JONÁS 2:4 - Enhlit Bible

⁴ Inlhenquic alhta evalhoc seyamasma lhip Dios Apyimtalhnamo. Lhip tingma pac apponquinomap, motejec sat mocjam, lhaja.

JONÁS 2:4 Iomraidhean Croise

1 REYES 8:48

Coyiplovjoc sat nasoc anco apquilyanmonquiscama apquilvalhoc enlhitaoc apquilmomap apquileyvam cotnajaclha apquilaoclha. Coyiplovjoc sat apquililmalhnancama naysicsa apquilpayjeyquiclho tingma apponquinomap sillanay alhta coo najan tingma Jerusalén apponquinquiscama lhip najan yoclhilhma apquillhoy nat apquilyeyjamcaa.

1 REYES 9:7

Omascoscomoc sat aplhamoclhojo enlhitaoc Israel as yoclhilhma apquillhoy alhta apquilyeyjamcaa. Otvacsic sat as tingma apponquinomap acyitnamaclha sicvisay. Elasmacsic sat enlhitaoc lhalhma anco apquilvita sat apnatovasomap enlhitaoc Israel.

2 CRÓNICAS 6:38

Apquilyanmoncasquic sat ancoc apquilvalhoc apquilmomap apnaycam moc yoclhilhma, eltimjic sat apquililmalhnancama naysicsa apquillaneyo payjoc as tingma apponquinomap, apquillhoy nic nat apquilyeyjamcaa, apquilaneyo payjoc as tingma Jerusalén najan tingma sillanay alhta coo.

SALMOS 31:22

Intomjac alhta siclhoc evalhoc: —Sictanovmalhca mataa napato visqui ingac — alhta intomjac evalhoc. Inyiplovcoc alhta silmalhnancama. Apjalhnoc alhta lhip sicpayvam, malha silpalhamaycam actomjac coo.

SALMOS 42:8

Eyasicjavoc coo acnim anco Visqui ajac. Acminaycmasquic coo mataa alhtaa. Almalhnaquic coo mataa Visqui ingac aptomja apyimnatescama enquenyic.

SALMOS 5:7

Lhip aptomja seyasicjayo. Evanquic otlhic tingma apponquinomap. Actomjac coo siyayo lhip naysicsa sicpayescamo tingma apponquinomap.

SALMOS 88:6

Etimcasquic lhip malhic congne. Jalh olhma maa congne malhic.

SALMOS 88:7

Lhip ayinyema siclingaycamco acyimtalhnama. Malha lhip sevayvamquiscama congne yingmin acvanyam.

ISAÍAS 38:17

Inmasquec acmasca evalhoc najan eyimpejic, intamilaclhec evalhoc coo. Lhip aptomja seyasicjayclho mocjam, aptomja apmascoscama molyascalhma coo.

ISAÍAS 49:14

Apquiltomjac apquilpayvam co Jerusalén: Singyamasma Dios Visqui ingac, melhanma ningilvisay — apquiltomjac maa.

JEREMÍAS 15:1

Aptomjac alhta Dios Apyimtalhnamo seyanya coo: Mongvasicjiclhejec sat mocjam as enlhitaoc, sicvita inlhojo sicnaclha coo Moisés najan Samuel, yoyam jelmalhnesquisic. Ilapajas sat lhip apyovoclhojo enlhitaoc, jelyamyiclhac sat, elinyajaoc sat.

JEREMÍAS 7:15

Onatovacsic sat quellhip sicnaclha coo, acno sicnatovascama nanoc alhta apquilmolhama quellhip Efraín aptovana niptamin — alhta aptomjac Dios.

LAMENTACIÓNES 3:54

Avanjec alhta yingmin, acvaycmo eyispoc. Inlhenquic evalhoc ongvitsapoc maa.

EZEQUIEL 37:11

Aptomjac alhta mocjam Visqui ingac seyanya coo: Apquilyitsomacpo israelitas as apjapaoc, apquilitsepma siclho. Yitnec apquillhanma: Alyamay anco ingilhquipcoc nincoo, mepqui ninginamam, ningiltomja ningyinyovmalhca — apquiltomjac.

DANIEL 6:10

Aplingac nic nat amyaa Daniel singanamaclha alhnancoc ayinyema apvisqui rey. Aptajaclhec nic nat Daniel. Apliquic nic nat tingma apac atnaoc ayitcoc, apquilaneyo payjoc apcaoclha tingma Jerusalén. Apticlhiquic nic nat aptapnaoc Daniel, aptomja apcayo Dios Apyimtalhnamo. Apvajanamquic nic nat Daniel aptemaclha nano, etnejic apquilmalhnancama alhtoo, najan ingyitsicso acnim najan actalhnacmo.,

JONÁS 2:7

Inlhenquic alhta evalhoc lhip Dios Apyimtalhnamo naysicsa siyitsepma. Apjalhnoc alhta lhip silmalhnancama, apna lhip tingma pac apponquinomap.