JOSUÉ 3:10 - Enhlit Bible

¹⁰ Aptomjac nic nat mocjam: Elyasamcojo quellhip. Dios Apyimtalhnamo apna nipyesicsa quellhip. Elantipsic sat yoclhilhma enlhitaoc cananeos apquilvocmo sat quellhip, najan enlhitaoc heteos, najan heveos, najan ferezeos, najan gergeseos, najan amorreos najan jebuseos.

JOSUÉ 3:10 Iomraidhean Croise

GÉNESIS 15:21

najan enlhit amorreos najan enlhitaoc cananeos najan enlhitaoc gergeseos najan enlhitaoc jebuseos— nic nat aptomjac Dios.

1 REYES 22:28

Aptomjac nic nat mocjam Micaías: Nasoc sat ancoc ongvitac lhip mepqui apmatnam, am conyemac lhac Dios siclingascama coo — nic nat aptomjac profeta.

2 REYES 19:4

Aplingac alhta Dios amyaa aplhanma co Asiria, apvisqui apcasinancama. Aptomjac alhta apvenneycam Dios Apyimtalhnamo. Aplingac alhta, eyanmongsiclhac sat aptemaclha appayvam Dios Apyimtalhnamo. Lhip Isaías, ilmalhnesquis ingnaymacoc apquilaymomap — alhta aptomjac visqui ingac — nic nat apquiltomjac apquilapajasomap.

1 CRÓNICAS 1:14

Canaán aptovana niptamin nic nat jebuseos, najan amorreos, najan gergeseos,

SALMOS 42:2

Avanjec aclhanma evalhoc Visqui ingac aptomja apyimnatescama ingnenyaoc. ¿Co sat acvam ovoclhac apnaclha Visqui ingac?

SALMOS 9:16

Apvitacpec alhta Visqui ingac actemaclha apyicpilquemo. Apmacpec apanco quiljanma enlhit apmapsom.

ÉXODO 17:7

Apquiltimec nic nat acvisay Apquilinmelhaycam, hebreo appayvam Meriba. Najan acvisay nic nat Apquilyipconma Enlhitaoc hebreo appayvam Masah. Apquiltomjac nic nat apquilpamejitsacpo: —¿Apne ya ningyesicsa Dios Apyimtalhnamo? —Paj lhaja — nic nat apquiltomjac.

ÉXODO 3:8

Acvaac coo yoyam olvomsic tap nipyesicsa co Egipto. Olyinyovsic sat yoclhilhma Egipto. Onalaclhac sat acyov'aclha yoclhilhma acyitnamaclha leche najan apquimjaclha yovjan. Apcaoclha enlhitaoc cananeo najan enlhitaoc heteo najan amorreo najan ferezeo najan heveo najan enlhitaoc jebuseo.

ÉXODO 33:2

Ongvapajacsic sat lhama ángel siyasinancama aplhingam apmamyi. Elantipsic sat actomja apquilaoclha cananeos, najan amorreos, najan hititas, najan ferezeos, najan heveos, najan jebuseos.

ISAÍAS 7:14

Visqui ingac sat conyemac asoc monquinatquiscama: —Quip elaylhojo. Inlovsoc sat cotnejic quilvana mepqui ayitcoc. Cotimsic sat ayitca apquinavo. Cotnejic sat apvisay Emanuel (ningiltimem: Dios singilpalhavoy).

JEREMÍAS 10:10

Apnec nincoo Dios Visqui ingac mengyitsepma, aptomja nasoc anco, aptomja Visqui apyimtalhnamo cotmongvoycamlha nelha. Copilhyinamoc sat as nalhpop, acyitna inlhojo aplom pac Dios, elmasquingvomoc sat apyovoclhojo enlhit.

OSEAS 1:10

Ellhamiclhac nanoc sat apquilmolhama Israel, mongmovan ongilyipsitic. Comascoc sat apquilpayvam: Metnaja enaymacoc quellhip — sat cotnejic. Etnejic sat Dios Apyimtalhnamo: Quellhip nac eyitquic, sicvisay Dios momasquingvoyam — sat etnejic.

NÚMEROS 13:29

Ningvitac alhta Amalec apmolhama yoclhilhma Néguev. Apquileyvec alhta yoclhilhma nitnoc inquilhe Heteo apmolhama najan Jebuseo apmolhama najan Amorreo apmolhama. Apquileyvec alhta Canaán apmolhama nicja yingmin acvanyam najan yoclhilhma nicja vatsam — nic nat apquiltomjac.

SAN MATEO 16:16

Apcatingmavoc alhta Simón Pedro: —Lhip nac Cristo, Dios apquilmilaneycaoc Apquitca —alhta aptomjac.

SAN JUAN 6:69

Mongilyascacmoc nincoo, ningyasamcoc najan aptomja lhip Cristo, Dios apponquinomap —alhta aptomjac.

DEUTERONOMIO 31:17

Olvoc sat coo, oyanmongsiclhac sat apquiltemaclha apancaoc. Olyinyoc sat apyovoclhojo enlhitaoc, mopasmejec sat mataa, elmasquingvomoc sat maa. Ellingamcojoc sat acyimtalhnama, sat eltimjic ellhenic: Eycaso ninlingaycamco acyimtalhnama ayinyema singyamasma Dios — sat eltimjic.

