JOEL 3:2 - Enhlit Bible

² Ongvansiclhac sat apyovoclhojo enlhitaoc metnaja apquiltemolhama. Onaliclhac sat alvata acvisay Singyicpilquemo. Colhic sat alyicpilco enlhitaoc apquilinmelhaycam enlhitaoc Israel silyacyescama coo. Apquiltemaclha alhta apquilhpanquiscama enlhit ajancaoc najan apnatovascama yoclhilhma maa.

JOEL 3:2 Iomraidhean Croise

2 CRÓNICAS 20:26

Invocmec nic nat cuarto acnim. Apcaneclhec nic nat alvata Beraca, eltimjic apquilayo Dios Visqui ingac. Apquiltimec nic nat acvisay alvata Ningayoclha Dios acvaycmo as acnim actalhesomalhca as vaycajac.

ISAÍAS 66:16

Elyicpilcojoc sat enlhitaoc Dios acyiplomo apmaycam sovo najan talha. Elhnamcoc sat appintalhnama apticyovam.

ISAÍAS 66:18

Acyasamcoc coo apquiltemaclha apancaoc najan actemaclha alquitamsama apquilvalhoc. Ovotac sat mocjam. Ongvansiclhac sat aplhamoclhojo enlhitaoc lhalhma anco. Elvotac sat aplhamoclhojo yoyam elvita sictemaclha sicyimtalhnamo.

JEREMÍAS 12:14

Aptomjac alhta Visqui ingac apquillhenacpo vecinos apquilmapsomcaa, apquiltomja apnatovascama yoclhilhma Israel, apquillhoy nat apquilyeyjamcaa, coo sicmescama: Ongvilhpansic sat enlhitaoc, colhic acnalaclho apquiltemaclha apquilmomap, apquilpasmeyquiclha sat co Judá.

JEREMÍAS 25:31

Ellingamcojoc sat apyovoclhojo enlhitaoc apquileyvam as nalhpop, ayinyema Visqui ingac, eticyoc sat apquilsilhnanomap apanco — alhta aptomjac.

JEREMÍAS 49:1

Eycaso amyaa Visqui ingac apquillhenacpo co Amón: ¿Co laa apquilyasa israelitas apquitquic? ¿Co laa apquilyasa apquilmayclha amyip? ¿Co laa ayinyema quilaycmasquiscama Milcom, actomja avisqui nipyesicsa co Gad? ¿Co laa ayinyema tingma apquilvanyam apquilnayclha amonitas?

JEREMÍAS 50:17

Apquilyitsomacpo israelitas nipquesic aplhinganyam, acyamascam yamacmeyva. Apcaplhinquic alhta siclho apvisqui co Asiria, yoyam ingyajic. Natamin aptovquic alhta apilhquipcoc apvisqui co Babilonia Nabucodonosor.

EZEQUIEL 25:8

Eycaso sicpayvam sicvisay Visqui apancaoc: Yitnec apquillhanma moabitas: Apquillingamcoc alhta acyimtalhnama co Judá, acno apquillingaycamco mataa poc metnaja israelitas.

EZEQUIEL 34:6

Apquillhinganacmec alhta netin inquilhe alvinatem najan alyavatem, paj lhama enlhit yoyam esovjam sicnatoscama.

EZEQUIEL 35:10

Yitnec alhta apquilpamejitsomap quellhip: Ontimjic inganco yoclhilhma Judá najan yoclhilhma Israel. Am alhta colhenac apquilvalhoc quellhip, actomja coo ajanco as yoclhilhma.

EZEQUIEL 36:1

Aptomjac alhta Visqui ingac seyanya coo: Lhip enlhit, ilngas sat lhip sicpayvam nipyesicsa israelitas apquilyitsomacpo inquilhe.

EZEQUIEL 36:5

Naso coo sicpayvam sicvisay Visqui apancaoc: Comascoc sat apquillingaycamco quellhip macvenéycam najan malasmescama, ayinyema edomitas najan poc apnaymacoc. Apquilimpocjac alhta yoclhilhma ajanco naysicsa apquilitsovascama, ellingamcojoc sat sicyanmongsayclha apquiltemaclha apancaoc — alhta aptomjac.

