JOEL 2:1 - Enhlit Bible

¹ Aptomjac nic nat profeta: Elpayvas sat quellhip trompeta apnaycam inquilhe Sión. Ellingas as acyimtalhnama netin inquilhe mayayo Dios Apyimtalhnamo. Elpilhyinim quellhip apyovoclhojo co Judá. Incamquitvaac acnim apanco Dios Apyimtalhnamo.

JOEL 2:1 Iomraidhean Croise

1 CRÓNICAS 15:28

Apquilpatmaoclhec nic nat yamit aysicsic cofre del pacto acyiplomo apquilitsovascama najan apquilpalhamaycam, najan apquilpayvascama nipquesic apquipitaoc, najan trompetas, najan platillos, najan salterios najan arpas.

SALMOS 119:120

Acpilhyinimquic coo napato lhip. Yitnec ayay evalhoc napato singyicpilquemo.

SALMOS 87:1

Dios tingma pac (Sión) apyitna netin inquilhe acponquinomalhca.

ÉXODO 10:14

Apquilajapvoctac nic nat lhalhma anco yoclhilhma Egipto. Metlaycaoc nic nat sová. Am nic nat elvitacpoc mocjam sová aptema nac jay. Melvitacpejec sat mataa sova aptema nac jay.

ISAÍAS 13:6

¡Elyapcalhaoc sat quellhip, incamquitvaac acnim apanco Visqui ingac! Cotalhcac sat acyivey apmopvan apanco Dios apyimtalhnamo.

ISAÍAS 13:9

Invaac lhac acnim apanco Visqui ingac, actomja acyimtalhnama najan acyivey aplom pac, acyitsomalhca talha. Cotniclhac sat yoclhilhma actamopeycaoc as nalhpop, elmasquingvomoc sat apyovoclhojo enlhit melyascalhma as nalhpop.

ISAÍAS 2:12

Covac sat acnim apyicpilquemo Dios Visqui ingac, elyicpilcacpoc sat apyovoclhojo apquilyimtalhnesomap apanco, najan ayajamalhco apquilvalhoc.

ISAÍAS 66:2

Coo alhta ayinyema aclhamoclhojo asoc, coo alhta sillanay. Acyispaquic coo aptemaclha enlhit mepqui apyimtalhnesomacpo apanco najan mepqui ayajamalhco apvalhoc, aptomja apcayo sicpayvam.

ISAÍAS 66:5

Aptomjac alhta profeta: —Quip elaylhojo Dios appayvam quellhip apquiltomja apquilayo appayvam. Apquiltanovquic alhta apnaymacoc. Innec alhta actovasa quellhip ayinyema apquillhanma sicvisay. Apquiltomjac mataa apnaymacoc apquilanya quellhip: —Elane sat ongvita actemaclha apyimtalhnamo Dios. Ongvitac sat actemaclha acpayjayclha apquilvalhoc quellhip — alhta apquiltomjac. Enatovasacpoc sat apnaymacoc.

JEREMÍAS 16:10

Aplingasquic sat ancoc lhip as amyaa, elmalhnacpoc sat lhip: ¿So actomja yi apcanama Dios onlingamcojoc actemaclha acyimtalhnama? ¿Co laa ayinyema ningilsilhnanomalhca napato Dios? ¿So actema mongilyascalhma napato Dios Visqui ingac? — sat eltimjic enlhit.

JEREMÍAS 16:7

Cotalhquejec sat maa actemaclha yocsa mactamilquisquiyam apquilvalhoc apquilmolhama, apquitsepa inlhojo apquilyap najan inquin ayitsepma.

JEREMÍAS 4:5

Ellingas sat as amyaa natingma Jerusalén najan nipyesicsa apquilmolhama Judá. Elpayvas sat trompeta yoclhilhma lhalhma anco. Elyimnaticsojo apquilpayvam: ¡Noc! ¡Onganiclhac sat maa! ¡Payjoc tingma apquilyimnatem (apquilyilhanmomaclha) singilpilhtetemo! — sat eltimjic.

