JOSUÉ 16:10 - Enhlit Bible

¹⁰ Apnam nic nat cananeos tingma Gezer, am nic nat elantipsacpoc. Apquilmiyovquic nic nat co Efraín. Apquilanyacpec nic nat cananeos eltimesam maa, elyinyoc mataa acyanmongam tributo. Apnam nasa mocjam as ningvamlha nac jay.

JOSUÉ 16:10 Iomraidhean Croise

1 REYES 9:15

Eycaso actemaclha apcanama apvisqui Salomón, yoyam eltimesam enlhitaoc, ellanac tingma apponquinomap, najan tingma apmaclha apvisqui rey, najan terraplén mayicjescama lhopactic, najan mataymong apjalhtam tingma Jerusalén. Najan maa tingma apquilvanyam: Hazor, Meguido najan Gezer. Eycaso ayinyema ilhnic nat apvisqui Salomón:

1 REYES 9:16

Apquilvaac nic nat co Egipto apvisqui faraón apquilimpocjay tingma Gezer. Apquilvatnec nic nat talha tingma. Apquilnapquic nic nat apyovoclhojo cananeos as tingma. Apmasquic nic nat apquitca quilvana, elhcac apvisqui Salomón, etnejic aptava.

1 REYES 9:21

Apquiltomja aptovana niptamin apquilmomap nano mepqui apticyovam, apquilanyomap eltimesam acvaycmo as ningvamlha nac jay.

2 CRÓNICAS 8:8

Apquilvisay nic nat aptovana niptamin metnaja israelitas, melantipsomap nic nat as yoclhilhma. Apquilanyacpec nic nat eltimesam mataa, acvaycmo acnim actalhesomalhca as vaycajac.

JOSUÉ 10:33

Apquilamyilhamquic nic nat apvisqui co Gezer najan apnaymacoc, yoyam elpasmiclha elmeyvoc tingma Laquis. Apquilimpocjac nic nat Josué najan apnaymacoc. Apticyovquic nic nat maa, am nic nat ingyaymacpoc lhama.

JOSUÉ 15:63

Am nic nat elantipsacpoc jebuseos apnamcaa tingma Jerusalén. Am nic nat colapvancaa elantipsic apquilmolhama Judá. Apquilpalhcomap mocjam as ningvamlha nac jay tingma Jerusalén.

JOSUÉ 16:9

Apquillhocac nic nat co Efraín napocja tingma apquilvanyam najan poc tingma, apquillhoy siclho apnaymacoc tribu Manasés.

JOSUÉ 17:12

Am nic nat eltomjac apancaoc as tingma apquilvanyam apquilmolhama Manasés, ayinyema ilhnic nat apquilinmelhaycam cananeos.

JOSUÉ 17:13

Aplhameclhec nic nat israelitas, apquiltomjayclho apquilyimnatem. Apquilanyacpec nic nat israelitas elyinyoc solyayem acyanmongam tributo. Am nic nat elantipsacpoc maa cananeos.

JUECES 1:29

Am nic nat colapvancaac apquilmolhama Efraín elantipsic cananeos tingma Gezer actomja apquilaoclha. Apquilpalhcac nic nat maa cananeos nipyesicsa apquilmolhama Efraín.