JEREMÍAS 9:5 - Enhlit Bible

⁵ Moclhama apquiltomja apquilinmelhaycam poc actemaclha apquilasmescama, paj lhama aptomja nasoc anco appayvam, apquiltemaclha apancaoc apquilmopvancaa amyaa, apquiltemaclha apquilmapsomcaa,

JEREMÍAS 9:5 Iomraidhean Croise

GÉNESIS 19:11

Pilapcasquic nic nat aptomja mepqui apataoc enlhitaoc apcanaycam atong. Insovjoc nic nat actomjaycaoc mepqui apataoc aplhamoclhojo apquitcoc najan apquilvanyam. Inmasquec nic nat apquilyimnaa apquilquitamsama atong.

JOB 11:3

Aplhamasomap nac lhip singvenéycam nincoo. Ingvanquic ongilatingmojo quilhvo nac jay.

JOB 15:5

Aptemaclha lhip apsilhnanomacpo apanco, singyinimquiscama intomjac lhip appayvam.

SALMOS 140:3

Asquejec mataa apquilpayvam, malha acyeyva actaclhama. Asquejec mataa apquilpayvam, malha veneno acyeyva actaclhama.

SALMOS 50:19

Aptipcasquic mataa lhip appayvam acmasom actemaclha apmopvan amyaa.

SALMOS 52:3

Aptanovquic lhip mataa actemaclha actamila. Apyispaquic mataa lhip acmasom. Aptanovquic lhip mataa actemaclha nasoc anco. Apyispaquic lhip acmovan amyaa.

SALMOS 64:3

Asquejec apquilpayvam, malha sovo acmajamtic intomjac. Asquejec apquilpayvam, malha yanca altilhnamalhca panatem singajem.

SALMOS 7:14

Aptemaclha apanco apmapsom. Malha aplovso etimsic aptemaclha apanco.

PROVERBIOS 12:5

Peyvoc mataa alquitamsama ingvalhoc, acyitna inlhojo nintemaclha acpeyvomo. Acmasom mataa alquitamsama ingvalhoc, acyitna inlhojo nintemaclha acmasom.

PROVERBIOS 4:16

Mepqui actamilaycam apquilvalhoc apquilmapsomcaa, najan alhtaa. Apnatovasquic mataa poc, natamin elyitnamcoc yoyam elnateynic.

ISAÍAS 5:18

¡Enlhit layi, quellhip layi! Apquiltemaclha quellhip apquilmopvan amyaa, malha apquilyinyovascama quellhip acmasom, najan malha apquilyinyovascama carro quellhip, apquiltomja apquilyinyovascama melyascalhma apancaoc.

ISAÍAS 57:10

Apquilyampavo inyicje quellhip apquillhingam, am eyca elyicpilcac actemaclha. Apquilvascapqui inyicje quellhip, meltimjic sat apquilyampay.

JEREMÍAS 12:13

Apquilquinaclhec siclho trigo apactic, apquilvitac acyilhna yammeyac, alhtoc alhta apquiltamjaycam enlhit. Apquilyinimsacpec apanco enlhitaoc, ayinyema acyivey siclom coo, actomja malha talha — alhta aptomjac Visqui ingac.

JEREMÍAS 12:6

Lhip apquilyalhing najan apquilmolhama familia apquiltomja apquilinmelhaycam lhip, apquilantipquiscama lhip apvisay. Iyasquim sat lhip apquilpayvam, aplinga inlhojo lhip actamila apquilpayvam — alhta aptomjac seyanya.

JEREMÍAS 13:23

¿Apvanqui ya enlhit appasyam etniclha apmopoy? - paj. ¿Apvanqui ya niptana eyinyoc alcama apyimpejic? - paj. Colapvanquejec quellhip lha eltimiclha apquiltamila, acyitna inlhojo apquiltemaclha apancaoc acmasom.

