JOSUÉ 4:10 - Enhlit Bible

¹⁰ Apquilsovquic nic nat sacerdotes yamit aysicsic acyitnamaclha Dios appayvam. Apcanam nic nat naysicsa vatsam. Invocmec nic nat aclhamoclhojo actemaclha Dios appayvam apcanama Josué yoyam eltimnacsic enlhitaoc. Invocmec nic nat actemaclha Moisés appayvam apcanama Josué. Apquilpecjasquic nic nat enlhitaoc. Apquiljalhtipilhquitquic nic nat vatsam.

JOSUÉ 4:10 Iomraidhean Croise

SALMOS 119:60

Acpecjesam alhta coo, am alhta opoctacmoc sicyiplovquiscama singanamaclha.

ÉXODO 12:39

Apquilpayesquic nic nat sepo yompac apquilyelaquiscama alhta siclho yoclhilhma Egipto. Mepqui apquimpascaoc nic nat apquilpayasac. Am nic nat elpenasoc aptoycaoc yicpintama apquillhingam apquilantipsomap yoclhilhma Egipto.

PROVERBIOS 27:1

Mongvanquejec ongillhenic asoc alyivey, yoyam ongillana secaseclha. Paj ongilyasamcoc yavamlha cotnejic secaseclha.

ECLESIASTÉS 9:10

Pac ongilvascapoc mocjam ningillanay asoc ningilanyomalhca ongillana. Ningatoynalhquic sat ancoc actomjaclha nelha acnim, comascoc sat ningiltamjaycam, najan aclhanma ingilvalhoc, najan acyascamco ingvalhoc, najan ningyicpilquemo.

ISAÍAS 28:16

Yitnec alhta appayvam Visqui ingac: Opquinic sat tingma Jerusalén lhama mataymong acmamnave, silyacyescama coo. Acvisay tingma apvajac tajescamaclha mongmovan ontovacsic. Yitnec maa talhamavo: Emyovacpoc sat enlhit aptomja meyasquiyam Visqui ingac — intomjac maa.

2 CORINTIOS 6:2

Intomjac nic nat Dios appayvam actalhesomalhca: Acjalhnoc coo lhip acvamlha acnim actamila. Acpasmec coo lhip acvamlha acnim ningilvomsomalhquilha tap —nic nat aptomjac Dios. Quip elaylhojo ingilyalhinga: Invocmec quilhvo nac jay acnim actamila. Invocmec quilhvo nac jay acnim ningilvomsomalhquilha tap.

DEUTERONOMIO 31:9

Aptalhosquic nic nat Moisés as vaycajac singanamaclha Dios. Apquillhocac nic nat as vaycajac sacerdotes najan levitas, apquilpatmayclha mataa yamit aysicsic acyitnamaclha Dios appayvam. Apquillhocac nic nat apquilvanyam nipyesicsa Israel.

JOSUÉ 24:11

Apquilmilanquic alhta quellhip vatsam Jordán. Apquilvocmec alhta tingma Jericó. Apquilnapacpec alhta co Jericó, apquilvisay: amorreos, ferezeos, cananeos, hititas, gergeseos, heveos, jebuseos. Actimescasquic alhta apquilyimnatem quellhip.,

JOSUÉ 3:13

Esovc sat sacerdotes yamit aysicsic actomja apanco Dios Apyimtalhnamo as nalhpop. Apquiltamac'ac sat ancoc sacerdotes yingmin vatsam Jordán, coyaptalhcac sat nalhit yingmin. Nitnoc sat coytic yingmin moc nicja ayinyemayaclha yingmin — nic nat aptomjac Josué.

JOSUÉ 4:11

Apsovjacpoc nic nat enlhitaoc apquiljalhtipilhquitma vatsam. Apquilimjamquic nic nat sacerdotes apquilsovm yamit aysicsic. Apquilvitac nic nat aplhamoclhojo enlhitaoc.

JOSUÉ 4:9

Apquicjesquic nic nat Josué doce mataymong naysicsa vatsam acpayjo apcanamcaclha sacerdotes apquilsom yamit aysicsic. Yitnec nic nat maa mataymong acvocmo ningvamlha nac jay.