JOSUÉ 7:11 - Enhlit Bible

¹¹ Apquilsilhnanacpec apnaymacoc israelitas. Apquiltovasquic ningilpamejitsomalhca pacto ningmiyovmalhca. Apquilposquic moclhama asoc sicmasmaclha, apquilanyomap alhta enatovacsic asoc. Apquilsilhnanacpec apanco, ayinyema siclho apquilminyilhma. Acyiplomo apquilposcama naysicsa apquilnatam.

JOSUÉ 7:11 Iomraidhean Croise

2 REYES 18:12

Eycaso ayinyema ilhnic nat apquilsilhnanomap enlhitaoc Israel apquilinmelhaycam Dios. Apnatovasquic nic nat aplhanma Dios pacto actemaclha ningmiyovmalhca. Am nic nat elyiplovcasac mataa apcanamaclha Dios, aplingascama Moisés, aptomja ilhnic nat Dios apquilancam.

2 REYES 5:24

Apquilvoclhec nic nat netin inquilhe. Apmec nic nat asoc Giezi. Apposquic nic nat congne tingma pac. Apcanayquic nic nat eltajojoc mocjam singilpilhtetemo.

ISAÍAS 24:5

Ayinyema alhta enlhit apquilsilhnanomap apanco, am alhta elyiplovcasac singanamaclha najan singascamaclha najan pacto ningmiyovmalhquilha ayinyema Dios Visqui ingac.

JEREMÍAS 31:32

Moc actemaclha sat cotnejic pacto ningmiyovmalhca. Am nat colhno nipyesicsa apquilyeyjamcaa sicyinyovquiscama nat yoclhilhma Egipto, sicnalayquinta maa. Am nat elyiplovcasac pacto ningmiyovmalhca, sictimem nat Visqui apancaoc. Nasoc sicpayvam sicvisay Dios.

OSEAS 6:7

Apnatovasquic alhta mataa pacto ningmiyovmalhca. Apquilvatsamquic enlhit ajancaoc, apno ilhnic nat Adán (natingma Adán).

LEVÍTICO 5:15

Apvitacpec sat ancoc enlhit apsilhnanomap mepqui apyascamco aptovascama singanamaclha Dios. Incaymalhquic etingya aptoscama nipquesic apquitcoc mepqui acmasom apyimpejic, cotnejic sat macmescama Dios acyanmongam apsilhnanomap apanco. Colhic sat acyitquisa acvamlha acyanmongam plata as nipquesic apquitcoc. Coyitsalhcac sat acyanmongam ayinyema carpa apponquinomap, apquilmam tacja acyanmongam ningilsilhnanomalhca inganco.

HABACUC 2:6

Elinmelham sat enlhitaoc apquilasmesa apquiltemaclha apquilimpocjay. Eltimjic sat apquilpayvam: Quellhip layi apquilansayclha apquilnatam cotnaja apancaoc apquilnatam. ¿Co sat acvam elvatsamcoc quellhip apquilansayclha apquilnatam cotnaja apancaoc? — sat eltimjic.

ZACARÍAS 5:4

Nasoc appayvam Visqui apyimtalhnamo, aptomjac alhta: Ongvapajacsic sat as singanamaclha tingma pac apminyilhma najan tingma pac apyinimquiscama, acno apmopvan amyaa. Comasquejec sat maa sicpayvam acyimtalhnama, acvaycmo tingma apyanina, najan yamit najan mataymong coyaninic sat — alhta aptomjac.

SAN MATEO 22:21

Apquilatingmavoc alhta enlhitaoc: —Apvisqui apanco —alhta apquiltomjac. Aptomjac alhta mocjam Jesús: —Elmesiclha apvisqui asoc actomja apancaoc. Elmesiclha Dios Ingyapam asoc actomja apancaoc —alhta aptomjac.

LOS HECHOS 5:9

Yejemoc alhta apcatingmavo Pedro: —¿Soctomja acvajaneclho nac atava, yoyam coyipconic Espíritu apanco Visqui ingac? Ca incolanojo, apquilvoctac apatong tingma quilyimnanic apquilatongna lhac atava. Quilhvoc sat colhic acyasquisa lhiya lha —alhta aptomjac.

DEUTERONOMIO 17:2

Apvitacpec sat ancoc natingma enlhit apsilhnanomap apanco najan quilvana acsilhnanomalhca anco.

HEBREOS 4:13

Aclhamoclhojo asoc nic nat apquillanay Dios. Aclhamoclhojo asoc acnaycaoc ayalhnaclhojo napato Dios. Paj lhama asoc acyilhomalhca napato Dios. Incaymalhquic ongilatingmojo singilmalhneclho sat Dios.

JOSUÉ 7:1

Apnec nic nat Judá apmolhama apvisay Acán. Apyap nic nat apvisay Carmi. Apyata nic nat apvisay Zabdi. Apyeyjamcaa ilhnic nat apvisay Zara. Yitnec nic nat asoc apposcama Acán. Malha asoc ayamosilha. Copvanquejec enlhit etnejic apanco asoc ayasomalhca apmasmaclha Dios. Esilhnanacpoc apanco enlhit. Apcanama siclhoc nic nat Dios, colhic actovasa moclhama asoc. Apvitac nic nat apquilsilhnanomap enlhitaoc Dios. Inlovquic nic nat apvalhoc Dios.

JOSUÉ 7:10

Apcatingmavoc nic nat Dios: —Itnimiclha netin. ¿So actomja yi apyitnama nalhpop?

JUECES 2:20

Aplovquic nic nat Dios, aptomja apquilanya: Am jelilyajaclhoc mataa as enlhitaoc. Apquiltovasquic mataa pacto ningmiyovmalhca, ningiltomja ilhnic nat ningilpamejitsomalhca apquilyeyjamcaa.

1 SAMUEL 14:38

Aptomjac nic nat Saúl apquilanya: —Elmiyama jilip, quellhip apquilviscaa singilpilhtetemo. Elyipcon sat ayinyemayaclha ningilsilhnanomalhca.