Biblia Todo Logo
Bìoball air-loidhne

- Sanasan -




JEREMÍAS 8:19 - Enhlit Bible

19 Aclingac coo apquilpalhamaycam enaymacoc lhalhma anco: ¿Apyinyovqui ya Dios Visqui ingac tingma Jerusalén? ¿Apyinyovqui ya apvisqui rey? — apquiltomjac maa. Apcatingmavoc Visqui ingac: ¿So actomja yi? Selvenéycam alhta quellhip naysicsa apquilayo quellhip quilaycmasquiscama mepqui almovancaa — alhta aptomjac.

Faic an caibideil Dèan lethbhreac




JEREMÍAS 8:19
35 Iomraidhean Croise  

Innec ayaco Visqui ingac tingma Sión. Apmaclha apanco tingma Jerusalén. Innec ayaco Visqui ingac.


Ningnec alhta nicja vatsam tingma Babilonia. Avanjec alhta ningyapcalhem aclhanvayclho ingvalhoc tingma ingac Sión.


Quellhip tingma Sión. Visqui ingac aptomja apcanem cotmongvoycamlha nelha. Dios aptomja Visqui ingac cotningvoyam nelha. Innec ayaco Visqui ingac.


Colpayjiclha apquilvalhoc quellhip apnaycam tingma Sión. Dios aptomja Visqui ingac. Aptomja apquilantipquiscama aclhamoclhojo asoc.


Actanovquic coo aptomja apquilpayescamo quilaycmasquiscama acyitsomalhca Dios. Actimec coo siyayo lhip.


Quellhip layi enlhitaoc apquilmapsomcaa najan apquilsilhnanomap apanco. Ticyovam yapmayc aptovana nac quellhip. Apquilpinsem nac quellhip. Apquilyinyovquic quellhip Dios Apyimtalhnamo. Apquilvennam quellhip aptomja Apvisqui apponquinomap nipyesicsa enlhitaoc Israel. Apquilyinyovquic quellhip.


Elilpalhamam sat quellhip apnaycam tingma Jerusalén. Apnec nipyesicsa quellhip Dios Visqui ingac aptomja apyimtalhnamo apanco, apvisay Santo mayayo — sat eltimjic quellhip — nic nat aptomjac profeta.


Apquilinyemac moc yoclhilhma mocjay anco, payjoc nelha lhapop. Dios Visqui ingac apnalayquinta, yoyam elnatovacsic enlhitaoc apquileyvam as nalhpop, ayinyema acyivey aplom pac Dios.


Mepqui alyimnatem tama actetamalhca mástil yamit acvinatem barco aysicsic. Copayjiclhejec sat mataa vela apava apyivey apanco. Colnatamalhcac sat apquilnatam cotnaja ingmoc, najan enlhit mepqui apataoc elvitac sat apquilnatam, najan enlhit mepqui apquillhingam. Singyicpilquemo nac Visqui ingac, aptomja singmasma nincoo, aptomja singvomquiscama tap.


Aptiyaningvocmec nic nat profeta Isaías, aptomja apcanya: —¿Soc amyaa yi? ¿Co laa apquilinyemaclha maycaa? — nic nat aptomjac profeta. Apcatingmavoc nic nat Ezequías: —Apquilinyemac alhta mocjay, yoclhilhma Babilonia — nic nat aptomjac.


Eycaso sicpayvam Dios: —Enalhaticjaoc, enalhaticjaoc quellhip co Jerusalén. Elvascap, eltime sat apquilyimnatem. Elantalhniclha apava apquiltamila quellhip co Jerusalén, tingma apponquinomap. Copvanquejec sat mataa etlhic as tingma enlhit apmapsom najan mepqui asoc monquinatquiscama apyimpejic.


Comalhquejec mataa as asoc, conatovasalhcac sat naysicsa apyicpilquemo Dios.


Aptomjac nic nat profeta: Dios, ¿naso ya lhquip enatovacsic apquilmolhama Judá? ¿Incastinqui ya lhquip apquilaneyo apquiltemaclha co Sión? ¿So actomja yi singilnapma nac lhip? Ningiljalhnec mataa singaycaoc alinyema lhip, paj alhta ongvitac mataa. Ningiljalhnec mataa sintamilquisquiyam, ningvita eyca ayay ingvalhoc.


¿Naso ya lhquip malha enlhit mepqui apyimtalhnamo, najan malha acma apquilmaycam mepqui singilpasmom? Ayinayc coo paj. Lhip Visqui ingac apna mataa ningyesicsa. ¡Lhip aptomja apyascamco ningilvisay lhip enlhit apancaoc! Nojingilyinyov nincoo — nic nat aptomjac profeta.


