JEREMÍAS 9:10 - Enhlit Bible

¹⁰ Elyapcalhaoc sat, eliclhangvom sat quellhip apquilvita inquilhe najan yingman ayimjaclha paat acmeta, mepqui enlhit apquileyvam. Paj colngalhcac mocjam alpáyvam apnatoscama. Inquilinyajamquic maa asoc navjac najan nata navjac.

JEREMÍAS 9:10 Iomraidhean Croise

ISAÍAS 41:15

Quip elaylhojo. Otnesquisic sat quellhip malha yamit ninticpaycam ninliclama actic. Yamit alhnancoc malha mintamaycam. Elticpam sat quellhip inquilhe acvinatem, cocpilcalhcac sat. Elticpam sat acvayveyquintamlha, malha anic ayimpeoc sat coltimiclha.

ISAÍAS 49:19

Tingma alhta aptovasomap najan apyinyovmap, mepqui enlhit. Elhamiclhac sat enlhitaoc elhnam as tingma. Melvitacpejec sat mataa enlhit apnatovascama siclho as tingma.

JEREMÍAS 12:10

Apnatovasquic alhta cotnaja ingmoc ayimjaclha uva najan ayimjaclha paat amyip. Intomjaclhec yoclhilhma actamopeycaoc as amyipayc silasicayo coo.

JEREMÍAS 12:11

Ayovsec evalhoc sicvita as yoclhilhma actamopeycaoc lhalhma anco, am elhenac mataa lhama enlhit.

JEREMÍAS 12:4

¿Co sat acvam comascoc sat acyamay olhma as nalhpop, najan comascoc sat ayitsepma ninganma najan ayimjaclha paat? Inquilitsepquic mataa ninatoscama, najan asoc navjac, najan nata. Eycaso ayinyema apquiltemaclha apancaoc enlhit apquilmapsomcaa. Apquilanem enlhitaoc, mepqui lhip apyascamco apquiltemaclha apancaoc — alhta intomjac silmalhnancama.

JEREMÍAS 14:6

Inquilyancac netin inquilhe yamelyeyjaycoc navjac, mepqui alvitay actoycaoc. Inquilyovsec maa (inquilquinimquic) mepqui actoycaoc, acno chacales yamvavo — alhta aptomjac Visqui ingac.

JEREMÍAS 2:15

¿Co laa ayinyema apquilimpocjay cotnaja ingmoc, malha yamacmeyva acyimnatem alnapma quellhip? Apnatovasquic alhta cotnaja ingmoc quellhip tingma apquilvanyam apancaoc, tingma apquilmeta, yoclhilhma mepqui enlhit apquileyvam.

JEREMÍAS 2:6

Am alhta jeltingyac mataa coo, sicyinyovquiscama nat yoclhilhma Egipto. Sicnalayclha alhta yoclhilhma actamopeycaoc, acmasom alhta acyamay olhma, mepqui alhta yingmin alvata. Mepqui enlhit as yoclhilhma mepqui amay.

JEREMÍAS 23:10

Avanjec apquilmapsomcaa enlhitaoc lhalhma anco, apquilvisay apquilyamasma. Avanjec apquiltemaclha apancaoc mepqui apquilpeyvomo. Aptovasquic Visqui ingac ningaoclha nincoo, inyamamquic ayimjaclha paat, malha actomja acmeta — alhta aptomjac.

JEREMÍAS 50:3

Apquililhyacmec cotnaja ingmoc payjoc nilhqueyja, enatovacsic sat yoclhilhma. Mepqui enlhit apuileyvam maa. Apquilinyajamquic apyovoclhojo, najan enlhit najan apnatoscama — alhta aptomjac Visqui ingac.

JEREMÍAS 7:29

¡Quellhip co Jerusalén, eltingyasquis apquilyesem, etlhaoc sat apva! Elminaycmas actemaclha acmayovsa apquilvalhoc netin inquilhe. Aplovquic alhta Dios Apyimtalhnamo, aptomja apquilyamasma enlhitaoc macnatovascama — alhta aptomjac.

JEREMÍAS 8:18

Asquejec evalhoc coo, avanjec aclingaycamco evalhoc sicvita enaymacoc.

