JOSUÉ 3:3 - Enhlit Bible

³ Apquiltomjac nic nat apquilanya: —Elimpiclhac sat apquilmamyi levitas sacerdotes apquilsovm yamit aysicsic acyitnamaclha Dios appayvam. Elimpiclha sat quellhip lha, elyiplov sat.

JOSUÉ 3:3 Iomraidhean Croise

2 SAMUEL 6:13

Apquillhinquic nic nat acvocmo seis apyayjem apquiltomja apquilsayclha yamit aysicsic acyitnamaclha Dios appayvam. Yejemoc nic nat apcaja vayqui yamquilvana apvisqui David najan vayqui ayitcoc. Aptimec nic nat actemaclha macmescama Dios.

2 SAMUEL 6:3

Apquilvoclhec nic nat arca yamit aysicsic Abinadab tingma pac netin inquilhe. Apquilalhimcasquic nic nat carro alhnancoc. Abinadab apquitquic Uza najan Ahio apquiltomja aplhinquiscama carro alhnancoc.

1 REYES 8:3

Apquilvoctac nic nat aplhamoclhojo apquilimja apmamyi enlhitaoc Israel. Apquilsovquic nic nat sacerdotes yamit aysicsic acyitnamaclha Dios appayvam.

JEREMÍAS 33:18

Eltimjic sat mataa sacerdotes, apquilvisay Leví aptovana niptamin. Eltingyac sat mataa macmescama Dios holocaustos malvatnama talha, najan macmescama nintom, yoyam colhic seyaco, najan apquilnapma apnatoscama macnalayquinta — alhta aptomjac.

NÚMEROS 10:33

Apquilyinyovquic nic nat inquilhe apanco Dios, apquilyiplayclha amay acvaycmo tres días. Apquilpatmaoclhec nic nat apquilmamyi yamit aysicsic acyitnamaclha Dios appayvam. Apquilvitac nic nat apquillovquiscamaclha apquilyampay.

NÚMEROS 4:15

Elpenacsojoc sat apquilalascama apquilmaycam Aarón najan apquitquic, elsavojoc sat asoc, yoyam elimpiclhac sat mocjam. Apquilanyacpec Coat aptovana elmiyantac apnaclha Aarón, yoyam elpatmaoclha sat as asoc alalomalhca. Colapvanquejec elmongvomoc lhama asoc acponquinomalhca, elitsapoc sat quilhvo. Apquiltimesaycam Coat apquilmolhama yoyam elpatmaoclhac sat apyovoclhojo carpa apponquinomap najan apquilmaycam.

SAN MATEO 16:24

Aptomjac alhta Jesús apquilanya apquiltamsoycaoc: —Apquiltamjoc sat ancoc jeyiplovjo enlhit, incaymalhquic yoyam memyovacpoyc apanco. Epatmiclhac sat apanco appatmeycam malha asoc timyescama, seyiploycam mataa.

SAN MATEO 8:19

Yejemoc alhta apvaa lhama apyascamco apquiltemaclha. Aptomjac alhta apcanya: —Singillhicmoscama, pac oyiplovjoc lhip mataa apyasaclha —alhta aptomjac.

DEUTERONOMIO 31:25

Aptomjac nic nat Moisés apquilanya levitas apquilsoycam yamit aysicsic acyitnamaclha Dios appayvam:

DEUTERONOMIO 31:9

Aptalhosquic nic nat Moisés as vaycajac singanamaclha Dios. Apquillhocac nic nat as vaycajac sacerdotes najan levitas, apquilpatmayclha mataa yamit aysicsic acyitnamaclha Dios appayvam. Apquillhocac nic nat apquilvanyam nipyesicsa Israel.

JOSUÉ 3:4

Elyasamcojoc sat quellhip amay apquilyasaclha. Am elvoyac mocjam quellhip as amay. Noeltajanyiclhojo nasa yamit aysicsic acyitnamaclha Dios appayvam. Apquilmamyi sat apquilsovm, malha un kilometro sat cotnejic apquilvamlha mataa quellhip — nic nat apquiltomjac.

JOSUÉ 3:6

Aptomjac nic nat Josué apquilanya sacerdotes: —Elimpiclha sat apquilmamyi. Elsov sat yamit aysicsic acyitnamaclha Dios appayvam — nic nat aptomjac. Apquilquimpaclhec nic nat apquilmamyi. Apquilsovquic nic nat yamit aysicsic acyitnamaclha Dios appayvam.

JOSUÉ 3:8

Apquilsovquic mataa yamit aysicsic sacerdotes. Itne sat elanic sacerdotes: Apquiltamac'ac sat ancoc yingmin nicja vatsam Jordán, yejemoc sat eltama quellhip — nic nat aptomjac.

JOSUÉ 4:10

Apquilsovquic nic nat sacerdotes yamit aysicsic acyitnamaclha Dios appayvam. Apcanam nic nat naysicsa vatsam. Invocmec nic nat aclhamoclhojo actemaclha Dios appayvam apcanama Josué yoyam eltimnacsic enlhitaoc. Invocmec nic nat actemaclha Moisés appayvam apcanama Josué. Apquilpecjasquic nic nat enlhitaoc. Apquiljalhtipilhquitquic nic nat vatsam.

JOSUÉ 6:6

Nun apquitca ilhnic nat Josué. Apquevam nic nat Josué aplhamoclhojo sacerdotes. Aptomjac nic nat apquilanya: —Elsov sat yamit aysicsic acyitnamaclha Dios appayvam. Elma sat apquilpayvascama nipquesic apquipitaoc siete sacerdotes. Elsov sat apquilmamyi apquilpayvascama — nic nat aptomjac.

EL APOCALIPSIS 14:4

Am alhta elanoc quilvana as enlhitaoc, paj najan apquilyipitcaycam quilvana. Malha mepqui apnatamcaa as enlhitaoc. Apquilyiplaclhec mataa apyasaclha Nipquesic Apquitcoc. Apyinyovquic alhta acyanmongam Dios yoyam elvomsacpoc tap as enlhitaoc. Malha asoc amamyi macmescama Dios najan macmescama Nipquesic Apquitcoc alhta as enlhitaoc.

1 SAMUEL 6:15

Apquilliquic nic nat levitas yamit aysicsic acyitnamaclha Dios appayvam. Apquilpiquinquic nic nat netin mataymong acyivey. Najan maa alhancoc acyitnaclha asoc alyinmom oro. Apcaneclhec nic nat co Bet-semes as acnim. Apquilajac nic nat apnatoscama actemaclha macmescama Dios, najan actemaclha aptoycaoc apquilpasmeyquiclha.