JOEL 2:12 - Enhlit Bible

¹² Aptomjac alhta Dios Apyimtalhnamo: ¡Elaylhojo quellhip! ¡Elpaycap apanco quellhip! ¡Elyanmonquis moc apquilvalhoc quellhip! ¡Elilpalhamam, elyapcalhaoc!

JOEL 2:12 Iomraidhean Croise

2 SAMUEL 24:10

Aplhenquic nic nat apvisqui David napato Dios aptemaclha apsilhnanomap apanco, ayinyema malyipsatem enlhitaoc. Aptomjac nic nat apvisqui David: —Avanjec sicsilhnanomalhca ajanco ayinyema malyipsatem enlhitaoc. Lhip Dios Apyimtalhnamo, coo sicvisay silancam lhip. Jeyasicjiclhojo sat mocjam sictemaclha acyeyjamelhma — nic nat aptomjac.

2 CRÓNICAS 30:6

Apquillhinquic nic nat apquilsoycam amyaa najan apquillhalhmaa apquilviscaa apquillingasa amyaa najan cartas alinyema apvisqui rey. Apquiltomjac nic nat apquilanya nipyesicsa co Israel najan co Judá: ¡Quellhip israelitas, elpayquim sat apquiltemaclha, elyanmonquis sat apquilvalhoc! Eltime sat apquilayo mocjam Dios Visqui apanco Abraham, apvisqui apanco Isaac najan apvisqui apanco Israel. Elasicjiclhojoc sat mocjam Dios, malasicjayclha mocjam quellhip najan apnaymacoc melmomap nipyesicsa co Asiria.

2 CRÓNICAS 6:27

ingyeylhojo sat lhip apna netin, ingyasicjiclhojo sat mocjam enlhitaoc apquilsilhnanomap apanco, iyascasingvom sat nintemaclha acpeyvomo, yoyam elyiplovcasojo. Ilapajasiclha sat mocjam acmamay as yoclhilhma, apquillhoy nic nat lhip enlhit apancaoc.

ESTER 4:16

Ingyansiclha sat apyovolhojo judíos tingma Susa, jelmalhnesquisic mepqui aptoycaoc. Intasic sat mepqui aptoycaoc tres acnim najan tres alhtaa, najan mepqui apyinaycaoc lhama asoc. Coo sat najan, olanic selancam yoyam jelpasmoc acvaycmo tres acnim. Natamin oyoclhojoc sat apvisqui sicyascamco actomja prohibido. Acmatnec sat ancoc coo, tasic lha omatong — nic nat intomjac Ester.

ÉXODO 33:5

Aptomjac nic nat Dios apcanya Moisés: —Eycaso sicpayvam Dios: Cayjec apquilvalhoc quellhip. Yitnec quellhip apquiltemaclha apancaoc. Actimec sat ancoc siclhalhma, cotnejic sat nalhit amay omascoscomoc quellhip. Eljalhyovas apquilnatanma quilhvo nac jay. Oyasamcojoc sat yavamlha otnejic — nic nat aptomjac Dios.

ISAÍAS 22:12

Apnec alhta as acnim Visqui apyimtalhnamo. Apquiltamjoc alhta Dios elyapcalhic najan eliclhangvomoc quellhip, elsavojoc sat apva apyitsicsaoc, najan elantalhniclha yamquintim ajac actemaclha acmayovsa apquilvalhoc.

ISAÍAS 58:4

Yitne inyicje quellhip apquililmalhnancama, am eyca ongvaylhojoc coo, ayinyema apquilatingmomap najan apquilnapomap quellhip as acnim apquililmalhnancama. Mongvaylhojoc sat mataa apquililmalhnancama as acnim nac jay.

JEREMÍAS 3:22

Jelyota sat quellhip selyamasma siclho, ellaniclha sat apquilvalhoc, olmecsic sat quellhip actamilaycam apquilvalhoc — alhta aptomjac Visqui ingac. Lhip Visqui ingac, jingilanojo nincoo ningiltajemo mocjam, ayinyema lhip aptomja Dios Visqui ingac.

JEREMÍAS 36:7

Altamjo inyicje elyanmongsic moc apquilvalhoc, alvatsamcoc apquiltemaclha apancaoc acmasom. Avanjec sat cotnejic aplom pac Dios Apyimtalhnamo, ellingamcojoc sat acyanmongayclha apquiltemaclha apancaoc — nic nat aptomjac profeta.

JEREMÍAS 4:1

Aptomjac alhta Dios Apyimtalhnamo apquilanya: ¡Apquililtamjoc sat ancoc elpaycacpojo quellhip, elmiyanta sicnaclha coo! Incaymalhquic etlhaoc quilaycmasquiscama altanovmalhca, incaymalhquic mejelyinyovejec sat mataa coo.

JEREMÍAS 4:2

Eltimjic sat apquillhanma mepqui apquilyeycajascaoc, ellhenic sicvisay, najan actomja nasoc anco, najan actomja acpeyvomo. Colngalhcac sat sicvisay nipyesicsa enlhitaoc lhalhma anco, colhic sat mataa ayaco sicvisay — alhta aptomjac Dios.

