JOEL 3:4 - Enhlit Bible

⁴ ¿So apquiltingya yi quellhip co Tiro, najan quellhip co Sidón, najan quellhip co Filistea? ¿Quellhip ya elyanmongsiclha sictemaclha coo? ¿Soc sat jeltimesquisic coo? Quilhvoc sat oyanmongsiclha apquiltemaclha apancaoc quellhip.

JOEL 3:4 Iomraidhean Croise

2 CRÓNICAS 21:16

Apcapajasquic nic nat Dios Visqui ingac, yoyam colvoc apquilvalhoc filisteos, najan árabes najan co Cus, yoyam elimpocjac nipyesicsa apnaymacoc Joram.

ISAÍAS 14:29

Quellhip co Filistea, noelitsovacsojo nasa apquilvita inlhojo ayintem yamit actomja ayasquiscama apyimpeoc quellhip. Siclhoc acvisay nimisma, natamin cotniclhac sat acyeyva, natamin cotniclhac sat sinavocpo asoc navjac aclom.

ISAÍAS 34:8

Acvisay acnim apyanmongsayclha Visqui ingac apquiltemaclha apancaoc cotnaja ingmoc apquilinmelhaycam enlhitaoc co Jerusalén.

ISAÍAS 59:18

Eyanmongsiclhac sat apquiltemaclha apancaoc: Ellingamcojoc sat acyimtalhnama najan apquilinmelhaycam, apquiltomja apquiltanoncama Dios Apyimtalhnamo. Ellingamcojoc sat maa apnaycam acyayem inquilhe mocjay anco.

JEREMÍAS 47:1

Am nic nat elimpocjac mocjam co Egipto apvisqui faraón tingma Gaza. Apcapajasquic nic nat Visqui ingac, elngacsic amyaa profeta Jeremías:

JEREMÍAS 47:4

Invaac acnim aptovasomacpilha filisteos, najan aptovasomacpilha tingma Tiro najan Sidón. Mepqui lhama enlhit, yoyam elvomsic tap apnaymacoc — alhta aptomjac Visqui ingac. Naso, Visqui ingac etvacsic sat co Filistea (filisteos) apquilinyema siclhoc nat acyayem lhop acvisay Creta.

JEREMÍAS 51:6

¡Elinyajaoc sat quellhip israelitas najan co Judá, elyinyov sat yoclhilhma Babilonia! ¡Elvomsacpojo tap! ¡Elmiyovacpoc sat quellhip nipyesicsa maa, meticyovejec sat lhama! Oyanmongsiclhac sat apquiltemaclha apancaoc quilhvo nac jay co Babilonia.

JOEL 2:10

Impilhyinimquic lhac netin najan nalhpop. Inyilhvasquic acnim najan piltin, inmasquec ningvitay apyová.

JOEL 2:2

Acvisay yatescamalhma lhalhma anco, acvisay yipjopay najan pisquisca lhalhma anco. Apquilvaac sova appintalhnama mongmovan ongilyipsitic. Apquilpayjeclhec alhta netin inquilhe. Malha ayitsay intomjac. Am nic nat elvitayac actema nac lha, mongvityejec sat mataa acno nac aso.

SAN MATEO 11:21

—¡Quellhip layi co Corazín! ¡Quellhip layi co Betsaida! Invitalhquic nat ancoc as asoc sinpilapquiscama tingma Tiro najan Sidón, quilhvoc nat elyanmongsic apquilvalhoc. Quilhvoc nat elvitacpoc apma apquilantalhnama yamquintim ajac apnaycam naysicsa tajap.

SAN MATEO 11:22

Acvocmo sat acnim ningyicpilcomalhcoclha coyimtilhojoc sat acyanmongayclha quellhip, am colhoyc acyanmongayclha co Tiro najan co Sidón.

SAN LUCAS 10:13

Quellhip layi co Corazín. Quellhip layi co Betsaida. Invitalhquic nipyesicsa quellhip asoc sinpilapquiscama. Invitalhquic nat ancoc as asoc tingma Tiro najan Sidón, quilhvoc nat elyanmongsic apquilvalhoc. Quilhvoc nat elvitacpoc apma apquilantalhnama yamquintim ajac apnaycam naysicsa tajap.

SAN LUCAS 10:14

Acvocmo sat acnim ningyicpilcomalhcoclha colhyevavojoc sat acyanmongayclha co Tiro najan co Sidón, melhno quellhip.

SAN LUCAS 18:7

Najan apquiltemaclha Dios apquitquic apquilyacyesomap. Apquilpalhamam mataa apquililmalhnancama acnim najan alhtaa. ¿Apquiltamjo ya Dios Ingyapam elpeyvescasiclha napatavo apquilinmelhaycam? ¿Yejeme ya epasmoc apquitquic Dios Ingyapam?

LOS HECHOS 9:4

Yejemoc alhta apquilpolintamo nalhpop Saulo. Aplingac alhta lhama appayvam: —Saulo, Saulo. ¿Soctomja seyamasamcaa nac? —alhta intomjac aplingay.

DEUTERONOMIO 32:35

Incovac sat acnim, yoyam oyanmongsiclhac sat apquiltemaclha apancaoc. Quilhvoc sat comascoc apquileyvam, ningatoc maa apnatovasomacpilha.

2 TESALONICENSES 1:6

Inpeyvoc najan aptemaclha Dios yoyam elasquisic sat apyimpeoc apquiltomja apquilasquiscama apyimpeoc quellhip.

JUECES 11:12

Apcapajasquic nic nat apquilsoycam amyaa, colhic altimnasa apvisqui amonita: —¿So actomja yi? ¿Appecjam ya lhquip jingilimpocjac nincoo? — nic nat apquiltomjac.