JOEL 2:17 - Enhlit Bible

¹⁷ Elyapcalhaoc quellhip sacerdotes najan apquiltimesaycam tingma apponquinomap. Elilmalhna sat payjoc altar acvatnamalhquilha, eltime sat maa: —Dios Apyimtalhnamo, jingilasicjiclhojo mocjam. Nongyane nasa jingilasmacsic cotnaja ingmoc. Nongyane nasa jingilapajacsic apquilviscaa metnaja nintemolhama. Nongyane nasa ellhenic ningilvisay: ¿Co laa apna Dios apquilmasma quellhip? — intomjac apquillhanma — alhta aptomjac Dios Apyimtalhnamo — nic nat aptomjac profeta.

JOEL 2:17 Iomraidhean Croise

1 REYES 6:3

Acvamlha ilhnic nat aplhancoc vestíbulo congne tingma nueve metros de largo, cuatro metros y medio de ancho, payjoc tingma napocja actamila.

1 REYES 9:7

Omascoscomoc sat aplhamoclhojo enlhitaoc Israel as yoclhilhma apquillhoy alhta apquilyeyjamcaa. Otvacsic sat as tingma apponquinomap acyitnamaclha sicvisay. Elasmacsic sat enlhitaoc lhalhma anco apquilvita sat apnatovasomap enlhitaoc Israel.

2 CRÓNICAS 7:20

Olyinyovsic sat quellhip as yoclhilhma sicmescama alhta quellhip. Molhejec sat mocjam as tingma apponquinomap, inyasmesacpoc sat nipyesicsa enlhitaoc metnaja israelitas.

2 CRÓNICAS 8:12

Aptingyac nic nat apquilvatnama asoc acticyovam macmescama Dios acyanmongam melyascalhma, payjoc altar apquillanay siclho vestíbulo tingma apponquinomap.

NEHEMÍAS 9:36

Jingilanojo quilhvo nac jay, ningiltomja ningilmomalhca as yoclhilhma, apquillhoy siclhoc nic nat ningilyeyjamcaa, yoyam elvita cotlaycaoc acyilhna najan cotlaycaoc asoc altamila.

SALMOS 115:2

Colhic sat ayaco ayinyema singasicjayo najan aptomja nasoc anco. ¿Soctomja singilvena nincoo cotnaja ningmolhama? ¿Jalhco apna Dios Visqui ingac? — apquiltomjac mataa.

SALMOS 42:10

Malha acmasca evalhoc intomjac siclingaycamco selvennéycam cotnaja ingmoc. Apquiltomjac mataa seyanya: —¿Jalhco apna Dios lhip apmasma? — apquiltomjac mataa.

SALMOS 42:11

¿So actema acmayovsa mataa evalhoc coo? ¿So actema aliclhangveycam mataa evalhoc? Pac olinlhanmojoc sat, otnejic siyayo Dios, aptomja Visqui ajac najan sevomquiscama tap.

SALMOS 42:3

Avanjec mataa sicvinama, am omajayac otoc acnim anco najan alhtaa. Ayinyema siclingay mataa amyaa: —¿Jalhco apna Dios lhip apmasma? — apquiltomjac mataa seyanya.

SALMOS 42:4

Naysicsa mepqui sictamilquisquiyam evalhoc inyasingveclhoc evalhoc actemaclha nano. Actemaclha ninlhingam ninlhamoclhojo sicnalayclha Dios tingma pac. Actemaclha acyivey ningitsovascama najan actemaclha ningayo Visqui ingac. Fiesta acvanyam alhta intomjac.

SALMOS 74:10

Dios Visqui ingac. ¿Co sat acvam comascoc singvenneycam ayinyema singinmelhaycam? ¿Co sat acvam comascoc apquilvenneycam lhip apvisay?

SALMOS 79:10

Colapvanquejec jingilanic singinmelhaycam: —¿Co laa apnaclha Dios Visqui apancaoc? — sat eltimjic jingilanic. Pac ongilanojo aptemaclha lhip apyanmongsayclha apquiltemaclha apquilnapma ingnaymacoc. Elyasingvomoc sat yoyam elvatsamcoc.

SALMOS 79:4

Ingilasmasquic nincoo enlhitaoc ningyava. Singvenneycam apquiltomjac.

SALMOS 89:41

Yiplovcoc alhta apquilminyilhma apyovoclhojo enlhitaoc. Innec alhta acvenná apvisqui ayinyema enlhit nipyava.

SALMOS 89:51

Visqui ingac. Apquiltemaclha singvenneycam cotnaja ingmoc. Apquiltemaclha apquilvenneycam mataa apvisqui lhip apquilyacyescama.

ÉXODO 34:9

Aptomjac nic nat appayvam Moisés: —¡Visqui ingac! ¡Visqui ingac! Nasoc sat ancoc seyasicjayo coo, itne sat ninlhalhma. Yitnec apquiltemaclha apancaoc acmasom as enlhitaoc. Jingilasicjiclhojo sat mocjam ningiltomja ningilinmelhaycam lhip. Jingilpalhaquis sat lhip apmolhama (ongiltimjic ningilmolhama) — nic nat aptomjac Moisés.

ISAÍAS 22:12

Apnec alhta as acnim Visqui apyimtalhnamo. Apquiltamjoc alhta Dios elyapcalhic najan eliclhangvomoc quellhip, elsavojoc sat apva apyitsicsaoc, najan elantalhniclha yamquintim ajac actemaclha acmayovsa apquilvalhoc.