LAMENTACIÓNES 1:16

Avanjec nincoo ningvinama, avanjec acpaliyam ate ayingmenic, paj lhama enlhit, yoyam jintamilquiscomoc ingilvalhoc. Apnam inquitquic nincoo nipyesicsa tingma aptovasomap, ayinyema apquilyimnatem apanco cotnaja ingmoc.

LAMENTACIÓNES 2:11

Intiyacmec evalhoc sicvita enaymacoc tingma apancaoc aptovasomap. Avanjec coo sicvinama najan acmayovsa evalhoc sicvita acyovoclhojo actovasomalhca, najan alitsepma sicaa najan apquitcavoc natingma lhalhma anco.

LAMENTACIÓNES 5:18

Intomjaclhec mayicjescama mataymong tingma Jerusalén, aleyvomaclha maling.

EZEQUIEL 14:15

Evanquic olapajacsic asoc navjac aclom as yoclhilhma, yoyam colnapoc enlhitaoc. Cotniclhac sat yoclhilhma actamopeycaoc. Metyisamejec sat mataa enlhit ayinyema apcay asoc navjac aclom.

EZEQUIEL 27:2

Lhip enlhit, imnaycmas sat lhip as ningminaycmascama yocsa apquillhenacpo co Tiro.

EZEQUIEL 29:11

Melvitacpejec sat enlhit as yoclhilhma, paj najan asoc navjac, acvaycmo cuarenta años.

EZEQUIEL 33:28

otnesquisic sat yoclhilhma actamopeycaoc, comascoc sat apquiltemaclha apquilyimnatem. Otnesquisic sat inquilhe actamopeycaoc, mepqui enlhit maa yoyam etyisam.

EZEQUIEL 6:6

Enatovasacpoc sat tingma apquilvanyam lhalhma anco apquileyvomaclha quellhip. Conatovasalhcac sat acyovoclhojo altares acyitnamaclha quilaycmasquiscama, conatovasalhcac sat najan quilaycmasquiscama, najan altares apquilvatnamaclha asoc acmasis. Comascoc sat acyovoclhojo asoc apquillanay siclho enlhit.

OSEAS 4:3

Ayovsec yoclhilhma mepqui yingmin. Inquilitsepquic asoc navjac, najan nata navjac, najan quilasma — nic nat aptomjac profeta.

JOEL 1:13

Quellhip sacerdotes apquiltimesaycam altar macmescamaclha Dios. Elantalhniclha apava actemaclha acmayovsa apquilvalhoc. Insovjalhquic nintom najan uva yingmenic macmescama Dios congne tingma apponquinomap.

JOEL 1:19

Yitnec coo siyevoycam lhip Dios Apyimtalhnamo. Insovjoc alhta talha ayimjaclha paat najan yamtaa acma acyilhna.

AMÓS 5:1

Aptomjac alhta mocjam: Quellhip enlhitaoc Israel. Elaylhojo apquiliclhangveycam apquillhenacpo apquilitsepma quellhip.

AMÓS 5:16

Aptomjac alhta mocjam: Colngalhcac sat natingma apquiliclhangveycam najan apquilpalhamaycam, apquillhenacpo apticyovam. Enlhit apquiltamjaycam amyip elanyacpoc sat elpasingvota apquiliclhangveycam, alpasmeyquiclha quilvanaa altemaclha anco aliclhangveycam.

MIQUEAS 2:4

Ellhenacpoc sat quellhip naysicsa apquilasmescama poc najan apquilminaycmascama malha acmayovsa apquilvalhoc, sat eltimjic: Ningnatovasalhquic ningyovoclhojo. Mepqui nincoo singmasma. Ingilnatamquic nincoo amyipayc, mepqui lhama asoc ayaymalhca — sat eltimjic maa.

MIQUEAS 3:12

Enatovasacpoc sat apyovoclhojo tingma Jerusalén netin inquilhe, ayinyema apquilsilhnanomap apanco quellhip. Cotniclhac sat mocjam amyip ningilcacjam, elhojoc sat tingma mayicjescama mataymong. Elhojoc sat tingma apponquinomap ayimjaclha tayit — nic nat aptomjac profeta.