JONÁS 1:3 - Enhlit Bible

³ Am nic nat ingyajalhnoc Jonás. Inlhenquic nic nat apvalhoc ingyinyejic napato Dios Apyimtalhnamo. Apquinyec nic nat tingma Jope. Apvitac alhta lhama barco actiyascam nayingmin, colhong sat tingma Tarsis. Apyinyovquic nic nat acyanmongam pasaje, aptalhningvocmo barco, yoyam ingyinyejic napato Dios Apyimtalhnamo.

JONÁS 1:3 Iomraidhean Croise

GÉNESIS 3:8

Inmalhcoc nic nat ilhma actalhnam anco. Pilapcasquic nic nat enlhit najan aptava aplinga actemaclha aptiyascam Dios Apyimtalhnamo amyip. Yejemoc apyilhanma coning yamtaa enlhit najan aptava.

GÉNESIS 4:16

Apyamyaclhec nic nat Caín amyip apmaclha Dios Apyimtalhnamo. Apvoclhec nic nat yoclhilhma Nod, nicja yoclhilhma Edén, acpayjo actiyapmaclha acnim.

1 REYES 19:3

Apcacac nic nat profeta Elías. Apquinyec nic nat yoyam emmoc tap. Apvocmec nic nat tingma Beerseba yoclhilhma Judá. Appicanvocmec nic nat apquilancam Elías.

1 REYES 19:9

Aptalhningvocmec nic nat avalhoc mataymong. Aptinquic nic nat alhtaa. Yejemoc nic nat aplinga appayvam. Aptomjac nic nat Dios apcanya profeta Elías: —Elías, ¿so aptingya aso? — nic nat aptomjac.

2 CRÓNICAS 2:15

Lhip visqui ajac, jingilapajasquis sat trigo apactic, cebada actic, najan aceite, najan uva ayingmenic.

2 CRÓNICAS 2:16

Ongilyatemenic sat yamtaa payjoc Líbano, ongilapajacsic sat netin yingmin acvanyam actemaclha balsa, acvaycmo tingma Jope. Lhip sat emoc tacja, yoyam elapajacsic sat tingma Jerusalén— nic nat intomjac carta aptalhescama apvisqui Hiram.

2 CRÓNICAS 9:21

Yitnec nic nat barcos apquiltimesaycam enlhit apquilinyema apvisqui Hiram, apquilyascama payjoc Tarsis. Vocmec mataa tres años apquilpatmenta oro, najan plata, najan marfil, najan apnatoscama mono yatsene, najan pavos yamtataa (yatmama).

ESDRAS 3:7

Apquillhocac nic nat solyayem apquillanay yatipjaymacaoc najan apquillanay tingma. Apquillhocac nic nat enlhit co Sidón najan co Tiro aptoycaoc najan apyinaycaoc najan aceite olivo ayingmenic. Apquilsantac nic nat mataa yamtaa apquilyatemenma netin inquilhe Líbano. Apquilyinyovaseclhec nic nat netin yingmin acvocmo tingma Jope. Eycaso ilhnic nat apcanamaclha Ciro co Persia.

JOB 1:12

Apcatingmavoc nic nat Dios: —Tasi. Iyinyovquis sat lhip actomja apanco Job. Noyinyovquis nasa apyimnatem apanco — nic nat aptomjac Dios. Apyamyeclhec nic nat singyipconma apnaclha Dios.

JOB 2:7

Apyamyeclhec nic nat singyipconma apnaclha Dios. Aptimescasquic nic nat aplingaycamco acmasca apyimpejic Job, malha pascapma ilhnic nat apcasquiscama apyimpejic.

SALMOS 107:23

Apquillhinquic alhta mocjay enlhit apquilyanmoncasomap. Barco alhta apquilquinamtac actiyascam nayingmin.

ISAÍAS 2:16

Enatovasacpoc sat apquillhinquiscama barcos de Tarsis najan barcos altamila anco.

ISAÍAS 23:1

Amyaa apquillhenamap co Tiro: Quellhip apnaycam netin barcos tiyascam nayingmin apquilinyema Tarsis. Intovasalhquic puerto alyitnamaclha barcos alyivey alinyema acyayem lhop Chipre.

ISAÍAS 23:10

Quellhip co Tarsis, elcaoc sat amyipayc apancaoc, paj mocjam alyitnamaclha barcos nicja yingmin.

ISAÍAS 23:6

Eltimjic sat apquilpayvam co Tiro najan co Sidón: ¡Elyapcalhaoc sat quellhip, elinyajaoc sat tingma Tarsis, elyinyov sat apquilmaclha nicja yingmin! — sat eltimjic.

ISAÍAS 60:9

Apquililhyacmec enlhit netin barcos tiyascam nayingmin, apquillhingam apquilmamyi apquilinyema tingma Tarsis. Apquilpatmentac apquitquic quellhip najan apquilnatam oro najan plata. Colhic sat seyaco sicvisay Dios Visqui apancaoc. Santo mayayo nipyesicsa quellhip israelitas, sictimesquiscama yoyam colhic ayaco quellhip.

