JONÁS 4:9 - Enhlit Bible

⁹ Apcatingmavoc nic nat Dios Apyimtalhnamo: —¿So actomja yi? ¿Apvanqui ya lhquip elvoc, apvita inlhojo yamit acyamamco? — nic nat aptomjac. Apcatingmavoc nic nat Jonás: —Eje, evanquic olvoc, evanquic coo ongvitsapoc — nic nat aptomjac.

JONÁS 4:9 Iomraidhean Croise

1 REYES 21:4

Aptajaclhec nic nat apvisqui Acab naysicsa acmayovsa apvalhoc, ayinyema aplingay Nabot appayvam, aplhanma amyip comopvan eyinyoc, ayinyema apquilyeyjamcaa. Apyitnaclhec nic nat apyitnamaclha, coyacmo inlhojo etac lhama asoc, coyacmoc nic nat etoc aptom.

JOB 18:4

Lhip Job, avanjec aclom apvalhoc lhip, malha yoyam cotniclhac sat yoclhilhma actamopeycaoc, najan malha colhnanmoc sat mataymong acvinatem, coyinyoc ayimjaclha.

JOB 36:18

Ingyavojo, noilov nasa lhip. Memyovacpejec sat lhip ayinyema apyamasma acyivey acyanmongam.

JOB 5:2

Avanjec lhip aplom ayajem, acno aptemaclha apanco enlhit acyeyjamelhma.

JONÁS 4:1

Am nic nat colcac apvalhoc Jonás, apvita aptomjaclha Dios Apyimtalhnamo. Aplovquic nic nat Jonás.

JONÁS 4:10

Aptomjac nic nat Dios Apyimtalhnamo apcanya Jonás: —Am alhta ecniclhac lhip yamit alyava ava. Am alhta ingyictincasac lhip as yamit. Inquictinquic alhta lhama alhtaa. Inquitsepquic alhta moc alhtaa. Ayovsec lhip apvalhoc apvita inlhojo.

JONÁS 4:8

Natamin actiyapma ilhnic nat acnim apcapajasa Dios Apyimtalhnamo alhcajayam acyiplomo acmajat. Acnim nic nat incajac Jonás, inmasquec nic nat apyimnaa. Inlhenquic nic nat apvalhoc ingyitsapoc. —Intasi, inyicje siyitsepma, am colhno sictiyascam mocjam — nic nat aptomjac Jonás.

SAN MATEO 26:38

Aptomjac alhta Jesús apquilanya: —Ayovsec evalhoc coo, malha yoyam ongvitsapoc. Elhnam siclhoc asi, elilmalhnam sat quellhip lha —alhta aptomjac.

2 CORINTIOS 7:10

Yitnec sat ancoc acyitnocjayo ingvalhoc actemaclha apmayjayoclha Dios, coyiplovjoc sat ningyanmonquiscama ingvalhoc yoyam ongilvomsalhcac tap. Coyitnocjejec sat mataa ingvalhoc ningiltomja ningyanmonquiscama ingvalhoc. Moc actemaclha mataa acyitnocjayo apquilvalhoc enlhit lhalhma anco, yiplovcoc mataa actemaclha ningitsepma.

EL APOCALIPSIS 9:6

Eliltamjoc sat inyicje elitsapoc quilhvo as enlhitaoc, colapvanqueje eyca elitsapoc. Melitsepejec sat naysicsa apquillingaycamco acmasca.

JUECES 16:16

Inquilinlhanacmec nic nat Dalila almalhnaycam moclhama hora. Incastinquic nic nat Sansón actemaclha alinlhanyam quilvana. Inlhenquic nic nat apvalhoc ingyitsapoc.