JOSUÉ 17:4 - Enhlit Bible

⁴ Inquilmiyaclhec nic nat apnaclha sacerdote Eleazar najan apnaclha Josué najan apnamcaclha ningayo. Inquiltomjac nic nat alanya: Apcanama alhta Dios Visqui ingac apcanyacpo Moisés, yoyam jingilmecsic yoclhilhma, acno apquillhoy mataa tata apquilmolhama — alhta aptomjac Dios — nic nat inquiltomjac. Am nic nat emyavac Josué. Inquillhocac nic nat yoclhilhma acno inquilyap apquilmolhama, acno apcanama ilhnic nat Dios Visqui ingac.

JOSUÉ 17:4 Iomraidhean Croise

NÚMEROS 27:1

Innam nic nat enlhit apquitquic quilvanaa, nipyesicsa tribu apquilmolhama Manasés. Alvisay nic nat quilvanaa: Maala, Noa, Holga, Milca, Tirsa. Inquilyap nic nat Zelofehad, alyeyjamcaa ilhnic nat Hefer, najan Galaad, najan Maquir, najan Manasés, najan José.

NÚMEROS 27:4

Am ongiltamjoc nincoo, yoyam comascoc apvisay apanco tata ninga nipyesicsa apquilmolhama, ayinyema mepqui apquitca apquinavo. Jingilmes sat nincoo amyipayc nipyesicsa apquilmolhama tata ninga apquilyalhinga — nic nat inquiltomjac quilvanaa.

NÚMEROS 36:10

Inquilyajaclhoc nic nat quilvanaa Zelofehad apquitquic, alvisay: Maala, najan Tirsa, najan Hogla, najan Milca, najan Noa. Inquilyiplovcasoc nic nat Dios appayvam aplingascama Moisés. Inquilyimjapquic nic nat mataa inyaja apquitca, ningiltimem inyipma.

GALATAS 3:28

Quilhvoc ningiltomja ningilanalhco ninpasmeyquiclha Cristo Jesús. Colhenalhquejec mocjam apvisay judío najan apvisay enlhit lhalhma anco najan apvisay apquilancam apmomap najan apvisay metnaja apmomap najan apvisay enlhit najan acvisay quilvana.

JOSUÉ 14:1

Eycaso ilhnic nat yoclhilhma Canaan apquillhoy israelitas eltimjic apancaoc. Sacerdote Eleazar najan Josué najan apquilyapmayc apquilmolhama Israel apquiltomja ilhnic nat apquilmilasictem.

JOSUÉ 17:5

Apquillhocac nic nat tribu apquilmolhama Manasés diez yoclhilhma, mocjam moc yoclhilhma acvisay Galaad, najan Basán, payjoc Jordán actiyapmaclha acnim.

JOSUÉ 21:1

Apquilmiyaclhec nic nat tingma Silo yoclhilhma Canaán apyapmayc apquilmolhama Leví. Apquililtamjoc nic nat elpamejitsic sacerdote Eleazar najan Josué najan apquilayo apquilmolhama Israel. Apquiltomjac nic nat apquilanya: Aptomjac siclhoc alhta Dios Visqui ingac apcanya Moisés, colhic sat singmesa tingma apquilvanyam, yoyam onlhic. Colhic sat singmesa amyipayc piquetes aleyvomaclha ninatoscama — nic nat apquiltomjac.