JOSUÉ 12:8 - Enhlit Bible

⁸ Najan inquilhe alvinatem, najan amyip acvanyam, najan alvata Jordán, najan yoclhilhma actamopeycaoc, najan yoclhilhma Néguev. Apquileyvomaclha ilhnic nat hititas, najan amorreos, najan cananeos, najan ferezeos, najan heveos, najan jebuseos.

JOSUÉ 12:8 Iomraidhean Croise

GÉNESIS 10:17

najan heveos najan araceos najan sineos,

GÉNESIS 12:9

Apquimpaclhec nic nat mocjam Abram. Apvocmec nic nat yoclhilhma Néguev.

GÉNESIS 13:7

Apquilnapacpec nic nat mataa apquiltamilquiscama Abram apnatoscama najan apquiltamilquiscama Lot apnatoscama. Apquileyvec nic nat maa enlhitaoc cananeos najan ferezeos.

ÉXODO 23:23

Malha apvisqui etnejic sat ángel siyasinancama enaliclha quellhip apquilaoclha amorreos, najan hititas najan ferezeos, najan cananeos, najan heveos, najan jebuseos. Omascoscomoc sat apyovoclhojo enlhitaoc maa.

ÉXODO 3:8

Acvaac coo yoyam olvomsic tap nipyesicsa co Egipto. Olyinyovsic sat yoclhilhma Egipto. Onalaclhac sat acyov'aclha yoclhilhma acyitnamaclha leche najan apquimjaclha yovjan. Apcaoclha enlhitaoc cananeo najan enlhitaoc heteo najan amorreo najan ferezeo najan heveo najan enlhitaoc jebuseo.

DEUTERONOMIO 7:1

Aptomjac nic nat Moisés apquilanya: —Dios Visqui ingac enaliclhac sat quellhip yoclhilhma alhnancoc. Eltimjic sat apancaoc quellhip yoyam elhnam. Elantipsacpoc sat actomja apquilaoclha siete naciones enlhitaoc appintalhnama najan apquilyimnatem. Apquilvisay enlhitaoc hititas, najan gergeseos, najan amorreos, najan cananeos, najan ferezeos, najan heveos najan jebuseos.

DEUTERONOMIO 9:1

Aptomjac nic nat Moisés: —Quip elaylhojo quellhip apquilmolhama Israel. Invaac acnim, yoyam elmilanic quellhip vatsam Jordán. Eltajanyac sat metnaja apquiltemolhama apquilyimnatem apanco najan apquilyimtalhnamo, am elhno quellhip. Elvitac sat tingma apquilvanyam acma apjalhtam nitno.

JOSUÉ 10:40

Apquillanac nic nat quimpocjacme Josué najan apnaymacoc yoclhilhma lhalhma anco. Apquilnapquic nic nat apquilviscaa payjoc inquilhe alvinatem, payjoc Néguev, payjoc amyip acvanyam, payjoc yingmin acvanyam. Apsovjoc nic nat apquilnapma, am nic nat ingyaymacpoc lhama. Acno apcanama ilhnic nat siclho Dios Visqui apancaoc Israel.

JOSUÉ 11:16

Apsovjoc nic nat Josué apmam yoclhilhma inquilhe alvinatem, yoclhilhma Néguev, yoclhilhma Gosén, yoclhilhma najan alvata Jordán, najan acyovoclhojo inquilhe alvinatem najan amyipayc enlhitaoc Israel.

JOSUÉ 3:10

Aptomjac nic nat mocjam: Elyasamcojo quellhip. Dios Apyimtalhnamo apna nipyesicsa quellhip. Elantipsic sat yoclhilhma enlhitaoc cananeos apquilvocmo sat quellhip, najan enlhitaoc heteos, najan heveos, najan ferezeos, najan gergeseos, najan amorreos najan jebuseos.

JOSUÉ 9:1

Inlingalhuqic nic nat amyaa apquilyimnatem apanco enlhitaoc Israel. Apquillingac nic nat apquilviscaa, najan amorreos, najan cananeos, najan ferezeos, najan heveos, najan jebuseos. (Apquileyvec nic nat as apquilviscaa vatsam, payjoc actalhningvamlha acnim. Najan payjoc inquilhe alvinatem, najan payjoc amyip acvanyam, najan nicja yingmin acvanyam Mediterráneo acvaycmo yoclhilhma Líbano.)

JUECES 1:9

Natamin apquilimpocjac nic nat nipyesicsa cotnaja ingmoc cananeos, apquileyvomaclha ilhnic nat inquilhe alvinatem, najan yoclhilhma Néguev, najan amyip acvanyam.