JEREMÍAS 4:22

Aptomjac alhta Visqui ingac: Acyeyjamelhma enlhit ajancaoc, mepqui selyicpilquemo. Am alhta elyasingvocmoc mocjam. Apquilyasamcoc mataa ellanac asoc acmasom, paj eyca elyasamcoc ellana asoc altamila — alhta aptomjac Visqui ingac.

JEREMÍAS 51:58

Aptomjac mocjam Visqui apyimtalhnamo: Conatovasalhcac sat mataymong apjalhtam tingma Babilonia, colhic sat alvatna talha tingma apatnaoc. Alhto inyicje apquiltamjaycam enlhitaoc, cotnejic sat talha acsovjomo acyovoclhojo — alhta aptomjac.

JEREMÍAS 51:64

Itne sat lhip appayvam: Acno as vaycajac evayvamcoc sat najan tingma Babilonia. Mepqui apquilvomsomap tap naysicsa apquillingaycamco acyimtalhnama ayinyema Visqui ingac — sat itne lhip nipyesicsa maa — nic nat aptomjac Jeremías. Vamlha as appayvam ayinyema ilhnic nat Jeremías.

JEREMÍAS 7:28

Iltimnas sat amyaa: Mepqui apquilyajayquiclho quellhip Dios Apyimtalhnamo, mepqui mocjam apquiltamilcasomacpo apanco — alhta aptomjac Dios.

JEREMÍAS 9:3

Aptomjac Visqui ingac apquillhenacpo: Apquiltemaclha apancaoc apquilmopvan amyaa, malha pilhpaalh apyinjay yanca intomjac. Mepqui amyaa nasoc anco lhalhma anco, apquiltemaclha apquilmopvan amyaa, inyangvocmec apquiltemaclha acmasom. Mellhanma mataa sicvisay.

JEREMÍAS 9:8

Asquejec mataa apquilpayvam, malha yanca singajem, apquiltemaclha apquilmopvancaa amyaa. Apquilpayvasqui inyicje poc, apquiltemaclha apquilyinimquiscama, malha trampa tava apac intomjac.

EZEQUIEL 24:12

Avanjec anco tava apac anyi, paj covanac talha calhnacsic apyovoclhojo vaynca — alhta aptomjac.

MIQUEAS 6:12

Acmasom apquiltemaclha apancaoc natingma enlhit acma apquilnatam, apquilmopvancaa amyaa, apquilyinimquiscama apnaymacoc.

MIQUEAS 6:3

Eycaso appayvam Dios Apyimtalhnamo: Jelatingmojo quellhip. ¿Yitne ya sictemaclha ajanco sictovascama quellhip?

HABACUC 2:13

Alhto sat cotnejic apquilvascapma apquiltamjaycam quellhip. Dios Visqui Apyimtalhnamo etvacsic sat apquillanay quellhip, cosavojoc sat talha acyovoclhojo maa.

MALAQUÍAS 2:10

Aptomjac nic nat profeta: ¿Naso ya lhama Apyimtalhnamo nincoo, apvisay Dios apquilantipquiscama aclhamoclhojo asoc? ¿Co laa ayinyema ningilyinimsomalhca ningyesicsa, ningiltomja nintovascama singanamaclha Dios actemaclha pacto ningmiyovmalhca?

EFESIOS 4:25

Elvatsaoc sat apquilmopvan amyaa. Eltime sat mataa nasoc anco apquilpayvam apquilpamejitquiscama poc. Ayinyemaclha ninlhamoclhojo ningiltomja Jesucristo apmolhama.

1 TIMOTEO 4:2

Elaylhojoc sat apquillhanma enlhitaoc apquilmopvancaa amyaa najan apquillhanma enlhitaoc apquilasinomap acyitna anit apvalhaoc. Alitsepma intomjac apquilvalhoc, malha ayinyema tava ápac acmeta.

JUECES 2:10

Nalhit acnim nic nat apquilitsepa apnaymacoc apquilictingaycamco lhama Josué. Am nic nat elyasamcoc aptovana niptamin aptemaclha aptamjaycam Dios nipyesicsa enlhitaoc Israel.