ISAÍAS 37:20

Lhip Dios Apyimtalhnamo, jingmiyov nincoo napatavo co Asiria. Elyasingvomoc sat apyovoclhojo enlhitaoc as nalhpop, lhip aptomja apvamlha pac lhama Dios Apyimtalhnamo — nic nat aptomjac Ezequías.

EZEQUIEL 20:9

Acmiyovquic alhta coo, ayinyema sicvisay coo Dios Sicyimtalhnamo, siclhanma nat onalovsingvoclha enlhit ajancaoc yoclhilhma Egipto, yoyam olmeyvoc mataa. Colapvanquejec jelvenam coo enlhitaoc lhalhma anco.

EZEQUIEL 8:16

Eyantamaclhec alhta payjoc atrio congne tingma apponquinomap, payjoc atong aplhancoc apponquinomap, payjoc naysicsa vestíbulo najan altar apquilvatnamaclha. Apnam maa veinticinco enlhit apquilpaycomap, melaneyo congne aplhancoc apponquinomap. Apquiljalhec acpayjoclha actiyapmaclha acnim, acticlhicvocmo nalhpop payjaclha napataa, apquiltomja apquilayo acnim naysicsa actiyapma.

OSEAS 14:2

Elyanmonquis moc apquilvalhoc quellhip, eltime sat quellhip: Dios Apyimtalhnamo, jingilasicjiclhojo sat mocjam. Ontimjic sat ningilayo lhip, colhojoc sat asoc macmescama lhip — eltime sat elanic quellhip.

JOEL 1:13

Quellhip sacerdotes apquiltimesaycam altar macmescamaclha Dios. Elantalhniclha apava actemaclha acmayovsa apquilvalhoc. Insovjalhquic nintom najan uva yingmenic macmescama Dios congne tingma apponquinomap.

JOEL 1:9

Apquiliclhangvec sacerdotes, ayinyema mepqui nintom, mepqui uva ayingmenic congne tingma apponquinomap, mepqui asoc macmescama Dios Apyimtalhnamo.

AMÓS 7:2

Apquilsovjoc alhta sova aptoycaoc paat lhalhma anco. Actomjac alhta siyanya: —¡Dios Apyimtalhnamo jingilasicjiclhojo nincoo! Elmasquingvomoc sat apquilmolhama Jacob, ayinyema apcanito apquilmolhama — alhta actomjac coo.

AMÓS 7:5

Actomjac alhta coo siyanya: —¡Dios Apyimtalhnamo, yejemec siclho! Elmasquingvomoc sat apquilmolhama Jacob ayinyema apcanito apquilmolhama — alhta actomjac coo.

MIQUEAS 7:10

Elvitac sat najan cotnaja ingmoc, elmancangvomoc sat maa. Apquiltemaclha alhta singilasmesa: ¿Co laa apna Dios Visqui apancaoc? — alhta apquiltomjac. Inpayjeclhec ingilvalhoc ningvita cotnaja ingmoc apquiltamap, acno yelpa altamalhca amay.

MALAQUÍAS 1:9

Elilmalhna sat Dios, yoyam jingilasicjiclhojo. Memejec sat tacja Dios Apyimtalhnamo, apvita inlhojo apnatoscama almasomcaa apquilmescama nasa quellhip. Aptomjac alhta Dios Apyimtalhnamo:

NÚMEROS 25:6

Apvitacpec nic nat lhama israelita apyantamaclho quilvana madianita, colhic tingma pac. Apvitac nic nat Moisés najan apyovoclhojo israelitas apcanayclha payjoc carpa apponquinomap naysicsa acmayovsa apquilvalhoc najan apyapcalhem.

SAN MATEO 23:35

Elsilhnanacpoc sat quellhip. Coyanmomentac sat acyanmongayclha apticyovam enlhit apquilpeyvomo as nalhpop. Siclhoc nic nat apmatnam Abel appeyvomo najan poc aplhamoclhojo, acvocmo apmatnam nic nat Zacarías, Berequías apquitca. Apmatnec nic nat napocja tingma apponquinomap acpayjo acvatnamalhquilha.

SAN MATEO 27:43

Apquiljalhnec mataa, yoyam epasmoc Dios Ingyapam. Apcasicjavoc sat ancoc Dios Ingyapam, ingyane sat evomsic tap quilhvo. Ayinyemaclha aptomjac alhta mataa Jesús: “Coo nac Dios Apquitca” —alhta apquiltomjac apquilasmescama.

DEUTERONOMIO 28:37

Elasmesacpoc sat quellhip, elvennacpoc sat maa, cotipsalhcac sat apquilvisay quellhip as yoclhilhma apquilmomacpilha quellhip.

DEUTERONOMIO 32:27

Am oltamjoc elasmacsic cotnaja ingmoc sictemaclha sicnatovascama maa. Eltimjic sat cotnaja ingmoc: Jave ayinyema Dios, nincoo eyca ayinyema ningmovan najan ningilyimnatem — sat eltimjic maa.

JOSUÉ 7:9

Elvac sat cananeos najan cotnaja ingmoc ningyava, jingilnapoc sat. Jingilimpocjac sat, jingilmascoscomoc sat. Colhejec sat mataa ayaco lhip apvisay Dios Visqui ingac — nic nat aptomjac Josué.