Aptomjac alhta Dios Apyimtalhnamo apquilanya: ¿Apquilvita ya quellhip apquilyeyjamcaa sictemaclha sicmasom? Apquiltomja alhta selyamasma coo. Apquiltingyac alhta mataa quilaycmasquiscama mepqui acmovan, mepqui alhta apquilyimnatem.


Apquilmopvancaa amyaa as enlhit. Apquiljalhnoc sat ancoc quellhip, elmacpoc sat quellhip, oyinyovsic sat apquilaoclha, ongvilhpansic sat quellhip, elmasquingvomoc sat.


Covac sat acnim, yoyam colngalhcac apquilpayvam centinelas apquiltamilquiscama tingma netin inquilhe Efraín: ¡Noc, ongmiyaclhac sat Jerusalén, apnaclha Dios Visqui ingac! — sat eltimjic — alhta aptomjac Visqui ingac.


Apquiltemaclha apancaoc israelitas najan co Judá apquillanay asoc sictanoncama coo, apquiltemaclha sevenéycam coo, apquillanay apanco quilaycmasquiscama eltimjic apquilayo. Eycaso sicpayvam sicvisay Visqui apancaoc — alhta aptomjac.


Apquiltemaclha maa sevenneycam coo, najan apquilvennacpo apanco, actemaclha apquilmancactama. Naso coo sicpayvam sicvisay Dios Visqui apancaoc.


Apquiltomjac mocjam enlhitaoc: Insovjalhquic acnim acmocjitmaclha najan acnaclhamalhquilha acyilhna, am alhta ongvitac ningilvomsomalhca tap — apquiltomjac.


Ongvilhpansic sat nipyesicsa metnaja israelitas, melyicpilquemo apquilyeyjamcaa, melyicpilquemo israelitas. Elnapacpoc sat maa, elsovjacpoc sat apticyovam — alhta aptomjac.


Acyovoclhojo mataymong apjalhtam acvamlha acvinatem alhta nueve mil metros. Apvisay tingma cotnejic sat mataa: Visqui ingac tingma pac — alhta aptomjac.


Elvomsacpoc sat tap moclhama apquilmalhnaycam Dios Apyimtalhnamo. Ningilvomsomalhca tap acyitna netin inquilhe Sión tingma Jerusalén. Eycaso aplhanma ilhnic nat actomja nasoc anco Dios Apyimtalhnamo. Elmiyovacpoc sat apquiltomja apquilyacyescama Dios Apyimtalhnamo — alhta aptomjac Dios Apyimtalhnamo — nic nat aptomjac profeta.


Inquilhe Sión cotnejic sat acponquinomalhca, elvomsacpoc sat tap apquilaymomap apquilinyem. Ellhovamcoc sat yoclhilhma Jacob aptovana niptamin.


Aptomjac nic nat profeta: ¿So actomja yi? Apquiliclhangvam quellhip malha quilvana naysicsa actimquiscama ayitca. ¿Am ya elhnac apvisqui nipyesicsa quellhip? ¿Apquilitsepqui ya consejeros apquiltamilquiscama?


Inmasquec apyanmongsayclha Dios apquiltemaclha quellhip. Apnatovasquic apyovoclhojo cotnaja ingmoc. Apnec nipyesicsa quellhip Dios apvisqui apancaoc Israel, elhnam sat mataa quellhip mepqui apquilay acmasom.


—¡Quip elanojo enlhitaoc! ¿Soctomja apquiltomja nac as asoc quellhip? —alhta apquiltomjac. Enlhit nincoo lha ningno quellhip. Ningvaac nincoo, yoyam ongiltimnacsic amyaa. Elvatsaoc as asoc apquilyitquiscama dios. Elyiplaclha sat Dios Ingyapam apjalhnancoc aptomja apquillanay netin najan nalhpop najan yingmin acvanyam najan aclhamoclhojo asoc acnamco maa.


Olvoc sat coo, oyanmongsiclhac sat apquiltemaclha apancaoc. Olyinyoc sat apyovoclhojo enlhitaoc, mopasmejec sat mataa, elmasquingvomoc sat maa. Ellingamcojoc sat acyimtalhnama, sat eltimjic ellhenic: Eycaso ninlingaycamco acyimtalhnama ayinyema singyamasma Dios — sat eltimjic.


‘Aptomjac alhta seyanya coo: Italhosquis sat lhip yoyam elyipsitic soycam amyaa aptomja apquimja apmamyi Jesucristo apmolhama apnaycam tingma Efeso: “Eycaso appayvam aptomja apmaycam apmic actamilaclha siete apyova. Najan aptomja aptiyascam naysicsa siete alapongmateycaoc alyinmom:


Lean sinn:

Sanasan


Sanasan