JOEL 2:23 - Enhlit Bible

²³ Quellhip co Sión, colpayjiclha apquilvalhoc naysicsa apquillhanma Dios Apyimtalhnamo. Aptomjac singmescama acmamay actemaclha nano, acmamayaclha ayenmo año najan moc acmamayaclha nelha año.

JOEL 2:23 Iomraidhean Croise

1 REYES 8:36

Ingyeylhojo sat lhip apma netin. Imascos sat melyascalhma, ilasicjiclhojo sat mocjam enlhitaoc Israel. Illhicmos sat yoyam elyiplovcasojo actemaclha acpeyvomo. Ingyane sat comamiclha mocjam yoclhilhma apquillhoy alhta lhip enlhitaoc apancaoc.

JOB 33:23

Nasoc lhaja epasingvotac lhama ángel, nipyesicsa mil apnaymacoc ángeles, eltimnasquitac sat yavamlha eltimjic.

JOB 37:13

Yoyam cotalhcac singmasmaclha Dios. Cotalhcac sat najan apyanmongsayclha Dios nintemaclha inganco as nalhpop.

SALMOS 104:34

Altamjoc opayesiclhac apvalhoc Visqui ingac sicminaycmasa. Apvamlha Visqui ingac aptomja appeyvesayclha evalhoc coo.

SALMOS 147:8

Visqui ingac alinyema yipjopay. Ayinyema yingmin acmamay. Visqui ingac ayinyema paat alyimseleycaoc netin inquilhe.

SALMOS 149:2

Colpayjiclha apquilvalhoc quellhip apnaycam tingma Sión. Dios aptomja Visqui ingac. Aptomja apquilantipquiscama aclhamoclhojo asoc.

SALMOS 28:7

Visqui ingac aptomja semasma. Epasmec coo ayinyema moyasquiyam. Payjeclhec evalhoc coo. Otnejic mataa gracias lhip naysicsa sicminaycmascama.

SALMOS 32:11

Quellhip apquiltomja apquilpeyvomo: —Colpayjiclha apquilvalhoc, elitsovacsojo. Eltime sat apquilayo Visqui ingac naysicsa actamilaycam apquilvalhoc.

SALMOS 84:6

Apquiljalhtipilhquitquic sat ancoc yancomilh, cotniclhac sat acyitnamaclha yingmin acmasis. Malha ayinyema netin intomjac yingmin actamila.

PROVERBIOS 16:15

Acpayjayclha apvalhoc apvisqui rey actomja singyimnatescama. Actamilaycam apvalhoc acyitsomalhca yipjopay, ayinyemayaclha yingmin acmamay.

ISAÍAS 30:21

Apquilpecjam sat ancoc quellhip elyitnocjac lhama nicja najan moc nicja. Cotlapsic sat apquillinga inlhojo appayvam ayinyema apcapoc: Amay as'i, elyiplovjo amay — sat cotnejic appayvam.

ISAÍAS 30:23

Elmesic sat mataa acmamay Dios yoyam elquiniclha actic, elvitac sat cotlaycaoc apyilhna trigo. Colvitac sat apnatoscama ayimjaclha paat lhalhma anco.

ISAÍAS 41:16

Ingyimpocsic sat maa. Cosovc sat alhcajayam, ingyilhpansic sat yatipiyam. Colpayjiclhac sat apquilvalhoc quellhip ayinyema coo sicvisay Dios. Colhic sat seyaco sicvisay Sicyimtalhnamo nipyesicsa quellhip.

ISAÍAS 61:10

Avanjec acpayjayclha evalhoc ayinyema Dios Apyimtalhnamo. Malha apava ningalomalhca actomja singvomquiscama tap najan singmasmaclha. Sictomja malha sicponquinomalhca acyiplomo silnatanma eyitsicsic. Sicyitsomalhca quilvana acponquinomalhca acyiplomo alnatanma alyinmom.,

JEREMÍAS 3:3

Eycaso ayinyema melvitay quellhip yingmin acmamay, acvaa inlhojo mocjitma, najan apvaa inlhojo piyam. Am colhenac alhta quilvana alanatama actemaclha anco, am elmancac mocjam quellhip apquilyitsomacpo as quilvana alanatama.

JEREMÍAS 5:24

Am colhenac mataa apquilvalhoc eltimjic selayo quellhip, sicvisay Dios Visqui apancaoc. Aptomja singmescama yingmin acmamayaclha najan nalhit acnim, aptomja singmescama acyilhna ayimjaclha ninganma, paj ellhenac quellhip.

LAMENTACIÓNES 4:2

Apquilyitsomacpo oro alyinmom enlhit apnaycam tingma Jerusalén, apquiltomjayclho apquiltanovmap. Quilhvo nac jay apquilyitsomacpo valhva apquilanomap yelpa.