EZEQUIEL 33:11

Coo sicvisay Dios, nasoc co sicpayvam. Am oltamjoc, yoyam ematong enlhit apmapsom. Yitnec sat ancoc apyanmonquiscama moc apvalhoc, emyovacpoc sat. ¡Quellhip co Israel, elyanmonquis moc apquilvalhoc quellhip! ¡Elvatsaoc apquiltemaclha apancaoc quellhip! ¿Apquililtamjo ya elmasquingvomoc quellhip? — alhta aptomjac.

DANIEL 9:3

Avanjec alhta silmalhnancama najan silmalhnaycam asoc napato Dios. Am alhta otavac acnim silmalhnancama. Actalhneclhec alhta apava yamquintim ajac. Acnaclhec alhta acyitnamaclha tajap.

OSEAS 12:6

Aptomjac alhta Dios Apyimtalhnamo: Elpaycacpojo quellhip, elmiyanta sicnaclha coo. Elyiplovcasojo actemaclha ningasicjamalhca najan actemaclha acpeyvomo. Nojelyasquim nasa coo sicvisay Dios — alhta aptomjac.

OSEAS 12:7

Aptomjac alhta mocjam: Apquilyinimcasquic mataa apquilmolhama Canaán naysicsa apquiljanma asoc apquilyamasma.

OSEAS 14:1

Aptomjac nic nat profeta apquilanya: Quellhip apquilmolhama Israel, elpaycacpojo, elmiyama apnaclha Dios Apyimtalhnamo. Apquilsilhnanacpec apanco quellhip napato Dios, malha apquiltolhnay quellhip apquillhingam.

OSEAS 6:1

Inlhenquic alhta apquilvalhoc apquilmolhama Israel: Noc, ontingyac sat Dios Visqui ingac. Jingiltamilquiscomoc sat, aptomja alhta singilyicpilhquetem. Jingiltamilquiscomoc sat, aptomja alhta singilyimsascama.

JOEL 1:13

Quellhip sacerdotes apquiltimesaycam altar macmescamaclha Dios. Elantalhniclha apava actemaclha acmayovsa apquilvalhoc. Insovjalhquic nintom najan uva yingmenic macmescama Dios congne tingma apponquinomap.

ZACARÍAS 7:3

Apquilanyacpec alhta elpamejitsacpoc profetas najan sacerdotes Dios tingma pac apponquinomap: ¿Intasi ya ongilinlhanmojo moclhama año nintemaclha mataa ningilmalhnancama mepqui nintom najan acmayovsa ingvalhoc? — alhta apquiltomjac.

ZACARÍAS 7:5

Ilngas sat amyaa nipyesicsa enlhitaoc lhalhma anco najan nipyesicsa sacerdotes: Vocmec setenta años apquiltemaclha quellhip moclhama año eltimjic apquilmalhnancama mepqui nintom najan acmayovsa apquilvalhoc, piltin quinto najan piltin séptimo. Meltomjac mataa selayo coo.

MALAQUÍAS 1:9

Elilmalhna sat Dios, yoyam jingilasicjiclhojo. Memejec sat tacja Dios Apyimtalhnamo, apvita inlhojo apnatoscama almasomcaa apquilmescama nasa quellhip. Aptomjac alhta Dios Apyimtalhnamo:

LOS HECHOS 26:20

Altimnasquic alhta as amyaa siclhoc anco tingma Damasco. Natamin alhta najan tingma Jerusalén, najan acyovoclhojo yoclhilhma Judea. Natamin alhta najan nipyesicsa metnaja judíos. Altimnasquic alhta: “Elyanmonquis apquilvalhoc quellhip. Elyiplovjo Dios Ingyapam. Elyiplovquis mataa, yoyam cotnatsalhqueje apquilyanmonquiscama apquilvalhoc quellhip” —alhta actomjac coo.

JUECES 2:4

Appenasquic nic nat appayvam ángel Dios apcasinancama. Yiplovcoc nic nat apquilyapcalhem acvanyam nipyesicsa israelitas.

JUECES 20:26

Apquiltajavoc nic nat mocjam tingma Betel singilpilhtetemo israelitas najan apyovoclhojo apquillhalhmaa. Apquilyapcalhquic nic nat napato Dios Visqui ingac. Am nic nat eltovcamcoc acyovoclhojo acnim. Apquilnapquic nic nat apnatoscama macmescama Dios acyanmongam melyascalhma. Apquiltingyac nic nat moc asoc macmescama Dios, yoyam colhic ayasicjayquiclho mocjam napato Dios Visqui ingac.

1 SAMUEL 7:3

Aptomjac nic nat Samuel apquilanya enlhitaoc Israel: Nasoc sat ancoc apquilyanmonquiscama apquilvalhoc actemaclha apquilayo Dios Apyimtalhnamo. Incaymalhquic quellhip enatovacsic quilaycmasquiscama acyitsomalhca dios najan actemaclha quilaycmasquiscama Astarté. Eltime sat apquilayo Dios apvamlha pac lhama Apyimtalhnamo. Elvomsacpoc sat tap quellhip nipyesicsa filisteos — nic nat aptomjac Samuel.

1 SAMUEL 7:6

Apcaneclhec nic nat israelitas tingma Mizpa. Apquilyacvec nic nat yingmin apquilyatma nalhpop, actemaclha macmescama Dios. Am nic nat eltavac aptoycaoc. Yiplovcoc nic nat apquillhanma apquiltemaclha apquilsilhnanomap apanco napato Dios Apyimtalhnamo. Aptomjaclhec nic nat Samuel apvisqui nipyesicsa israelitas tingma Mizpa.