JONÁS 1:9 - Enhlit Bible

⁹ Apcatingmavoc nic nat Jonás: —Coo nac hebreo, sictomja siyayo Dios Apyimtalhnamo apna netin. Apquilantipquiscama ilhnic nat nalhpop najan yingmin acvanyam — nic nat aptomjac Jonás.

JONÁS 1:9 Iomraidhean Croise

GÉNESIS 1:10

Apquiltimec nic nat Dios acyamayoclhilhma acvisay “lhop” (lhopactic). Acyitnamaclha yingmin nic nat acvisay “yingmin acvanyam”. Apvitac nic nat Dios actemaclha actamila.

GÉNESIS 14:13

Apquiltimnascactac nic nat amyaa enlhit apquinyem apnaclha Abram. Hebreo ilhnic nat Abram. Tingma pac nic nat apquilimjaclha masit, acvisay Mamre amyip apanco. Amorreo ilhnic nat Mamre. Apyalhing nic nat apvisay Escol najan poc apvisay Aner. Apquilpasmeclhec nic nat mataa Abram.

GÉNESIS 24:7

Lhip sat eyantementac quilvana yoyam etnejic aptava Isaac. Dios Apyimtalhnamo netin aptomja seyinyovquiscama tata tingma pac najan siyaoclha. Aptomja aplhanma actomja nasoc anco yoyam ellhocac as yoclhilhma etovana aplhamoclhojo.

GÉNESIS 39:14

Yejemoc nic nat ayevamcaa enlhit apquiltimesaycam. Intomjac nic nat alanya: —Quip elanojo. Etava alhta aptomja apyantingvoyam as enlhit hebreo, aptomja yoyam jintovacsic nincoo. Eyav'ac lhac coo. Apquiltamjoc jepatjetamcoc coo. Inpayjam lhac ajatong coo.

2 REYES 17:25

Am nic nat eltomjac apquilayo Dios enlhitaoc apjalhnancaoc. Am nic nat elyasamcoc maa. Apquilapajasquic nic nat Dios yamacmeyva alnapma napocja enlhit.

2 REYES 17:28

Aptajavoc nic nat lhama sacerdote, apmomap siclho Samaria, yoyam elhniclha mocjam tingma Betel. Apquillhicmosquic nic nat actemaclha eltimjic apquilayo Dios.

ESDRAS 1:2

Eycaso sicpayvam sicvisay Ciro, sictomja apvisqui yoclhilhma Persia: — Aclhoc'ac coo aclhamoclhojo yoclhilhma lhalhma anco ayinyema Dios apna netin. Aptomjac apcanem yoyam ollanac tingma apponquinomap natingma Jerusalén nipyesicsa enlhitaoc Judá.

ESDRAS 5:11

Apquiltomjac alhta singilanya: —Ningiltomjac ningilayo Dios apyimtalhnamo, apquillanay nic nat netin najan as nalhpop. Ningillaneclhec nincoo tingma apponquinomap, siclhoc nat apquillanay lhama visqui apyimtalhnamo nipyesicsa enlhitaoc Israel.

NEHEMÍAS 1:4

Inyitnocjavoc alhta evalhoc siclinga amyaa. Acvinec alhta acvoncaclhojo. Am alhta otaveclha sicpamejitquiscama Dios apna netin.

NEHEMÍAS 2:4

Aptomjac alhta apvisqui seyanya: —¿Soc asoc aclhanma apvalhoc lhip? — alhta aptomjac. Yejemoc alhta sicpamejitsa Dios apna netin.

NEHEMÍAS 9:6

Aptomjac alhta apquilmalhnancama Esdras: Lhip nac Dios Visqui ingac, mepqui poc. Lhip nic nat apquillanay netin najan asoc acnaycaoc netin najan apyová. Lhip nic nat apquillanay as nalhpop najan aclhamoclhojo asoc acnaycaoc. Najan maa yingmin acvanyam najan asoc aleyvam congne yingmin. Lhip aptomja apyimnatescama apnenyaoc enlhitaoc najan acyovoclhojo asoc aleyvam. Apquiltimec apquilayo lhip apyovoclhojo apyová netin maa.

