JOEL 2:31 - Enhlit Bible

³¹ Coyilhvasic sat acnim, najan eyilhvasic sat piltin, malha ema sat cotnejic. Cotalhcac sat jayqui acnim apanco Dios Apyimtalhnamo. Acyivey simpilapquiscama acyiplomo ayay ingilvalhoc, sat cotnejic as acnim.

JOEL 2:31 Iomraidhean Croise

JEREMÍAS 4:28

Cotnejic sat malha apquiliclhangveycam as nalhpop najan acmayovsa apquilvalhoc maa netin. Yitnec siclho aplhanma Dios Visqui ingac mepqui apyeycajascaoc, meyeycajacsejec sat mataa aplhanma.

EZEQUIEL 32:7

Naysicsa sicyanmongsayclha apquiltemaclha apancaoc quellhip co Egipto, colajapvotac sat yipjopay netin lhalhma anco. Comascoc sat ningvitay acnim, najan piltin, najan apyová. Cotniclhac sat yatescamalhma acvanyam (acyivey). Naso coo sicpayvam siclhanma mepqui sicyeycajascaoc — alhta aptomjac.

JOEL 2:1

Aptomjac nic nat profeta: Elpayvas sat quellhip trompeta apnaycam inquilhe Sión. Ellingas as acyimtalhnama netin inquilhe mayayo Dios Apyimtalhnamo. Elpilhyinim quellhip apyovoclhojo co Judá. Incamquitvaac acnim apanco Dios Apyimtalhnamo.

JOEL 2:10

Impilhyinimquic lhac netin najan nalhpop. Inyilhvasquic acnim najan piltin, inmasquec ningvitay apyová.

JOEL 2:11

Aplhingam apmamyi aptomjac Dios Apyimtalhnamo apnalayclha apquilasinancama. Inlingalhquic appayvam ayilhtingyavoyam. Appintalhnama apquilasinancama apquilyiplovquiscama appayvam apcanama Dios ¡Avanjec ningilay ningvita as acnim acyimtalhnama! Mongvanquejec ongmiyovalhcac napato Dios Apyimtalhnamo — nic nat aptomjac profeta.

JOEL 2:2

Acvisay yatescamalhma lhalhma anco, acvisay yipjopay najan pisquisca lhalhma anco. Apquilvaac sova appintalhnama mongmovan ongilyipsitic. Apquilpayjeclhec alhta netin inquilhe. Malha ayitsay intomjac. Am nic nat elvitayac actema nac lha, mongvityejec sat mataa acno nac aso.

JOEL 3:1

Aptomjac nic nat Dios Apyimtalhnamo: Otnesquisic sat moc actemaclha nipyesicsa co Judá najan co Jerusalén.

JOEL 3:15

Cajancac sat acnim najan piltin. Melvitacpejec sat apyová.

ZACARÍAS 14:6

Mepqui acmajat sat cotnejic as acnim najan mepqui piyam apmatsamangi.

MALAQUÍAS 4:1

Aptomjac alhta Dios Apyimtalhnamo: Incamquitvaac acnim acyitsomalhca talha acvanyam congne malhic. Elmetic sat enlhitaoc ayajamalhco apquilvalhoc najan apquilmapsomcaa. Colhic sat alvatna talha, malha papiyov apmeta sat cotnejic. Mengyaymacpejec sat lhama.

MALAQUÍAS 4:5

Quip elanajo quellhip: Ongvapajacsic sat profeta Elías yicpintama acvoy Dios Visqui acnim apanco. Malha singajem ningilay sat cotnejic.

SAN MATEO 24:29

Natamin acsovjomalhca acnim acmasquilha, cajancac sat acnim, ingyajancac sat piltin. Epalentac sat apyova, colyovjam sat asoc alyimnatem netin.

SAN MATEO 27:45

Ingyitsicso acnim alhta intomjac acyatesalhma lhalhma anco acvocmo actalhnam a las tres.

SAN LUCAS 21:25

Aptomjac alhta mocjam Jesús: “Colvitalhcac sat asoc monquinatquiscama. Cajancac sat acnim, ingyajancac sat piltin, epalentac sat apyova. Avanjec sat apquilay enlhitaoc lhalhma anco as nalhpop. Melyasamquejec sat apquiltomjaclha apquillinga sat ayilhtingyovam yingmin acvanyam najan alyayajayam.

LOS HECHOS 2:20

Coyinaticsic sat olhma acnim. Eyilhvesic sat piltin, malha ema sat etnejic. Natamin covac sat Visqui ingac acnim apác acvanyam najan actamila.

EL APOCALIPSIS 8:12

Appayvasquic alhta poc ángel trompeta appayvascama, cuatro alhta apvocmoc. Inpaysacmec alhta nicja acnim malha tercera parte. Appaysacmec alhta napocja piltin, malha tercera parte. Apquilpaysacmec alhta apyova, malha tercera parte. Malha yatescamalhma alhta inquiltomjaclhac. Am alhta colsasac olhma acyavataclhojo acnim anco najan alhtaa, malha tercera parte.