JEREMÍAS 5:22

Actomjac coo silanya quellhip: Mepqui selayo mataa quellhip, najan mepqui mataa ayay apquilvalhoc quellhip najato coo. Coo alhta silanay yingmin acvanyam najan nicjav'ayc. Avanjec mataa alyayajayam najan ayilhtingyovam covanquejec mataa yingmin coyeycaja inquilhe.

EZEQUIEL 12:23

Itne sat lhip elanic maa: Eycaso appayvam ayinyema Visqui ingac: Osavojoc sat siclhanma mepqui sicyeycajascaoc apquillingascama mataa profetas, comascoc sat amyaa nipyesicsa quellhip apquiltemaclha sevenéycam coo.

EZEQUIEL 21:12

Lhip enlhit, ¡ilpalhamam sat lhip, (yapcalhaoc) copayjam apatong! ¡Eticyoc sat enlhit ajancaoc najan apyovoclhojo apquilviscaa, ayinyema sovo alnapma! ¡Apquilanyacpec eticyoc! Iticpam sat lhip apmic apnenyic, ayinyema acmayovsa apvalhoc — itne sat lhip aplingascama sicpayvam.

EZEQUIEL 30:3

¡Ningatoc acnim apanco Visqui ingac! Cotnejic sat yatescamalhma acyiplomo apquilay enlhitaoc lhalhma anco, acyanmongayclha apquiltemaclha apancaoc co Egipto.

EZEQUIEL 33:3

Apvitac sat ancoc enlhit apquiljalhneycam apquilvoy cotnaja ingmoc elimpocjac yoclhilhma. Quilhvoc epayvacsic sat trompeta appayvascama, yoyam elpenacsojo apnaymacoc.

EZEQUIEL 33:6

Apvitac sat ancoc enlhit apquiljalhneycam centinela apquililhyam cotnaja ingmoc. Am sat ancoc epayvasac trompeta, yoyam elpenacsojo apnaymacoc. Apquilimpocjac sat ancoc cotnaja ingmoc, ematong sat enlhit, ayinyema apsilhnanomap apanco. Coo eyca oyanmongsiclha aptemaclha apquiljalhneycam mepayvascama trompeta.

EZEQUIEL 7:10

¡Quilhvoc acvaa acnim! ¡Quilhvo nac jay! ¡Macnatovascama aclhamoclhojo asoc! Apquiltemaclha apancaoc enlhit apquilyimtalhnesomacpo apanco najan apquilmapsomcaa.

EZEQUIEL 7:12

¡Quilhvoc acvaa acnim! Copvanquejec ingyitsovacsojo enlhit apyamasma asoc apvitay acyanmongam. Copvanquejec enlhit apyamasma asoc coyovsic apvalhoc. Avanjec sat cotnejic siclom naysicsa sicyanmongsayclha apquiltemaclha apancaoc enlhit israelitas.

DANIEL 6:26

Actomjac coo siyanya elyiplovcasojoc sat quellhip singanamaclha Dios, aptomja apcayo Daniel. Dios aptomja Apvisqui Apyimtalhnamo cotmongvoycamlha nelha, aptomja memasquingvoyam. Comasquejec sat mataa apcanamaclha, comasquejec sat mataa apmopvan apanco.

DANIEL 9:16

Aptasi nac lhip Dios. Noyanmongsiclha nasa apquiltemaclha apancaoc co Jerusalén naysicsa lhip aplom. Lhip apanco tingma apvanyam najan inquilhe mayayo. Intipsalhquic mataa apvisay tingma Jerusalén najan apquilvisay co Jerusalén, nipyesicsa enlhitaoc lhalhma anco. Ayinyema nincoo ningilsilhnanomalhca inganco, najan ayinyema apquilsilhnanomap apanco ningilyeyjamcaa.

DANIEL 9:20

Aptomjac nic nat mocjam Daniel: Alinlhanacmec alhta silmalhnancama, siclhanma sictemaclha ajanco sicsilhnanomalhca ajanco, najan apquiltemaclha apquilsilhnanomap apanco enlhitaoc Israel. Almalhnescasquic alhta Dios, epasingvotac inquilhe mayayo.

