JOSUÉ 4:9 - Enhlit Bible

⁹ Apquicjesquic nic nat Josué doce mataymong naysicsa vatsam acpayjo apcanamcaclha sacerdotes apquilsom yamit aysicsic. Yitnec nic nat maa mataymong acvocmo ningvamlha nac jay.

JOSUÉ 4:9 Iomraidhean Croise

GÉNESIS 26:33

Apquiltimec nic nat Isaac acvisay as yamilquit “Seba”, moc ningiltimem “Ninlhanmaclha mepqui ningilyeycajascaoc”. Apquiltimec nic nat apvisay as tingma Beerseba acvocmo quilhvo nac jay.

GÉNESIS 28:18

Inquitsacac nic nat. Alhtooc anco nic nat aplhaticja Jacob. Apmec nic nat mataymong aptiyanmeycaoc alhtaa. Apquinimcasquic nic nat netin yoyam cotnejic asoc monquinatquiscama. Apyanquincaac nic nat navá mataymong olivo yingmenic.

2 SAMUEL 4:3

Apquilinyajamquic nic nat co Beerot, apquilpalhavocmo Gitaim, apquileyvomaclha as ningvamlha nac jay.

1 REYES 18:31

Apquilansaclhec nic nat doce mataymong Elías, acno apquilvamlha ilhnic nat Jacob apmolhama. Ayinyema ilhnic nat Dios aptimesquiscama Jacob apvisay Israel.

2 CRÓNICAS 5:9

Ajolhec nic nat yamit ningilmaycam travesaños, acvaycmo alhancoc Santo apponquinomap, ningatoc aplhancoc Santísimo apponquinomap. Am nic nat colvitalhcac maa. Yitnec nic nat mataa maa, acvaycmo acnim actalhesomalhca as vaycajac.

ÉXODO 24:12

Aptomjac nic nat Dios Apyimtalhnamo apcanya Moisés: —Jeyota sat lhip ayitsicsic inquilhe. Ilha sat siclho. Olmesic sat lhip mataymong nicja actalhesomalhca siyanamaclha najan siyascamaclha. Lhip sat elhicmocsic enlhitaoc Israel — nic nat aptomjac Dios.

ÉXODO 28:21

Acyovoclhojo doce mataymong, ayinyema apquilvisay doce apquitquic Israel. Colhic sat alcajasa lhama mataymong alyinmom lhama apvisay actemaclha monquinatquiscama, acvaycmo doce tribus.

SAN MATEO 27:8

Eycaso ayinyema acvisay amyip “Ema Amyip”.

SAN MATEO 28:15

Yejemoc alhta apquilma solyayem singilpilhtetemo. Apquilyajaclhoc alhta actomjaclha apquilanyomap eltimjic. Inlingalhquic alhta as amyaa nipyesicsa judíos. Inlhenalhquic as amyaa mataa acvocmo as ningvamlha nac jay.

DEUTERONOMIO 34:6

Innec nic nat ayatoyna payjoc alvata yoclhilhma Moab, ningatoc Bet-peor. Mepqui apyascamco lhama enlhit as ningvamlha nac jay apcatoynamacpilha Moisés.

JOSUÉ 24:26

Apnatalhosquic nic nat vaycajac acvisay singanamaclha ayinyema Dios. Apquinimcasquic nic nat acyivey mataymong coning yamit, tingma apponquinomap.

JOSUÉ 4:10

Apquilsovquic nic nat sacerdotes yamit aysicsic acyitnamaclha Dios appayvam. Apcanam nic nat naysicsa vatsam. Invocmec nic nat aclhamoclhojo actemaclha Dios appayvam apcanama Josué yoyam eltimnacsic enlhitaoc. Invocmec nic nat actemaclha Moisés appayvam apcanama Josué. Apquilpecjasquic nic nat enlhitaoc. Apquiljalhtipilhquitquic nic nat vatsam.

JUECES 1:26

Apmiyaclhec nic nat as enlhit nipyesicsa hititas. Apquillanac nic nat tingma apvanyam apjalhnancoc, apquiltimec nic nat apvisay Luz, acvaycmo as ningvamlha nac jay.

1 SAMUEL 30:25

(Apquilyiplovcasquic mataa israelitas as ningvamlha nac jay).

1 SAMUEL 7:12

Apquinimcasquic nic nat mataymong acyivey Samuel, nipyesicsa tingma Mizpa najan tingma Sen. Apquiltimec nic nat acvisay Eben-ezer, moc ningiltimem: Singilpasmom Dios. Ingilpasmec mataa Dios acvaycmo quilhvo nac jay — nic nat aptomjac Samuel.