EZEQUIEL 34:26

Eleyoc sat sicnatoscama niyava inquilhe santo acponquinomalhca, olmeyvoc sat mataa. Ongvapajacsic sat mataa yingmin acmamay.

OSEAS 6:3

Pac ongilvascapoc, yoyam ongilyasamcojo apmayjayoclha Dios. Ingyilhyemoc sat Dios Visqui ingac jingilpalhavota. Nasoc anco as amyaa, acno actiyapma mataa acnim, acno acmamayaclha ayenmo año najan nelha año — alhta apquiltomjac co Israel.

LEVÍTICO 26:4

Ongvapajacsic sat acmamay nalhit acnim. Elvitac sat quellhip acyilhna ayimjaclha ninganma najan acyilhna ayimjaclha yamit.

AMÓS 4:7

Acmiyovquic alhta yingmin acmamay, tres piltin alhta yicpintama acnaclhamalhquilha acyilhna. Am alhta omyavac yingmin acmamay poc tingma. Inmamecac alhta lhama amyip, mepqui alhta acmamay moc amyip, inyamamquic alhta ninganma.

ZACARÍAS 10:1

Elilmalhna sat yingmin acmamay, yoyam ingyapajacsic Visqui ingac. Memyovejec sat yingmin acvanyam, aptomja apquilantipquiscama alyinmayam. Aptomja apquictinquiscama ninganma.

ZACARÍAS 10:7

Malha singilpilhtetemo eltimjic sat co Efraín. Copayjiclhac sat apquilvalhoc, malha ayinyema uva ayingmenic apyinaycaoc. Elitsovacsojoc sat apquitquic apquilvita apyapmayc. Eltimjic sat selayo naysicsa apquilitsovascama — alhta aptomjac.

ZACARÍAS 9:13

Yitnec sicmaycam pilhpaalh, apquilvisay co Judá, najan maa yanca apquilvisay Efraín, najan quellhip co Sión sicmaycam sovo acvinatem. Elimpocjac sat apquitquic nipyesicsa apquitquic co Grecia — alhta aptomjac.

ZACARÍAS 9:9

¡Colpayjiclha apquilvalhoc quellhip tingma Sión! ¡Elminaycmas sat naycisa apquilitsovascama, quellhip co Jerusalén! Apquilhyacme Visqui ingac appeyvomo najan apyimnatem. Mepqui ayajamalhco apvalhoc, yamelyeyjaycoc ayitcoc apquinamtem.

LOS HECHOS 14:17

Inlingasalhquic nic nat mataa aptemaclha apanco Dios Ingyapam nipyesicsa enlhitaoc. Ayinyema ilhnic nat apmescama mataa asoc altamila. Ingmesquic mataa acmamay najan cotlaycaoc acyilhna. Apquilpayesaclhec mataa ingilvalhoc singmesa nintoycaoc acmenmalhem najan asoc, yoyam ongilitsovacsojo —alhta apquiltomjac Pablo najan Bernabé.

DEUTERONOMIO 11:14

Conyemac sat mataa Dios acmamayaclha ayenmoclha año najan nelha año. Elvitac sat quellhip cotlaycaoc trigo apactic najan uva acyilhna najan uva ayingmenic najan aceite olivo ayingmenic.

DEUTERONOMIO 28:12

Memyovejec sat Dios Apyimtalhnamo acmamayaclha, acvisay yingmin acpaliyam as nalhpop, elvitac sat acyilhna naysicsa apquilvascapma apquiltamjaycam quellhip. Elvac sat enlhitaoc naciones, eltimjic apquilmaycaoc nasa nipyesicsa quellhip. Jave quellhip, yoyam elmamcoc siclho nipyesicsa enlhitaoc lhalhma anco.

DEUTERONOMIO 32:2

Coo sillhicmoscama colhojoc sat yingmin acmamay, najan malha yalya. Colhojoc sat acmamay ayimjaclha paat, najan yingmin acpaliyam naysicsa paat.

FILIPENSES 3:1

Quellhip elyalhinga, elitsovacsojo quellhip apquiltomja apquilpasmeyquiclha Visqui ingac. Pac olinlhanmojo olheniclhojo mataa amyaa sictalhesquiscama alhta quellhip yoyam colyimnac apquilvalhoc.

FILIPENSES 3:3

Nincoo eyca acyitna asoc monquinatquiscama ingyimpejic actomja nasoc anco. Ayinyemaclha ningilpayasoc nincoo Dios Ingyapam ayinyemaclha Espíritu apanco. Ningilacoc nincoo Cristo Jesús. Am ontingyac asoc apquiltemaclha apancaoc judíos.

FILIPENSES 4:4

Colpayjiclha mataa apquilvalhoc ayinyema Visqui ingac. Pac otnejic ongvanic mocjam: Colpayjiclha apquilvalhoc quellhip.