JONÁS 2:2 - Enhlit Bible

² Aptomjac nic nat Jonás: Ayevam alhta lhip Dios Apyimtalhnamo naysicsa ayay evalhoc. Apjalhnoc alhta lhip silmalhnancama. Ayevam alhta lhip naysicsa siyitsepma. Apjalhnoc alhta lhip silmalhnancama.

JONÁS 2:2 Iomraidhean Croise

2 CRÓNICAS 33:12

Naysicsa aplingaycamco acyimtalhnama Manasés, aptomja apquilmalhnancama Dios, yoyam epasmoc. Apquillaneclhec nic nat apvalhoc napato Dios, Visqui apancaoc apquilyeyjamcaa.

SALMOS 116:3

Inquitlhincasquic alhta ongvitsapoc, malha yamtama seyaspom alhta intomjac. Ayacac alhta malhic yoyam ongvatoynalhca. Avanjec alhta siclingaycamco acmasca najan acyimtalhnama.

SALMOS 120:1

Almalhnaquic alhta Visqui ingac naysicsa siclingaycamco acyimtalhnama. Apjalhnoc alhta silmalhnancama.

SALMOS 16:10

Meyinyovejec sat lhip ejangaoc alyascamaclha ingjangaoc. Lhip aptomja seyacyescama (seponcanma). Cotjapejec sat sicyovoclhojo.

SALMOS 22:24

Am jingvennam mataa Visqui ingac naysicsa ninlingaycamco acyimtalhnama. Ingilanam mataa Visqui ingac. Apjalhnoc mataa naysicsa ningvíneycam.

SALMOS 34:6

Ayevam alhta coo Visqui ajac naysicsa siclingaycamco acyimtalhnama. Apmascosquic alhta actemaclha ayay evalhoc.

SALMOS 4:1

Dios Visqui ingac semasma coo. Ingyatingmojo siyevoycam lhip. (jeyatingmojo). Naysicsa ayay evalhoc, lhip aptomja aptamilquisquiyam evalhoc. Nojetanov nasa (jeyasicjojo) coo. Ingyeylhojo silmalhnancama.

SALMOS 61:2

Ayevam mataa lhip sicna mocjay anco as nalhpop. Mepqui sicyimnatem coo. Jelhnes sat netin mataymong acvinatem. Movanquejec ongvinamtic.

SALMOS 65:2

Apjalhnoc mataa lhip ningilmalhnancama. Apquilyocmec lhip enlhitaoc lhalhma anco.

SALMOS 86:13

Avanjec mataa lhip seyasicjayo semasma coo. Emyovquic alhta lhip (evomcasquic tap) acyitnaclha malhic (tacjalhop).

ISAÍAS 14:9

Pilapcasquic alhta nipyesicsa apquilmasquingvaycmo, inquilmec alhta tacja apquiljangaoc, alvita inlhojo lhip apjangaoc. Inquillhaticjac alhta apquiljangaoc alvisay pisquisca, najan apquiljangaoc apquilviscaa ninga, yoyam colmoc tacja, najan maa apyovoclhojo apquilviscaa ninga, alaneclho netin.

LAMENTACIÓNES 3:55

Lhip Visqui ingac, jelanojo sicna coo malhic congno.

EZEQUIEL 26:20

Elpalhavomoc sat quellhip nipyesicsa apnaycam alyascamaclha ingjangaoc, payjoc ayaptovnilha congno, elpalhavomoc sat quellhip nipyesicsa apquilmasquingvaycmo nano. Mellanacpejec sat mataa as tingma apvanyam aptovasomap.

EZEQUIEL 31:14

Cotalhquejec sat mocjam as nalhpop yamit acvinatem, acno as yamit. Cotalhquejec sat mataa yamit ayitsicsic, coticlhicvomoc sat yipjopay, ayimja inlhojo nicja yingmin, actomja ayictinquiscama. Colyatemenalhcac sat moclhama yamit, colpalhavomoc sat alyascamaclha ingjangaoc, apno enlhit apquilitsepma.

SAN MATEO 12:40

Natqui acnim najan natqui alhtaa ilhnic nat apma Jonás avalhoc yamquilasma. Sat colhojoc maa apvisay Aptiyam Aptomja Enlhit. Natqui acnim najan natqui alhtaa sat cotnejic apyitnama congne tacjalhop.

SAN LUCAS 11:10

Ningilmalhnaquic sat ancoc, ongillhovac sat. Ninquitamquic sat ancoc ongviticlhac sat. Ningilmalhnaquic sat ancoc, yoyam jinlicsic atong, colhic sat singliquisa atong —alhta aptomjac Jesús.

SAN LUCAS 22:44

Apyovsec alhta Jesús. Malha yoyam ongitsapoc alhta intomjac apvalhoc. Apyimnatasquic alhta apquilmalhnancama. Intiyacmec alhta apyimis nalhpop, malha ema actiyapma alhta intomjac.

LOS HECHOS 2:27

Meyinyovejec sat lhip ejangaoc nipyesicsa apquilmasquingvaycmo. Sictomja lhip apquilancam. Lhip alhta seponcanma. Mejeyinyovejec sat coo. Mengyojoyc sat otjapoc sicyovoclhojo.

HEBREOS 5:7

Aptiyasam alhta Cristo as nalhpop. Apquilmalhnaquic alhta mataa Dios actemaclha apvinama najan actemaclha apyimnatescama appayvam. Ayinyemaclha apvanquic alhta Dios evomsic tap naysicsa apquitsepma. Apquilyajaclhoc alhta Dios apquilmalhnancama Apquitca, ayinyema apquilyajayquiclho apmayjayoclha apyap.

1 SAMUEL 1:16

Nojetnesquis nasa sicmasom. Ajolhec lhac silmalhnancama, ayinyema acyivey aclingaycamco evalhoc — nic nat intomjac Ana.

1 SAMUEL 30:6

Avanjec nic nat aclom apquilvalhoc apquilvita apquillhalhmaa. Apcacac nic nat David ematong ayinyema apnaymacoc. Apquilquitamquic nic nat apnatamcaa najan apquitquic - paj elvitac. Inlhenquic nic nat apvalhoc David meyascamejec mataa Dios Apyimtalhnamo.