoc, payjoc tingma Bet-avén.

JOSUÉ 2:1

Apnam nic nat enlhitaoc amyip acvisay Sitim. Apcapajasquic nic nat Josué apcanit enlhit yoyam elyilhacpojo eltiyaningvomjo yoclhilhma. Aptomjac nic nat Josué apquilanya: —Noc maa, eltiyaningvomjo yoclhilhma najan tingma Jericó — nic nat aptomjac. Apquillhinquic nic nat. Apquilvoclhec nic nat tingma ac quilvana alanatama acvisay Rahab. Apnatiyanvocmec nic nat maa.

JOSUÉ 7:3

Apquilvoctac nic nat mocjam apnaclha Josué, apquiltomja apquilanya: Jave ningyovoclhojo, yoyam ongilimpocjac tingma Haí. Apquilvamlha dos mil acvaycmo tres mil ingnaymacoc ellana quimpocjacme. Apcanito cotnaja ingmoc, yoyam jingilinmelham — nic nat apquiltomjac.

1 SAMUEL 13:5

Apcaneclhec nic nat filisteos elnapacpoc sat israelitas. Inquilyipsatalhquic nic nat treinta mil carros najan seis mil nolhing apcapaoc. Najan enlhit nalhapaoc mongmovan ongilyipsitic. Apquilmiyaclhec nic nat tingma Micmas. Apquillanac nic nat carpa tingma payjoc Bet-aven, nicja actiyapmaclha acnim.

1 SAMUEL 14:23

Apquilnapacpec nic nat acvaycmo tingma Bet-avén. Apquilyimnatem nic nat israelitas ayinyema Dios.

1 SAMUEL 30:27

Apcapajasquic nic nat apmescama nasa David ellhovamcoc tingma Betel, najan tingma Ramot yoclhilhma Néguev, najan tingma Jatir.