OSEAS 5:8

Aptomjac alhta Dios Apyimtalhnamo apquilanya: ¡Elpayvas sat trompeta tingma Gabaa! ¡Elpayvas sat trompeta tingma Ramá! ¡Elpayvas amyaa tingma Bet-aven! ¡Cotyamoc sat apquilvalhoc apquilmolhama Benjamín!

OSEAS 8:1

Aptomjac alhta Dios Apyimtalhnamo: Elpayvas sat trompeta, malha enlhit aptamilquiscama Dios enlhit apancaoc. Apquiltovasquic pacto ningmiyovmalhca siyanamaclha coo. Apquiltomja apquilinmelhaycam siyanamaclha.

JOEL 1:15

Aptomjac nic nat mocjam profeta: ¡Quellhip layi! Invaac acnim apanco Dios Apyimtalhnamo. Invaac acnim, yoyam onlingamcojo singiltovascama. eyanmongsiclhac sat nintemaclha inganco Visqui ingac apyimtalhnamo.

JOEL 2:11

Aplhingam apmamyi aptomjac Dios Apyimtalhnamo apnalayclha apquilasinancama. Inlingalhquic appayvam ayilhtingyavoyam. Appintalhnama apquilasinancama apquilyiplovquiscama appayvam apcanama Dios ¡Avanjec ningilay ningvita as acnim acyimtalhnama! Mongvanquejec ongmiyovalhcac napato Dios Apyimtalhnamo — nic nat aptomjac profeta.

JOEL 2:15

¡Elpayvas sat trompeta netin inquilhe Sión! Elansiclha enlhitaoc eltimjic apquilmalhnancama.

JOEL 2:31

Coyilhvasic sat acnim, najan eyilhvasic sat piltin, malha ema sat cotnejic. Cotalhcac sat jayqui acnim apanco Dios Apyimtalhnamo. Acyivey simpilapquiscama acyiplomo ayay ingilvalhoc, sat cotnejic as acnim.

JOEL 3:14

Appintalhnama enlhitaoc payjoc alvata acvisay Singyicpilquemo. Ningatoc acnim apanco Dios Apyimtalhnamo.

JOEL 3:17

Jelyicpilcoc sat coo sicvisay Dios, sicmaclha netin inquilhe mayayo acvisay Sión. Tingma mayayo etnejic sat apvisay Jerusalén. Melnatovacsejec sat mataa cotnaja ingmoc.

AMÓS 3:6

Pilapcasquic enlhitaoc natingma, apquillinga inlhojo appayvascama trompeta. Apquillingamcoc acmasom enlhit natingma, ayinyema apcapajascama Dios Apyimtalhnamo.

AMÓS 5:18

Enlhit layi apquiljalhanma, yoyam covac as acnim acyimtalhnama. ¿Apquilyasamco ya quellhip yavamlha cotnejic as acnim apanco Dios Visqui ingac? Elvitac sat yatescamalhma as acnim, mepqui ayitsayolhma.

AMÓS 8:2

Aptomjac alhta seyanya Dios Apyimtalhnamo: —¿Soc lha asoc apvita lhip? — alhta aptomjac. Ayatingmavoc alhta: Acvitac lhama alhancoc acyilhna acmocjitmo — alhta actomjac coo. Aptomjac alhta seyanya Dios Apyimtalhnamo: —Apquilyitsomacpo enlhitaoc Israel acyilhna acmocjitmo. Mongvasicjiclhejec sat mocjam.

ABDÍAS 1:15

Colhic sat acyanmongseclho apquiltemaclha apancaoc, ellingamcojoc sat quellhip. Colhojoc sat apquillingaycamco quellhip, apquiltimesquiscama siclho quellhip apquilyalhinga — alhta aptomjac. Camquitvaac acnim apanco Dios Visqui ingac, elvita enlhitaoc lhalhma anco.

SOFONÍAS 1:14

¡Ningatoc anco acnim acyimtalhnama apanco Visqui ingac! ¡Ningatoc anco! Asquejec sat cotnejic acnim apanco Dios Visqui ingac: ¡Elilpalhamam sat enlhit apquilyimtalhnamo!

