JOSUÉ 23:1 - Enhlit Bible

¹ Apvanacmec nic nat Josué. Mepqui ilhnic nat apquilimpocjay cotnaja ingmoc aclhamaclhojo años, ayinyema Dios.

JOSUÉ 23:1 Iomraidhean Croise

GÉNESIS 25:8

Apquitsepquic nic nat aptomja apvanyam apanco. Appalhavocmec nic nat apquilyeyjamcaa apquilmasquingvaycmo nano.

1 REYES 1:1

Apvanacmec nic nat apvisqui David, aptomjayclho apvanyam apanco. Mepqui ilhnic nat actamila apyimpejic, eyquey nic nat mataa, apcalacpo inlhojo manto pac.

1 CRÓNICAS 23:25

Aptomjac nic nat apvisqui David: Dios Visqui ingac alhta singmescama as yoclhilhma yoyam onlhic. Tingma Jerusalén elhic sat Dios congne tingma apponquinomap.

1 CRÓNICAS 27:1

Eycaso ilhnic nat vaycajac acnatalhesomalhca apquilvisay apyapmayc apquilmolhama najan singilpilhtetemo apquilviscaa: batallones, najan compañías, najan apvisqui David apquilasinancama. Apquilanyacpec nic nat doce grupos singilpilhtetemo, yoyam eltimesam mataa lhama piltin moclhama grupo, apquilvisay división. Veinticuatro mil singilpilhtetemo ilhnic nat lhama grupo división. Eycaso ilhnic nat apquilvisay singilpilhtetemo apquilviscaa mayayo:

2 CRÓNICAS 14:1

Apquitsepquic nic nat Abiam, apcatoynacpec nic nat Tingma David, moc apvisay Jerusalén. Aptimesacpec nic nat apquitca Asa, etnejic apvisqui apya'monquiscama apyap ninga. Mepqui ilhnic nat apquilnapomacpilha acvaycmo diez años.

2 CRÓNICAS 14:5

Aptovasquic nic nat acyitnamaclha quilaycmasquiscama najan altares alvatnamalhquilha moclhama tingma apquilvanyam apquileyvomaclha co Judá. Am nic nat elnapacpoc mataa naysicsa aptimem apvisqui Asa.

2 CRÓNICAS 20:30

Mepqui ilhnic nat mocjam apquilimpocjay cotnaja ingmoc nipyava co Judá, naysicsa aptimem apvisqui Josafat.

SALMOS 46:9

Apquilvatescasquic apquilnapomap enlhitaoc lhalhma anco as nalhpop. Apquilintasquic mataa yanca apancaoc najan sovjeva. Apquilvatneclhec carro apancaoc naysicsa apquilnapomap.

ISAÍAS 63:14

Malha ninatoscama aleyvam yingman. Apnalaclhec nic nat Dios espíritu apanco. Lhip Dios Apyimtalhnamo aptomja apnalayclha apnaymacoc enlhitaoc. Colhic sat ayaco lhip apvisay cotmongvoycamlha nelha.

DEUTERONOMIO 31:2

—Invocmec ciento veinte años sictiyascam coo. Mepqui mocjam sicyimnatem coo, yoyam otyisam. Aptomjac alhta Dios seyanya coo: Copvanquejec lhip emilanic vatsam Jordán — alhta aptomjac.

JOSUÉ 11:23

Apsovjoc nic nat Josué apmam yoclhilhma lhalhma anco, acno apcanama siclho Dios Visqui ignac apcanyacpo Moisés. Yiplovcoc nic nat apmilasictem yoclhilhma nipyesicsa tribus apquilmolhama Israel. Eltimjic sat apancaoc moclhama yoclhilhma. Am nic nat ellanac mocjam quimpocjacme lhalhma anco.

JOSUÉ 13:1

Apvanacmec nic nat Josué. Aptomjac nic nat Dios Visqui ignac apcanya: —Apvanacme nac lhip, am esovjac mocjam apmam lhip aclhamoclhojo yoclhilhma apquileyvomaclha cotnaja ingmoc.

JOSUÉ 21:44

Aplhenquic nic nat Dios mepqui apyeycajascaoc, yoyam colhic actamilaycam apquilvalhoc. Am nic nat elimpocjac mocjam enlhitaoc lhalhma anco. Am nic nat elyimnac mataa cotnaja ingmoc, apquilyimnatem apanco ilhnic nat mataa israelitas ayinyema Dios Visqui ingac.

JOSUÉ 22:4

Apsovjoc Dios Visqui ingac aplhanma mepqui apyeycajascaoc quilhvo nac jay. Mepqui amyaa apquilnapomacpilha nipyesicsa apnaymacoc apquilmolhama. Eltajiclha sat quellhip apquilinyemayaclha, yoclhilhma najan tingma apancaoc apmescama alhta siclho Moisés, apquillhoy quellhip vatsam Jordán, payjoc actiyapmaclha acnim.

1 SAMUEL 12:2

Actingyascasquic as apvisqui apjalhnancoc, elanic sat mataa quellhip. Sicvanyam coo quilhvo nac jay. Apnam eyitquic nipyesicsa quellhip. Coo alhta silapajascama mataa quellhip ayenmo sictemaclha eyitcoc, acvaycmo as ningvamlha nac jay.