JONÁS 1:2 - Enhlit Bible

² Noc maa, iyas sat tingma apvanyam apvisay Nínive. Ilngas sat amyaa, yoyam etvasacpoc sat apyovoclhojo tingma. Aclingac coo amyaa apquiltemaclha apancaoc apquilmapsomcaa — nic nat aptomjac Dios Apyimtalhnamo.

JONÁS 1:2 Iomraidhean Croise

GÉNESIS 10:11

Eycaso ilhnic nat apcaoclha enlhit apvisay Asur. Apmiyaclhec nic nat yoyam elanac tingma apvanyam. Lhama ilhnic nat apvisay tingma Nínive najan Rohobot-Ir najan Cala,

2 REYES 19:36

Aptajaclhec nic nat apvisqui co Asiria Senaquerib, apnalaclho apquillhalhmaa apquilaymomap. Apnalaclhec nic nat tingma Nínive.

2 CRÓNICAS 28:9

Apnec nic nat profeta Dios aplingascama, apvisay nic nat Obed. Apvitac nic nat apquililhyacmo singilpilhtetemo co Samaria. Apquilamyilhamquic nic nat profeta, aptomja apquilanya: Dios aptomja apvisqui apancaoc apquilyeyjamcaa quellhip. Aplovquic alhta apvita apquiltemaclha co Judá. Am alhta emyavac co Judá, quellhip eyca apquiltomja apquilyimnatem. Avanjec alhta apquillom quellhip naysicsa apquilnapma, apquiltomja apquilsilhnanomap apanco napato Dios apna netin.

ESDRAS 9:6

Actomjac coo silmalhnancama: ¡Dios Visqui ajac, lhip Visqui ajac! Avanjec acmancactama evalhoc, movanquejec opamejitsic lhip. Avanjec nincoo ninlhinganyam, avanjec anco ningilsilhnanomalhca inganco napato lhip.

ISAÍAS 37:37

Aptajaclhec nic nat apvisqui co Asiria Senaquerib, apnalaclho apquillhalhmaa apquilaymomap. Apnalaclhec nic nat tingma Nínive.

ISAÍAS 58:1

Aptomjac alhta Visqui ingac seyanya coo: ¡Iyimnaticsojo lhip appayvam! ¡Ilhnasojo sat lhip appayvam trompeta appayvascama! ¡Iltimnasiclhojo sat apquiltemaclha apquilsilhnanomap apanco enlhit ajancaoc israelitas, Jacob aptovana niptamin!

JEREMÍAS 20:9

Inlhenquic sat ancoc evalhoc: Alvatasquic coo, molngacsejec sat mocjam apvisay Visqui ingac — cotnejic sat evalhoc. Lhip appayvam cotniclhac sat malha talha evalhoc coo. Altamjo inyicje omyoc, movanqueje eyca coo.

EZEQUIEL 2:7

Ilngas sat lhip sicpayvam nipyesicsa maa. Elaylhojoc sat, paj lhaja. Avanjec apquiltemaclha selinmelhaycam coo.

OSEAS 7:2

Am colhenac apquilvalhoc sicyascamco apquiltemaclha apancaoc apquilmapsomcaa, mepqui selvoncayam. Inlhameclhec apquiltemaclha apancaoc nipyava maa, sicvita mataa najato — alhta aptomjac.

JONÁS 3:2

Noc maa, iyas sat tingma apvanyam apvisay Nínive. Ilngas sat amyaa ayinyema coo. Oltimnacsic sat lhip yavamlha elngacsic — nic nat aptomjac.

JONÁS 3:3

Apquimpaclhec nic nat Jonás, apmiyaclho tingma apvanyam Nínive, acno apcanama siclho Dios Apyimtalhnamo. Apvanjec nic nat tingma Nínive, acvaycmo tres acnim ninlhingam ningilvamlha nipva tingma. Aplhinquic nic nat Jonás lhama acnim nipyesicsa tingma. Apyimnatasquic nic nat appayvam: —Etvasacpoc sat tingma Nínive acvaycmo cuarenta acnim — nic nat aptomjac.

JONÁS 4:11

Avanjec acmayovsa evalhoc coo sicvita inlhojo apyovoclhojo tingma Nínive, tingma apvanyam apanco. Apnam as tingma ciento veinte mil apquitcavoc (sicaa) najan aplhamoclhojo apnatoscama — nic nat aptomjac Dios Apyimtalhnamo.

MIQUEAS 3:8

Coo sicvisay profeta apna evalhoc espíritu apanco Dios, aptomja seyimnatescama, aptomja setnesquiscama sicpeyvomo najan sicvascapma. Siyanyomalhca olngacsic napatavo enlhitaoc Israel apquiltemaclha apancaoc apquilinmelhaycam najan apquilsilhnanomap apanco.

NAHÚM 1:1

Eycaso vaycajac acnatalhesomalhca appayvam profeta Nahúm tingma pac Elcos. Apcanyacpec nic nat profeta elngacsic amyaa nipyesicsa tingma Nínive.

NAHÚM 3:19

Paj panatem yoyam coltamalvomoc apquilyimsem, cotamalvomejec sat pascapma. Inlingalhquic amyaa lhalhma anco actemaclha apticyovam quellhip najan apquillingaycamco acyimtalhnama. Elitsovacsojoc sat, colpayjiclhac sat apquilvalhoc. Apquillingamcoc alhta apyovoclhojo enlhitaoc apquiltemaclha apancaoc quellhip — alhta aptomjac Dios — nic nat aptomjac profeta.

SAN MATEO 10:18

Colhic sat acnalaclho quellhip apnamcaclha yatapquilviscaa najan apquilviscaa, coo sicvisay ayinyemaclha. Ellingacsic sat quellhip sicvisay nipyesicsa metnaja judíos.

SAN MATEO 12:41

Acvocmo sat acnim ningyicpilcomalhcoclha. Elaniclhac sat netin enlhitaoc co Nínive. Ellhenic sat apquilmapsom enlhitaoc as ningvamlha nac jay. Ayinyemaclha apquilyanmoncasquic nic nat apquilvalhoc co Nínive ayinyema ilhnic nat apquiltimnaycam Jonás. Acnec coo asi sictomja sicyimtalhnamo, melhno Jonás.

SANTIAGO 5:4

Quip elaylhojo. Apnaclhamqui inyicje enlhitaoc acyilhna apquilcaycaoc quellhip. Apquilmiyovqui eyca quellhip acyanmongam apquiltamjaycam. Inlingalhquic amyaa netin actemaclha apquilmasma acyanmongam quellhip. Aplingac najan Visqui netin apyimtalhnamo apquillhanma enlhitaoc apquiltomja apquiltamjaycam.

EL APOCALIPSIS 18:5

Inyangvocmec apquiltemaclha melyascalhma as tingma, malha acticlhicvaycmo netin intomjac. Am colvoncacmoc Dios apquiltemaclha almasomcaa.