DEUTERONOMIO 5:26

Paj lhama enlhit comopvan ingyeylhojo appayvam apanco Dios apyimnatem, ayinyema naysicsa talha acvanyam, acno ninlingay alhta nincoo. Aplingac sat ancoc enlhit, quilhvoc sat ingyitsapoc.

DEUTERONOMIO 7:1

Aptomjac nic nat Moisés apquilanya: —Dios Visqui ingac enaliclhac sat quellhip yoclhilhma alhnancoc. Eltimjic sat apancaoc quellhip yoyam elhnam. Elantipsacpoc sat actomja apquilaoclha siete naciones enlhitaoc appintalhnama najan apquilyimnatem. Apquilvisay enlhitaoc hititas, najan gergeseos, najan amorreos, najan cananeos, najan ferezeos, najan heveos najan jebuseos.

DEUTERONOMIO 7:21

Noela nasa quellhip, aplhalhma quellhip Dios Apyimtalhnamo najan Apyimnatem.

1 TESALONICENSES 1:9

Ningillhenalhquic nincoo nipyesicsa enlhitaoc maa actemaclha alhta singilmam tacja quellhip. Inlhenalhquic actemaclha apquilhaycaoc quellhip quilaycmasquiscama apquilyitquiscama Dios. Najan actemaclha apquilyanmonquiscama apquilvalhoc quellhip yoyam elanam Dios aptomja apquilmilaneycaoc najan aptomja nasoc anco.

HEBREOS 10:31

Acyiviy anco sat cotnejic apquilay enlhitaoc naysicsa yoyam elmoc Dios aptomja apquilmilaneycaoc yoyam eyanmongsiclha apquiltemaclha apancaoc.

JOSUÉ 11:3

Najan maa cananeos payjoc actiyapmaclha acnim najan actalhningvamlha acnim, najan maa amorreos, najan hititas, najan ferezeos, najan jebuseos payjoc inquilhe alvinatem, najan heveos payjoc inquilhe Hermón, payjoc yoclhilhma Mizpa.

JOSUÉ 12:8

Najan inquilhe alvinatem, najan amyip acvanyam, najan alvata Jordán, najan yoclhilhma actamopeycaoc, najan yoclhilhma Néguev. Apquileyvomaclha ilhnic nat hititas, najan amorreos, najan cananeos, najan ferezeos, najan heveos, najan jebuseos.

JOSUÉ 21:45

Inlhamoc nic nat aplhanma Dios mepqui apyeycajascaoc, yoyam ellhovamcoc actamila anco enlhitaoc Israel. Apsovjoc nic nat Dios aplhanmaclha, am nic nat coyeycajalhcac lhama appayvam.

JOSUÉ 22:31

Aptomjac nic nat Finees, sacerdote Eleazar apquitca apquilanya: — Ningilyasingvocmec quilhvo nac jay singilpasmom Dios Visqui ingac. Am alhta elsilhnanaacpoc apanco quellhip actemaclha apquilinmelhaycam Dios quellhip. Singmasma nincoo Dios Visqui ingac, monlingamquejec sat acyimtalhnama ayinyema Dios Visqui ingac — nic nat apquiltomjac.

JOSUÉ 24:11

Apquilmilanquic alhta quellhip vatsam Jordán. Apquilvocmec alhta tingma Jericó. Apquilnapacpec alhta co Jericó, apquilvisay: amorreos, ferezeos, cananeos, hititas, gergeseos, heveos, jebuseos. Actimescasquic alhta apquilyimnatem quellhip.,

JOSUÉ 3:9

Aptomjac nic nat Josué apquilanya enlhitaoc: —Elyipitcangvomjo quellhip. Elaylhojo sat actomjaclha appayvam Dios.

JOSUÉ 9:1

Inlingalhuqic nic nat amyaa apquilyimnatem apanco enlhitaoc Israel. Apquillingac nic nat apquilviscaa, najan amorreos, najan cananeos, najan ferezeos, najan heveos, najan jebuseos. (Apquileyvec nic nat as apquilviscaa vatsam, payjoc actalhningvamlha acnim. Najan payjoc inquilhe alvinatem, najan payjoc amyip acvanyam, najan nicja yingmin acvanyam Mediterráneo acvaycmo yoclhilhma Líbano.)

1 SAMUEL 17:26

Aptomjac nic nat David apquilanya apnaymacoc: —¿Jalhco sat cotnejic enlhit aptomja apcajem as enlhit filisteo apvinatem? Yoyam emascocsic actemaclha singilvenneycam ningilvisay israelitas. ¿Soc lha enlhit aptema nac lha filisteo mepqui asoc monquinatquiscama apyimpejic? ¿Soctomja singilvennamcaa ningiltomja singilpilhtetemo apancaoc Dios apquilmilaneycaoc? — nic nat aptomjac David.

1 SAMUEL 26:6

Apquilpamejitsacpec nic nat David najan Ahimelec hitita, najan Abisai, apyap nic nat Sarvia, apyalhing nic nat Joab. Aptomjac nic nat David apquilanya: —¿Soc sat aplhalhma, ontiyaningvomjoc sat Saúl najan apnaymacoc? — nic nat aptomjac. —Coo sat siclhalhma — nic nat aptomjac Abisai.