EZEQUIEL 39:11

Aptomjac alhta mocjam: Ingyatoynacpoc sat apvisqui Gog najan apquillhalhmaa apticyovam nicja Yingmin Apac yancomilh, acvisay Viajeros. Metyisamejec sat enlhit apcatoynamacpilha. Eltimjic sat acvisay apquilatoynamacpilha: Apvisqui Gog najan apnaymacoc — sat eltimjic.

JOEL 3:12

Ingyaniclhac sat enlhitaoc metnaja apquiltemolhama payjoc alvata acvisay Singyicpilquemo. Dios Apyimtalhnamo eyanmongsiclhac sat apquiltemaclha apancaoc apyovoclhojo enlhitaoc ningyava maa.

JOEL 3:14

Appintalhnama enlhitaoc payjoc alvata acvisay Singyicpilquemo. Ningatoc acnim apanco Dios Apyimtalhnamo.

AMÓS 1:11

Aptomjac alhta mocjam: Avanjec apquilmapsomcaa enlhitaoc Edom. Oyanmongsiclhac sat apquiltemaclha apancaoc. Apquilnapquic alhta nipyesicsa apquilmolhama Israel, naysicsa acyivey apquillom, mepqui apquilmasma apnaymacoc.

MIQUEAS 4:12

Am elyasamcoc as enlhitaoc aclhanma apvalhoc Dios, yavamlha etnejic. Am elyasamcoc as enlhit aptemaclha Dios apquicjescama trigo apyilhna apliclamaclha apyilhna.

SOFONÍAS 3:8

Jelalh sat coo, ovotac sat yoyam ongvinmelham quellhip. Eycaso sicpayvam sicvisay Visqui apancaoc. Ongvansiclhac sat moclhama apquilmolhama enlhitaoc lhalhma anco, yoyam oyanmongsiclhac sat apquiltemaclha apancaoc, coo ayinyema siclom, acyivey anco siclom. ¡Cotvasalhcac sat as nalhpop ayinyema acyivey siclom coo!

EL APOCALIPSIS 11:18

Apquillovquic enlhitaoc lhalhma anco. Quilhvoc invaac acnim yoyam eyanmongsiclhac lhip apquiltemaclha enlhitaoc. Eyicpilcojoc sat lhip apquiltemaclha apquilmasquingvaycmo alhta. Elmesic sat lhip acyanmongam apquiltomja apquilancam, apquiltomja apquillingascama lhip apvisay najan apquiltomja lhip apquilyacyescama. Najan apquiltomja apquilayo lhip apvisay, apquiltomja apquitcaoc najan apquilvanyam. Enatovacsic sat lhip enlhitaoc apquiltomja apnatovascama alhta as nalhpop —alhta apquiltomjac apquilimja apmamyi.

EL APOCALIPSIS 16:14

Avancaac colantipsic tamjaycam sinpilapquiscama allhalhmaa somquic quilyicjamo. Inquilantipquic alhta yoyam colansiclha apquilviscaa apnaycam lhalhma anco. Inquililtamjoc yoyam elnapacpoc acvocmo sat acnim, Dios acnim pac aptomja Apvisqui apyimtalhnamo.

EL APOCALIPSIS 16:6

Apyanmongsaclhec lhip apquiltemaclha as enlhitaoc. Apmesquic lhip apyinaycaoc ema as enlhitaoc, acno apquiltemaclha apancaoc. Ayinyemaclha apticyovquic alhta lhip apquilyacyescama najan profetas lhip apquillingascama. Apquilyanquinquic alhta ema apancaoc as enlhitaoc —alhta aptomjac ángel.

EL APOCALIPSIS 20:8

Colhong sat yoyam colsilhnana aplhamoclhojo enlhitaoc lhalhma anco. Colhong sat yoyam colsilhnana enlhitaoc apnaycam yoclhilhma Gog najan Magog. Colansiclhac sat singilpilhtetemo yoyam colanic elnapacpoc. Aplhamoclhojo maa enlhitaoc, malha lhopactic anic mongmovan ongilyipsitic.