JONÁS 4:3 - Enhlit Bible

³ Dios Apyimtalhnamo, imascos sat lhip sictiyascam coo, ongvitsapoc sat co, nojemyov nasa coo — nic nat aptomjac Jonás.

JONÁS 4:3 Iomraidhean Croise

1 REYES 19:4

Aplhinquic nic nat Elías acyovoclhojo acnim, yoclhilhma actamopeycaoc nic nat apyasac. Apnacmec nic nat yamit ayitcoc. Inlhenquic nic nat apvalhoc ingyitsapoc. Intomjac nic nat apvalhoc: —Visqui ajac, Dios. Eyastinquic coo. Imascos quilhvo sicyimnatem. Apquiltasic nic nat sicyeyjamcaa, am olhnoc coo — nic nat intomjac apvalhoc.

ECLESIASTÉS 7:1

Actamila anco singayo, am colhno asoc acmasis ningatsisquiscama. Actamila anco acnim ningitsepma, am colhno acnim nintiyaycamlha.

ECLESIASTÉS 7:9

Incaymalhquic coytic actamilaycam ingvalhoc. Aclom apvalhoc aptemaclha apanco enlhit acyeyjamelhma.

JEREMÍAS 8:3

Elilhpansacpoc sat apquilaymomap enlhit apquilmapsomcaa, ayinyema siyilhpanquiscama lhalhma anco. Apquililtamjo inyicje elitsapoc maa, colapvanqueje eyca elitsapoc. Eycaso sicpayvam sicvisay Visqui apancaoc — alhta aptomjac.

JONÁS 4:4

Apcatingmavoc nic nat Dios Apyimtalhnamo: —¿Apvanqui ya lhquip elvoc? ¿So actomja yi? — nic nat aptomjac Dios Apyimtalhnamo.

JONÁS 4:8

Natamin actiyapma ilhnic nat acnim apcapajasa Dios Apyimtalhnamo alhcajayam acyiplomo acmajat. Acnim nic nat incajac Jonás, inmasquec nic nat apyimnaa. Inlhenquic nic nat apvalhoc ingyitsapoc. —Intasi, inyicje siyitsepma, am colhno sictiyascam mocjam — nic nat aptomjac Jonás.

NÚMEROS 11:15

Am sat ancoc jepasmac lhip, jeyaa sat yoyam ongvitsapoc naysicsa seyasicjayo lhip. Comascoc sat siclingaycamco acyimtalhnama — nic nat aptomjac Moisés.

NÚMEROS 20:3

Apquiltomjac nic nat: —Tasic alhta inyicje ongilitsapojoc lhama ingnaymacoc yoclhilhma actamopeycaoc, ayinyema alhta Dios.

1 CORINTIOS 9:15

Am alhta oltamjoc mataa olhcac asoc ayinyema quellhip. Am otalhoscasac quellhip as vaycajac yoyam jelmesic asoc ayaymalhca coo. Actamila anco actemaclha sictingyey ajanco asoc ajac, malha sicyimtalhnesomalhco ajanco. Pac omyoc actemaclha sictingyey ajanco asoc ajac, malha yoyam olnapalhca.