JOSUÉ 11:12 - Enhlit Bible

¹² Apquilnasoc nic nat apnatovascama moclhama tingma apquilpasmeyquiclha cotnaja ingmoc. Apmatnec nic nat maa apvisqui, innec nic nat actovasa apyovoclhojo tingma, acno ilhnic nat apcanama Moisés Dios apquilancam.

JOSUÉ 11:12 Iomraidhean Croise

DEUTERONOMIO 7:2

Dios Apyimtalhnamo etnesquisic apquilyimnatem quellhip. Elmacpoc sat cotnaja ingmoc, enatovasacpoc sat. Noelmiyov nasa quellhip, noelimlimojo nasa cotnaja ingmoc, elsavojo sat apquilnapma. Noelpamejitsacpojo nasa (pacto) actemaclha mepqui ningilnapomalhca (actemaclha ningmiyovmalhca).

DEUTERONOMIO 9:3

Elyasamcojo sat quellhip. Apmamyi aplhingam sat etnejic Dios Apyimtalhnamo, enaliclhac sat quellhip. Elhojoc sat talha acvanyam enatovacsic cotnaja ingmoc. Elilhpansic sat quellhip, elyinyovsic sat actomja apquilaoclha, cotlapsic sat elvita. Acno ilhnic nat aplhanma Dios yavamlha cotnejic.

JOSUÉ 10:20

Apticyovquic nic nat aplhamoclhojo amorreos cotnaja ingmoc, apquilnapma ilhnic nat Josué najan apnaymacoc israelitas. Apquilyilhanmec nic nat cotnaja ingmoc tingma apquilvanyam apancaoc.

JOSUÉ 10:28

Apquilimpocjac nic nat Josué najan apnaymacoc as acnim tingma Maceda. Aptovasacpec nic nat tingma apyovoclhojo. Apsovjoc nic nat apticyovam, am nic nat ingyaymacpoc lhama. Apmatnec nic nat apvisqui co Maceda, acno apmatnam siclho apvisqui co Jericó.

JOSUÉ 10:30

Apmacpec nic nat apvisqui maa najan apyovoclhojo tingma, ayinyema Dios Visqui ingac. Am nic nat ingyaymacpoc lhama. Apmatnec nic nat apvisqui co Libna, acno apmatnam siclho apvisqui co Jericó.

JOSUÉ 10:32

Invocmec nic nat anit acnim apquilsovjoc apquilmam tingma Laquis. Apquilnasoc nic nat tingma Libna. Apquilsovjoc nic nat apquilnapma enlhitaoc najan apnatoscama.

JOSUÉ 10:35

Apquilmec nic nat apyovoclhojo tingma as acnim. Apquilnasoc nic nat apquilnapma as tingma, acno siclhoc nic nat apquilnapma tingma Laquis.

JOSUÉ 10:37

Apquilmec nic nat apyovoclhojo tingma. Apquilnasoc nic nat apquilnapma apvisqui najan enlhitaoc najan apnatoscama, najan apquileyvam nipyava tingma, acno siclhoc nic nat apquilnapma tingma Eglón.

JOSUÉ 11:13

Am nic nat elvatnac talha tingma apyitnama netin inquilhe, apvamlha tingma Hazor.

JOSUÉ 11:15

Apcanyacpec nic nat Moisés ayinyema Dios Visqui ingac. Apcanyacpec nic nat Josué ayinyema apcanama Moisés. Apquilyajaclhoc nic nat Josué mepqui apyeycajascaoc apcanamaclha.

JOSUÉ 13:6

Olantipsic sat sidonios napatavo enlhitaoc Israel najan apquileyvam inquilhe alvinatem, ayenmo Líbano acvaycmo Misrefot-maim. Lhip Josué, imlasic sat lhip yoclhilhma ellhovamcoc enlhitaoc Israel, acno siyanama alhta siclho.,

JOSUÉ 21:44

Aplhenquic nic nat Dios mepqui apyeycajascaoc, yoyam colhic actamilaycam apquilvalhoc. Am nic nat elimpocjac mocjam enlhitaoc lhalhma anco. Am nic nat elyimnac mataa cotnaja ingmoc, apquilyimnatem apanco ilhnic nat mataa israelitas ayinyema Dios Visqui ingac.

JOSUÉ 8:31

Acno ilhnic nat apcanama, yoyam elvajanamcoc israelitas. Acno ilhnic nat aclhanma actalhesamalhca singanamaclha Moisés: Ellana sat mataymong anco ningvatnamaclha, mayayo Dios — nic nat aptomjac. Apquilajac nic nat apnatoscama macmescama Dios acyanmongam melyascalhma. Najan moc nic nat macmescama Dios, actemaclha singasicjayclha.

JOSUÉ 8:8

Elvit sat talha apyovoclhojo tingma, acno alhta apcanama Dios. Vamlha sicpayvam siyanama — nic nat aptomjac Josué.

JOSUÉ 9:24

Apquilatingmavoc nic nat napato Josué: —Ningilacac alhta nincoo onticyoc nipyesicsa quellhip. Ningyasamcoc alhta Dios Visqui apancaoc apcanama Moisés, yoyam ellhovamcoc quellhip yoclhilhma ningileyvomaclha, yoyam onticyoc ningyovoclhojo.