JEREMÍAS 10:9

Allanomalhca as quilaycmasquiscama plata ayinyema payjoc Tarsis, najan oro ayinyema payjoc Ufaz. Apquillanac alhta enlhit apquilmopvan ellana, najan maa apquillanay apava alantalhnama quilaycmasquiscama, apava apyilhvasem najan yamapyilhvasem.

EZEQUIEL 2:8

Lhip, ingyeylhojo sat sicpayvam, yoyam elngacsic lhip. ¡Nojeyinmelham nasa lhip! Imayes siclho apatong, itov sat asoc yoyam omquecsic lhip — alhta aptomjac seyanya.

EZEQUIEL 27:12

Cotlaycaoc asoc altamila acnaycaoc quellhip actemaclha apquilyanmongsomap apquilinyema tingma Tarsis, apquilpatmeyquinta acyanmongam asoc: plata, najan hierro, najan estaño, najan plomo.

EZEQUIEL 3:14

Eyantamaclhec alhta Dios apmopvan apanco, seyinyovquisa siyinmamcaclha. Avanjec alhta acmayovsa evalhoc najan actiyam evalhoc coo. Epatjetquic alhta apmic Dios.

JONÁS 1:10

Aplhenquic nic nat Jonás napatavo apquillhinquiscama barco, aptomja apquinyem napato Dios Apyimtalhnamo. Pilapcasquic nic nat apquillinga, najan apquilvita yatepiyam apyimnatem. Avanjec nic nat apquilay, apquiltomja apquilanya: —¿Soc actomja yi singiltimesquisa nac aso? ¿Jalhco sat ongiltimesquisic lhip, yoyam ongmiyovalhcac sat nincoo? — nic nat apquiltomjac.

JONÁS 4:2

Aptomjac nic nat Jonás apcanya Dios, apquilmalhna: —Lhip Dios Apyimtalhnamo, ingyeylhojo sicpayvam. Eycaso siclhanma siclhoc alhta siyinyemayaclha coo. Inlhenquic alhta evalhoc ongvinyejic sat tingma Tarsis. Acyasamcoc coo, lhip aptemaclha apcasicjayquiclho mocjam, aptemaclha apquimlaycmo, aptemaclha acmasilhte aplom pac. Aptemaclha lhip appayquimquiscama apvalhoc, acvaa inlhojo amyaa apyanmongsayclha lhip apquiltemaclha apancaoc enlhitaoc.

SAN LUCAS 9:62

Apcatingmavoc alhta Jesús: —Appaycacpec sat ancoc enlhit niptamin naysicsa apquilcacjam, apyitsomacpo enlhit aclhanma mataa apvalhoc asoc acyitna niptamin. Eyca as enlhit colhic sat actanongvoclho, copvanquejec elngacsic Dios apquilnancascama —alhta aptomjac.

LOS HECHOS 15:38

Am alhta eltamjoc Pablo eyantamoc. Alhta ayinyemaclha aptajingvocmo yoclhilhma Panfilia. Am alhta coyacmoc Marcos epasmoc aptamjaycam.

LOS HECHOS 26:19

“Quip ingyeylhojo visqui Agripa. Alyajaclhoc alhta actemaclha sicvitay malha ningaat ayinyema netin.

LOS HECHOS 9:36

Innec alhta tingma Jope quilvana coyasquiyam tasic amyaa acvisay Tabita. Griego appayvam acvisay Dorcas (nincoo ningiltimem popyit). Intasic alhta mataa actemaclha as quilvana. Inquimlacmoc alhta mataa actomja alaymomalhca inlhojo asoc.

LOS HECHOS 9:38

Inlingalhquic alhta amyaa apvaa Pedro tingma Lida. Ningatoc alhta maa tingma Jope. Yejemoc alhta apquilapajasacpo apcanit enlhit, yoyam eliltimnasquiclha Pedro. —Ipecjicsojo etyaningvomjo tingma Jope —alhta apquiltomjac.

LOS HECHOS 9:42

Inlingalhquic alhta amyaa tingma Jope. Aplhamoclhojo alhta apquiltomjac melyasquiyam Visqui ingac.

LOS HECHOS 9:43

Acvoncaclho alhta apma Pedro tingma Jope. Apnacmec alhta lhama tingma pac Simón aptomja apquilanay asoyimpejic.

1 CORINTIOS 9:16

Am eyca oyimtalhnesalhcoc ajanco naysicsa siclingascama tasic amyaa. Movanquejec coo molngacsic as amyaa ayinyemaclha siyanyomalhca otnejic. Coo sat layi actomja mepqui siclingascama tasic amyaa.

2 TESALONICENSES 1:9

Enatovasacpoc sat cotmongvoycamlha nelha acyanmongayclha apquiltemaclha apanco. Mocjay sat colhic alhacjangvocmo yoyam melviticlhejec mocjam Visqui ingac najan melvityejec mocjam aptemaclha apyimtalhnamo najan apmopvan apanco.

JOSUÉ 19:46

najan Mejarcón, najan Racón, najan yoclhilhma ningatoc Jope.