JONÁS 4:11 - Enhlit Bible

¹¹ Avanjec acmayovsa evalhoc coo sicvita inlhojo apyovoclhojo tingma Nínive, tingma apvanyam apanco. Apnam as tingma ciento veinte mil apquitcavoc (sicaa) najan aplhamoclhojo apnatoscama — nic nat aptomjac Dios Apyimtalhnamo.

JONÁS 4:11 Iomraidhean Croise

GÉNESIS 9:10

Colquinatsejec sat najan aclhamoclhojo asoc apnaycamo lhama quellhip, alantiyapma alhta barca yamit aysicsic: aclhamoclhojo nata najan ninatoscama najan asoc navjac najan aclhamoclhojo asoc aleyvam lhalhma anco.

SALMOS 104:14

Apquictincasquic lhip paat actomja actoycaoc ninatoscama. Apquictincasquic lhip ninganma amyip. Ongvitac sat acyilhna yoyam ontovamcoc.

SALMOS 36:6

Lhip aptemaclha appeyvomo, cotningvomeje nelha. Lhip singyicpilquemo, cotningvomeje nelha. Lhip aptamilquiscama enlhitaoc as nalhpop najan asoc navjac.

ISAÍAS 1:18

Aptomjac alhta mocjam Dios: —Jelyota quellhip, ongilyasamcojo sat actomja acpeyvomo. Inpaysacmoc sat ancoc apquilvalhoc quellhip ayinyema acyivey melyascalhma, cotnejic sat ayalhnayo apquilvalhoc, acmopoy sat cotnejic, malha mataymong anic. Cayjec sat ancoc apquilvalhoc ayinyema melyascalhma, cotamilam sat. Cotnejic sat malha nipquesic apva apmopoy.

ISAÍAS 37:37

Aptajaclhec nic nat apvisqui co Asiria Senaquerib, apnalaclho apquillhalhmaa apquilaymomap. Apnalaclhec nic nat tingma Nínive.

ISAÍAS 7:16

Amamyi apyasingvoyam apquitcoc actemaclha acmasom najan actemaclha actamila, cotnejic sat actovasomalhca yoclhilhma apancaoc. Ayinyema as apcanit apquilviscaa aptomja apquilminascama lhip quilhvo nac jay.

JONÁS 1:2

Noc maa, iyas sat tingma apvanyam apvisay Nínive. Ilngas sat amyaa, yoyam etvasacpoc sat apyovoclhojo tingma. Aclingac coo amyaa apquiltemaclha apancaoc apquilmapsomcaa — nic nat aptomjac Dios Apyimtalhnamo.

JONÁS 3:10

Apvitac nic nat Dios Apyimtalhnamo apquilyanmonquiscama moc apquilvalhoc co Nínive. Inlhenquic nic nat apvalhoc metvacsejec sat tingma, elmiyovacpoc sat apyovoclhojo.

JONÁS 4:10

Aptomjac nic nat Dios Apyimtalhnamo apcanya Jonás: —Am alhta ecniclhac lhip yamit alyava ava. Am alhta ingyictincasac lhip as yamit. Inquictinquic alhta lhama alhtaa. Inquitsepquic alhta moc alhtaa. Ayovsec lhip apvalhoc apvita inlhojo.

SAN MATEO 18:33

¿Soctomja mengyasicjavo nac lhip aptamjaycamo lhama, acno coo lha siyasicjayo lhip?” —ilhnic nat aptomjac.

DEUTERONOMIO 1:39

Apquilanem alhta quellhip, elmacpoc sat apquitquic nipyesicsa cotnaja ingmoc, najan quellhip apnatamcaa quilvanaa. Mepqui apquilsilhnanomap apanco apquitquic, eyca maa ellhovamcoc sat yoclhilhma alhnancoc, eltimjic sat apquileyvomaclha quellhip.