JOB 1:9

Apcatingmavoc nic nat singyipconma: —Lhip alhta ayinyema apmasma mataa Job.

SALMOS 136:26

Eltime sat gracias Dios Visqui ingac apna netin. Comasquejec mataa singasicjayo Visqui ingac.

ÉXODO 1:15

Innam nic nat anit quilvanaa hebreas (israelita) almovan cotimquisquisic sicaa. Lhama acvisay Sifra, moc acvisay Fúa. Aptomjac nic nat apvisqui co Egipto apquilanya as quilvanaa:

ÉXODO 2:13

Moc acnim nic nat intomjac. Aptiyaningveclhoc nic nat apnaymacoc Moisés. Apvitac nic nat actemaclha apquilatingmomap apcanit apnaymacoc hebreos. Aptomjac nic nat Moisés apcanya aptomja apsilhnanoncama: —¿Soctomja apticpamcaa poc apanco? — nic nat aptomjac.

DANIEL 2:44

Eltimjic sat apquilviscaa nalhit acnim. Etnesquisic sat Dios apna netin lhama apvisqui apcanamaclha cotmongvoycamlha nelha apyimnatem apanco am elhno poc apvisqui. Mepqui poc apvisqui, yoyam etvacsic as apvisqui najan apcanamaclha.

OSEAS 3:5

Elpayquingvomoc sat enlhitaoc Israel, elquitmoc sat Dios Visqui apancaoc najan apvisqui David. Elyoclhojoc sat maa, eltimjic sat apquilayo Dios, ellhocac sat altamila asoc ayinyema Dios Apyimtalhnamo. Sat cotnejic actamongvomlha nelha acnim.

LOS HECHOS 14:15

—¡Quip elanojo enlhitaoc! ¿Soctomja apquiltomja nac as asoc quellhip? —alhta apquiltomjac. Enlhit nincoo lha ningno quellhip. Ningvaac nincoo, yoyam ongiltimnacsic amyaa. Elvatsaoc as asoc apquilyitquiscama dios. Elyiplaclha sat Dios Ingyapam apjalhnancoc aptomja apquillanay netin najan nalhpop najan yingmin acvanyam najan aclhamoclhojo asoc acnamco maa.

LOS HECHOS 27:23

Acvitac lhac coo lhama ángel apquinyema Dios Ingyapam alhtaa lhcac. Aptomja Visqui ajac, coo eyca sictomja silancam.

FILIPENSES 3:5

Siclhoc sictiyaycamlha acvocmo ocho acnim inquillanalhquic alhta asoc monquinatquiscama eyimpejic. Sictomja israelita apanco. Sictomja aptovana niptamin Benjamín. Coo nac judío apanco, ayinyemaclha tata aptomja judío apanco najan meme. Sicvisay alhta fariseo apanco. Acvajanamquic alhta actemaclha singanamaclha Moisés.

EL APOCALIPSIS 11:13

Pilapcasquic alhta acyovjamcaa lhop. Apquilyaninamquic alhta aplhamoclhojo tingma as tingma apvanyam, malha décima parte. Apquilitsepquic alhta siete mil enlhitaoc naysicsa acyovjeycam lhop. Apquilacac alhta enlhitaoc apquilaymomap. Apquilacoc alhta Dios apna netin.

EL APOCALIPSIS 15:4

Mongvanquejec nincoo mepqui ningay lhip Visqui ingac. Mongvanquejec nincoo ongiltimjic mepqui ningayo lhip. Apvamlha pac lhama lhip aptomja aptamila. Elyotac sat lhip aplhamoclhojo enlhitaoc lhalhma anco yoyam elpayicsojo lhip. Ayinyemaclha invitalhquic lhip aptemaclha aptomja appeyvomo —alhta intomjac apquilminaycmascama.

EL APOCALIPSIS 16:11

Am alhta eyca elyanmoncasac apquilvalhoc. Am alhta elvatsamcoc apquiltemaclha acmasom. Apquiltimescasquic alhta apmapsom Dios apna netin naysicsa acmasca apyimpeoc najan pascapma apyimpeoc.