SOFONÍAS 1:16

Colngalhcac sat trompeta apquilpayvascama najan apquilpalhamaycam, yoyam elimpocjac tingma apquilvanyam najan tingma nitno.

SOFONÍAS 1:7

Elvanma napato Dios Visqui ingac, ningatoc anco acnim apanco. Apquillanac fiesta Dios Visqui ingac, apquilanyacpo eltasomoc enlhit (cotnaja ingmoc).

SOFONÍAS 3:11

Incovac sat acnim, comascoc sat apquilmancactama quellhip, ayinyema alhta selinmelhaycam quellhip. Omascoscomoc sat ayajamalhco apquilvalhoc najan apquilyimtalhnesomap apanco enlhit. Cotalhquejec sat mataa ayajamalhco apquilvalhoc enlhit apnaycam inquilhe acponquinomalhca.

ZACARÍAS 14:1

Covac sat acnim apanco Visqui ingac, elnatamoc sat apquilnatam quellhip co Jerusalén, elmilascoc sat cotnaja ingmoc nipyesicsa.

ZACARÍAS 8:3

Olhic sat coo nipyesicsa co Jerusalén, iltamjacpoc sat tingma Mepqui Apquilvatseycaoc, najan inquilhe sicmaclha coo, cotnejic acvisay Inquilhe Acponquinomalhca.

MALAQUÍAS 4:1

Aptomjac alhta Dios Apyimtalhnamo: Incamquitvaac acnim acyitsomalhca talha acvanyam congne malhic. Elmetic sat enlhitaoc ayajamalhco apquilvalhoc najan apquilmapsomcaa. Colhic sat alvatna talha, malha papiyov apmeta sat cotnejic. Mengyaymacpejec sat lhama.

NÚMEROS 10:2

Ingyane sat lhip colhic allana anit apquilpayvascama trompetas, allanomalhca plata najan apquilmaycam martillo. Melquinatsejec sat enlhitaoc, yoyam ingyaniclha mocjam, najan yoyam elimpiclhac sat mocjam, apquillinga inlhojo apquilpayvascama trompeta.

NÚMEROS 10:3

Ingyaniclhac sat apyovoclhojo enlhit apnaclha lhip, payjoc carpa apponquinomap, apquillinga inlhojo apquilpayvascama dos trompetas.

1 CORINTIOS 14:8

Apquilpayvasquic mataa trompeta apquilpayvascama amamyi apquilnapomap. Am sat ancoc cotamilac acpáyvam trompeta, melyasamquejec sat singilpilhtetemo yoyam elimpiclha.

FILIPENSES 2:12

Quellhip elyalhinga. Inpayjeclhec evalhoc apquiltomja selyajayquiclho mataa naysicsa sicma nipyesicsa quellhip najan naysicsa sicma mocjay. Elinlhanmojo sat quellhip actemaclha apquilyajayquiclho. Elvascap sat naysicsa apquilay najan naysicsa apquilpilhyinamam yoyam elvomsacpoc tap.

1 TESALONICENSES 5:2

Apquilyasamcoc quellhip yoyam cotlapsic sat evotac Visqui ingac. Cotnejic sat malha enlhit apminyilhma acpilapquiscama apvoy alhtaa.

SANTIAGO 5:8

Elinlhanmojo sat najan quellhip lha. Elyimnaticsojo apquilvalhoc, ayinyemaclha camquitvaac apvoyctamlha Visqui ingac.

1 SAN PEDRO 4:7

Camquitvocmec acnim yoyam colmasquingvomoc aclhamoclhojo asoc. Eltamilsacpojo apanco mataa quellhip. Noelyeyesacpojo nasa olhma yoyam comasqueje apquililmalhnancama quellhip.

EL APOCALIPSIS 6:17

Ayinyemaclha invaac acnim apyanmongsayclha nintemaclha nincoo. ¿Soc sat enlhit yoyam emyovacpoc? —alhta apquiltomjac.