JONÁS 1:5 - Enhlit Bible

⁵ Avanjec nic nat apquilay enlhit apquillhinquiscama barco. Apquililmalhnam nic nat, yoyam colpasingvota quilaycmasquiscama, acvisay dios apancaoc. Apquilhaquic nic nat nayingmin apquilnatam acyimtalhnama, yoyam covayvamquejec barco. Aptalhningvocmec nic nat barco avalhoc Jonás. Aptinquic nic nat maa mepqui actamjaycam apvalhoc.

JONÁS 1:5 Iomraidhean Croise

1 REYES 18:26

Apquilyantavoclhec nic nat lhama vayqui yamquilvana. Apquilajac nic nat. Yejemoc nic nat apquilevamcaa quilaycmasquiscama Baal, ayenmo alhtoo acvocmo actalhnam. Apquililpalhamam nic nat aplhamoclhojo: ¡Baal, jingilpasim nincoo! — nic nat apquiltomjac. Am nic nat ellingac acpayvam. Am nic nat catingmavoc quilaycmasquiscama. Apquililtam nic nat niyava apquilvatnamaclha.

JOB 2:4

Apcatingmavoc nic nat singyipconma: —Apyasamcoc Job aptemaclha, yoyam emyovacpojo apanco. Memyovejec mataa lhama asoc, apvita inlhojo apvoyam tap.

SALMOS 107:25

Visqui ingac appayvam alhta ayinyema yatapiyam apyimnatem. Alyayajayam acvanyam alhta aptimescasac.

SALMOS 148:8

Innec ayaco ayinyema quilyinmayam najan yingmin alyayem (ajicjaoc). Innec ayaco ayinyema piyam aptiyam najan ayinyema tiyam etin. Innec ayaco ayinyema yatipiyam apcanyomap ingyilhcama.

ECLESIASTÉS 3:6

Actemaclha ningvitay asoc najan actemaclha nintimquiscama asoc. Actemaclha nintamilquiscama asoc najan actemaclha ningilhacjam asoc.

ISAÍAS 45:20

Ingyaniclhac sat quellhip. Jelyota sat aplhamoclhojo quellhip apquinyajaycaoc nipyesicsa enlhitaoc lhalhma anco. Malha ayanem aptomja enlhit acyitna quilaycmasquiscama acyitsomalhca dios yoyam epayicsojo. Covanquejec mataa covomsic tap enlhitaoc.

JEREMÍAS 2:28

Quellhip apquilmolhama Judá, ¿co laa apnam dioses quilaycmasquiscama apquillanay alhta quellhip? ¡Inlhamoc maa quilaycmasquiscama, acno apquilvamlha tingma apquilvanyam! ¡Incaymalhquic colpasingvotac colmeyvoc quellhip!

OSEAS 7:14

Apquilyimnatasquic apquilpayvam netin apquiltajanma, am conyemac apquilvalhoc. Apquililtamjoc olmecsic nintom najan ningyam uva ayingmenic, apquilyimsasa apyimpeoc. Apquiltomja mataa selinmelhaycam coo.

JONÁS 1:14

Yiplovcoc nic nat apquilpalhamaycam actemaclha apquilmalhnaycam Dios Apyimtalhnamo, apquiltomjac nic nat: —Jingmiyov nincoo Dios Apyimtalhnamo naysicsa ningajem as enlhit Jonás, aptomja apsilhnanomap apanco. Noyanmongsiclha nasa nintomjaclha, apvita inlhojo lhip mepqui apsilhnanomap apanco. Cotnejic sat lhip aclhanma apvalhoc apanco — nic nat apquiltomjac.

JONÁS 1:16

Avanjec nic nat apquilay enlhitaoc napato Dios Apyimtalhnamo. Apquilajac nic nat aptoscama macmescama Dios acyanmongam melyascalhma. Apquillhenquic nic nat elilyejiclhojo Dios appayvam.

JONÁS 1:6

Apmiyaclhec nic nat capitán apyitnaclha Jonás, aptomja apcanya: —¿So actomja yi? ¿Aptinqui ya lhquip? Itnimiclha netin, ingyevam sat lhip Dios Apvisqui pac, yoyam jingilpasingvota, jingilmeyvoc sat lhaja — nic nat aptomjac capitán.

SAN MATEO 25:5

Am nic nat ingyilhyacmoc mocjam quilhva alyimjapma. Inquilyinmam nic nat alanomalhco quilvanaa. Innatinquic nic nat.

SAN MATEO 26:43

Lhama alhta aptajavo mocjam. Apvitangvoctac alhta mocjam apnatena. Tiyin alhta inquilnapac.

SAN MATEO 26:45

Apvoctac alhta mocjam. Aptomjac alhta Jesús apquilanya apquiltamsoycaoc: —¿Pa ya elnatenojo? ¿Pa ya ellovquisic apquilyampay? Quip elanojo, quilhvoc sat omalhca sicvisay Sictiyam Sictomja Enlhit. Jelmoc sat enlhit melyascalhma.

LOS HECHOS 27:38

Natamin aptoycaoc alhta apquiljalhyovasa motajap apactic. Apquilhaquic alhta nayingmin, yoyam colhyevayclha barco.

JUECES 16:19

Intimescasquic nic nat Dalila etyinic Sansón. Inyitnec nic nat apcatic ayinlhaclha quilvana. Innec nic nat altimnasa lhama enlhit, eyatemenic siete apquilhyescama apva apyitsicsic Sansón.

1 SAMUEL 24:3

Apvitac nic nat naysicsa aplhingam nipquesic aplhancoc. Ningatoc nic nat maa mataymong avalhoc, apquilyilhanmomaclha siclho David najan apquillhalhmaa. Am nic nat elvitacpoc maa congne. Aptalhnec nic nat siclho Saúl yoyam eyanic.