JEREMÍAS 9:4 - Enhlit Bible

⁴ Elyasquim sat apquilpayvam apnaymacoc, elyasquim apquilpayvam apquilyalhing. Yitnec apquilyinimsomacpo nipyesicsa apquilyalhing, yitnec apquilantipquiscama apquilvisay nipyesicsa apnaymacoc.

JEREMÍAS 9:4 Iomraidhean Croise

GÉNESIS 32:28

Aptomjac nic nat as enlhit apcanya: —Inmasquec lhip apvisay Jacob. Israel intomjac lhip apvisay quilhvo. Ayinyemaclha apquilnapacpec lhac lhip Dios najan enlhitaoc. Apyimnatem nac lhip— nic nat aptomjac.

SALMOS 101:5

Onavesam sat apquilmapsomcaa apquilvenneycam mataa poc. Actanovquic coo aptomja apyimtalhnesomacpo apanco najan ayajamalhco apquilvalhoc.

SALMOS 15:3

Mepqui acmovan amyaa appayvam. Mepqui aplovquiscama poc. Mepqui apquilpamesvoyam poc.

PROVERBIOS 10:18

Ningyilhalhcoc mataa nintanoncama, ayinyema nintemaclha ningmovan amyaa. Nintemaclha ningillhamasomalhca ayinyema acyeyjamelhma ingvalhoc.

PROVERBIOS 25:18

Yitnec sat ancoc ningmovan amyaa napato singyicpilquemo, ninlhanma apvisay ingmoc, colhojoc sat ningilmaycam martillo, najan sovo, najan yanca.

PROVERBIOS 4:16

Mepqui actamilaycam apquilvalhoc apquilmapsomcaa, najan alhtaa. Apnatovasquic mataa poc, natamin elyitnamcoc yoyam elnateynic.

PROVERBIOS 4:17

Aptoycaoc najan apyinaycaoc acyitsomalhca apquilajem najan asoc acmasom.

PROVERBIOS 6:16

Am eyispac mataa Dios nintemaclha inganco, acvaycmo seis najan siete:

PROVERBIOS 6:19

Actemaclha anit ingvalhaoc, ayinyema ningvitaycamco amyaa, onlingacsic movan amyaa. Actemaclha acsilhnanoncama ingvalhoc, ayinyemayaclha mataa apquilatingmomap ingilyalhinga.

ISAÍAS 59:13

Naso, ningilinmelham nincoo Dios Apyimtalhnamo naysicsa ningilvatseycaoc ningyiplovquiscama. Ningilvatsamquic alhta ningilyajayquiclho Dios. Ningillhenquic mataa nintemaclha ningilnapma najan nintingyey poc yoyam emacpoc. Inlhenquic mataa ingilvalhoc, yoyam ongilyinimsic najan ongilsilhnaná.

ISAÍAS 9:16

Apquilsilhnanoncama apquiltomja apquilviscaa. Enatovasacpoc sat enlhitaoc apquilsilhnanomap.

JEREMÍAS 12:6

Lhip apquilyalhing najan apquilmolhama familia apquiltomja apquilinmelhaycam lhip, apquilantipquiscama lhip apvisay. Iyasquim sat lhip apquilpayvam, aplinga inlhojo lhip actamila apquilpayvam — alhta aptomjac seyanya.

JEREMÍAS 6:28

Acyasingvocmec coo apquiltemaclha maa. Cayjec apquilvalhoc as enlhitaoc, malha tava apac najan bronce. Yitnec apquilyinimquiscama najan apquilmapsomcaa.

JEREMÍAS 9:8

Asquejec mataa apquilpayvam, malha yanca singajem, apquiltemaclha apquilmopvancaa amyaa. Apquilpayvasqui inyicje poc, apquiltemaclha apquilyinimquiscama, malha trampa tava apac intomjac.

EZEQUIEL 22:9

Apticyovquic maa enlhit mepqui apquilsilhnanomap apanco, apquilmiyovacpec maa apquilsilhnanomap apanco, ayinyema apquiltemaclha movan amyaa. Apquillanac fiesta yoyam colhic ayaco quilaycmasquiscama netin inquilhe, avanjec sictanoncama coo.

LEVÍTICO 19:16

Noelantipquis nasa apvisay poc nipyesicsa apnaymacoc. Noeltimesquis nasa apmapsom poc yoyam ematong. Coo sicvisay Dios Sicyimtalhnamo, apancaoc quellhip.

MALAQUÍAS 2:10

Aptomjac nic nat profeta: ¿Naso ya lhama Apyimtalhnamo nincoo, apvisay Dios apquilantipquiscama aclhamoclhojo asoc? ¿Co laa ayinyema ningilyinimsomalhca ningyesicsa, ningiltomja nintovascama singanamaclha Dios actemaclha pacto ningmiyovmalhca?

SAN MATEO 10:17

Eltamilsacpojo apanco quellhip nipyesicsa enlhitaoc. Colhic sat acnalaclho quellhip napatavo apquilyimtalhnamo. Colhic sat alyicpilhquetamco quellhip tingma apcaneyquiclhilha.

SAN MATEO 10:21

‘Eltanongvomoc sat apquilyalhinga enlhit, elanic sat yoyam eticyo. Eltanongvomoc sat apquitquic enlhit, elanic sat yoyam eticyo. Eltanongvomoc sat apyapmayc najan incanayc enlhit, elanic sat yoyam coticyo.

SAN LUCAS 21:16

Elmacpoc sat quellhip. Elanic sat apyapmayc, yoyam elmacpoc quellhip. Colanic sat incanayc, yoyam elmacpoc quellhip. Elanic sat apquilyalhinga, najan apmolhama najan apnaymacoc, yoyam elmacpoc quellhip. Eticyo sat napocja quellhip.

1 TESALONICENSES 4:6

Noeltovas nasa actomja poc ingyalhing apanco, actemaclha siclhanma lhac. Ayinyemaclha eyanmongsiclhac sat Dios nintemaclha. Ningiltimnasquic alhta quellhip as amyaa.